Chipuru Vastu Tips: ప్రతి ఇంటిలో శుభ్రత కోసం చీపురును ఉపయోగిస్తారు. అయితే హిందూ సంప్రదాయంలో చీపురు కేవలం శుభ్రపరిచే సాధనం మాత్రమే కాదు.. అది సంపద, శ్రేయస్సుకు సంకేతంగా భావించబడుతుంది. వాస్తు శాస్త్రం ప్రకారం, చీపురు ఇంటిలోని ప్రతికూల శక్తిని తొలగించే శక్తి కలిగినదిగా పరిగణించబడుతుంది. అందువల్ల దాని వినియోగం, స్థానంపై కొన్ని నియమాలను పాటించడం మంచిదిగా భావిస్తారు. ఇవి ఇంట్లో శాంతి, ఆనందం, ఆర్థిక శ్రేయస్సును పెంపొందించడంలో సహాయపడతాయి.
చీపురు కొనడానికి శుభదినం..
వాస్తు ప్రకారం కొత్త చీపురును కొనడానికి శనివారం శుభదినంగా భావిస్తారు. ఈ రోజున చీపురును ఇంటికి తీసుకురావడం సంతోషం, సానుకూలతను పెంచుతుందని నమ్మకం. అయితే గురువారం, ఆదివారం రోజుల్లో కొనడం నివారించడం మంచిది.
Bro
పాత చీపురును ఎప్పుడు పారవేయాలి?..
పాత లేదా పాడైన చీపురును పారవేయడానికి కూడా కొన్ని నియమాలు ఉన్నాయి. ఏకాదశి, గురువారం, శుక్రవారం రోజుల్లో చీపురును బయట పారేయడం మంచిది కాదు. ఈ రోజుల్లో అలా చేయడం వల్ల శుభఫలితాలు తగ్గుతాయని విశ్వాసం.
రెండు చీపుర్లను కలిపి ఉంచకండి..
ఇంట్లో ఒకటి కంటే ఎక్కువ చీపుర్లు ఉంటే, వాటిని కలిపి ఉంచకూడదు. వాస్తు ప్రకారం ఇది ప్రతికూల శక్తిని పెంచుతుందని చెబుతారు. కాబట్టి వాటిని వేరువేరుగా ఉంచడం ఉత్తమం.
చీపురును ఉంచే సరైన స్థలం..
చీపురును ఎప్పుడూ కనిపించని ప్రదేశంలో ఉంచాలి. తలుపు దగ్గర లేదా బహిరంగంగా ఉంచడం మంచిది కాదు. దానిని దక్షిణం లేదా పడమర వైపుకు ఉంచడం శ్రేయస్కరం. అలాగే చీపురును నేలపై పడుకోబెట్టి ఉంచాలి; నిటారుగా నిలబెట్టకూడదు.
ఎప్పుడు ఊడవకూడదు?..
కొన్ని సమయాల్లో ఇంటిని ఊడవడం మంచిది కాదు. ఇంట్లో ఎవరైన బయటకు వెళ్లిన వెంటనే ఊడవకూడదు. అలాగే సాయంత్రం సమయంలో ఊడవడం కూడా అశుభంగా భావిస్తారు. ఉదయం లేదా పగటి సమయంలో శుభ్రం చేయడం ఉత్తమం.
మరికొన్ని ముఖ్యమైన విషయాలు..
విరిగిన లేదా పాడైన చీపురును వాడకూడదు. చీపురుపై అడుగులు పడకుండా జాగ్రత్తపడాలి. చీపురు పాడైతే వెంటనే మార్చాలి. ఈ వాస్తు నియమాలను పాటించడం ద్వారా ఇంట్లో సానుకూల వాతావరణం ఏర్పడి, శాంతి, శ్రేయస్సు పెరుగుతాయని నమ్మకం.
(Disclaimer: ఈ వార్తలోని సమాచారం వాస్తు శాస్త్రం, మత విశ్వాసాలపై ఆధారపడి ఉంది. పాఠకుల ఆసక్తి మేరకు అందించడం జరిగింది. దీనిని టీవీ9 తెలుగు ధృవీకరించదు.)