ఈ వారం డిజిటల్ వినోద ప్రియులకు పండగే. థియేటర్లకు వెళ్లే పనిలేకుండా, ఇంట్లోనే కూర్చుని ఎంజాయ్ చేసేలా ఓటీటీ సంస్థలు సరికొత్త కంటెంట్అందించేందుకు రెడీ అయిపోయాయి. నెట్ఫ్లిక్స్, ప్రైమ్ వీడియో, జియోహాట్స్టార్, ఆహా, సోనీ లివ్ వంటి వేదికలు ఫ్యామిలీ డ్రామా, క్రైమ్ థ్రిల్లర్స్, నవ్వుల జాతర, పొలిటికల్ రివెంజ్ , యాక్షన్, సస్పెన్స్ ,ఇంటర్నేషనల్ కంటెంట్ తో ప్రేక్షకుల ముందుకు వస్తున్నాయి. ఈ వారం డిజిటల్ స్క్రీన్లపై సందడి చేయబోతున్న ఆ క్రేజీ సినిమాలు, వెబ్ సిరీస్లు చూద్దాం..
దృశ్యం 3 (Drishyam 3)
మలయాళ సూపర్ స్టార్ మోహన్లాల్, డైరెక్టర్ జీతూ జోసెఫ్ కాంబినేషన్లో వచ్చిన ఈ మైండ్ బ్లోయింగ్ క్రైమ్ థ్రిల్లర్ బాక్సాఫీస్ వద్ద ఇప్పటికే రూ. 230 కోట్లకు పైగా వసూళ్లు సాధించి సంచలనం సృష్టించింది. థియేటర్లలో మిశ్రమ స్పందన తెచ్చుకున్నప్పటికీ, జార్జ్కుట్టి ఫ్యామిలీని కాపాడుకోవడానికి చేసే మైండ్ గేమ్స్ థ్రిల్ చేస్తాయి. ఈ మూవీ జూన్ 18న అమెజాన్ ప్రైమ్ లో మలయాళంతో పాటు , తమిళం, కన్నడ భాషల్లో ఇది స్ట్రీమింగ్ కానుంది.
అయితే తెలుగు డబ్బింగ్ వెర్షన్ లో ఓటీటీ విడుదలకు మద్రాస్ హైకోర్టు తాత్కాలికంగా బ్రేక్ వేసింది. ప్రముఖ చలనచిత్ర నిర్మాణ సంస్థ ‘రాజ్కుమార్ థియేటర్స్ ప్రైవేట్ లిమిటెడ్’ దాఖలు చేసిన పిటిషన్ను విచారించిన జస్టిస్ కె. కుమారేష్ బాబు ఈ మధ్యంతర ఉత్తర్వులు జారీ చేశారు.
ఈ సినిమాను తెలుగు భాషలో రీమేక్ చేయడానికి, దానికి సంబంధించిన హక్కులను ఉపయోగించుకోవడానికి తమకు మాత్రమే ప్రత్యేకమైన కాపీరైట్ హక్కులు ఉన్నాయని రాజ్కుమార్ థియేటర్స్ సంస్థ కోర్టుకు తెలిపింది. అయితే, తమ అనుమతి లేకుండా ఈ సినిమాను తెలుగులోకి డబ్ చేసి ప్రపంచవ్యాప్తంగా ఓటీటీల్లో విడుదల చేయడానికి చిత్ర నిర్మాతలు, దర్శకులు ప్రయత్నిస్తున్నారని, ఇది తమ కాపీరైట్ హక్కులను ఉల్లంఘించడమేనని పేర్కొంటూ ఆ సంస్థ హైకోర్టును ఆశ్రయించింది.
రేజర్ (Razor)
వైవిధ్యభరితమైన చిత్రాల దర్శకుడు రవిబాబు తెరకెక్కించిన లేటెస్ట్ మూవీ ‘రేజర్’. ఇండస్ట్రీపై రవిబాబు చేసిన కామెంట్ల వల్ల ఈ సినిమాపై మంచి బజ్ క్రియేట్ అయింది. . తనీష్, ఇనయా సుల్తానా ముఖ్య పాత్రలు పోషించిన ఈ చిత్రం సైకో థ్రిల్లర్ జోనర్లో సాగనుంది. థియేటర్లలో ఆకట్టుకోలేకపోయిన ఈ సినిమా ఆహా ఓటీటీలోకి జూన్ 19న రానుంది. మరి ఓటీటీలో ఎలాంటి రెస్పాన్స్ తెచ్చుకుంటుందో చూడాలి.
సేవ్ ది టైగర్స్ సీజన్ 3
తెలుగు ఓటీటీ రంగంలో సూపర్ హిట్ అయిన ‘సేవ్ ది టైగర్స్’ ఇప్పుడు మూడో సీజన్తో నవ్వించడానికి వస్తోంది. ప్రియదర్శి, అభినవ్ గోమఠం, కృష్ణచైతన్య లీడ్ రోల్స్ చేసిన ఈ సిరీస్లోకి ఈసారి లార్డ్ ఇంద్రుడిగా వెన్నెల కిశోర్ ఎంట్రీ ఇస్తున్నారు. భార్యల బాధితులైన ఈ ముగ్గురు మొగుళ్లకు ఇంద్రుడు ఎలాంటి ఊరటనిచ్చాడు, అది ఎలాంటి గందరగోళానికి దారితీసిందనేది ఫుల్ ఫన్ రైడ్గా ఉండబోతోంది. ఈ సిరీస్ జూన్ 19వ తేదీ నుంచి జియో హాట్ స్టార్ లో స్ట్రీమింగ్ కానుంది.
►ALSO READ | VenkyAnil5: టార్గెట్ సంక్రాంతి.. జూన్ 18న గ్రాండ్గా అనిల్ రావిపూడి-వెంకీ మూవీ లాంచ్!
కెనతా కానమ్ (Kenatha Kanom)
టాప్ కమెడియన్ యోగి బాబు లీడ్ రోల్లో నటించిన తమిళ చిత్రం ‘కెనతా కానమ్’ ( Kenatha Kanom ) కరవుతో అల్లాడుతున్న ఒక గ్రామంలో కొత్తగా తవ్విన బావి అకస్మాత్తుగా మాయమైపోతుంది. ఆ బావి వెతుకులాటలో స్థానిక రాజకీయాలు, ఆసక్తికరమైన మలుపులు ఎలా ముడిపడ్డాయనేది కామెడీ డ్రామాగా చూపించారు. ఈ కామెడీ మూవీ జియో హాట్ స్టార్ లో జూన్ 16వ తేదీ నుంచే స్ట్రీమింగ్ అవుతోంది.
తుక్రా కే మేరా ప్యార్ సీజన్ 2
సంచితా బసు, ధావల్ ఠాకూర్ నటించిన వెబ్ సిరీస్ ‘తుక్రా కే మేరా ప్యార్’ మొదటి సీజన్ సూపర్ హిట్ అయింది. ఇప్పుడు సెకండ్ చాప్టర్లో మాజీ ప్రేమికులు శన్విక, కుల్దీప్ రాజకీయ ప్రతీకార పర్వంలో ప్రత్యర్థులుగా ఎలా తలపడ్డారనేది ఆసక్తికరంగా సాగనుంది. ఈ ‘తుక్రా కే మేరా ప్యార్ సీజన్ 2’ జూన్ 19 వ తేదీ నుంచి జియో హాట్ స్టార్ లోకి రానుంది.
అదిరడి (Athiradi)
మోలీవుడ్లో రూ. 65 కోట్ల గ్రాస్ వసూలు చేసి బ్లాక్బస్టర్గా నిలిచిన యాక్షన్ కామెడీ మూవీ ‘అదిరడి (Athiradi)’ . ఈ చిత్రంలో టోవినో థామస్, బాసిల్ జోసెఫ్, వినీత్ శ్రీనివాసన్ ప్రధాన పాత్రల్లో నటించారు. మలయాళంతో పాటు తెలుగు, హిందీ, తమిళ, కన్నడ భాషల్లో జూన్ 19 నుంచి సోనీలో ( Sony LIV ) అందుబాటులోకి రానుంది.
అబ్ హోగా హిసాబ్ (Ab Hoga Hisaab)
పంజాబ్ బ్యాక్డ్రాప్లో సాగే వయలెంట్ రివెంజ్ థ్రిల్లర్ అబ్ హోగా హిసాబ్ (Ab Hoga Hisaab) . దీంటో షహీర్ షేక్, సంజయ్ కపూర్, మౌని రాయ్ నటించారు. కెనడా ఇమ్మిగ్రేషన్ వెనుక ఉన్న హ్యూమన్ ట్రాఫికింగ్ మాఫియాను ఒక సామాన్యుడు ఎలా ఎదిరించాడనేది కథ. ఇది అమెజాన్ ఎమ్ఎక్స్ ప్లేయర్ లో జూన్ 18వ తేదీ నుంచి స్ట్రీమింగ్ కానుంది.
యువర్ ఫాల్ట్: లండన్ (Your Fault: London)
ఆశా బ్యాంక్స్, మాథ్యూ బ్రూమ్ నటించిన ఈ రొమాంటిక్ డ్రామా’ యువర్ ఫాల్ట్: లండన్’ (Your Fault: London) . ఈ మూవీ యూత్ను ఆకట్టుకునేలా ఉంటుంది. జూన్ 17 తేదీ నుంచి అమెజాన్ ప్రైమ్ లో స్ట్రీమింగ్ అవుతోంది.
ఐ విల్ ఫైండ్ యూ (I Will Find You)
హర్లాన్ కోబెన్ బెస్ట్ సెల్లింగ్ బుక్ ఆధారంగా తెరకెక్కిన సస్పెన్స్ జైల్ బ్రేక్ సిరీస్ ఐ విల్ ఫైండ్ యూ (I Will Find You). ఈ వెబ్ సిరీస్ జూన్ 18వ తేదీ నుంచి నెట్ఫ్లిక్స్లో స్ట్రీమింగ్ కు రెడీ అయింది.
ఒయాసిస్ (Oasis)
ఒక హోటల్లో యువతి అదృశ్యం చుట్టూ తిరిగే మిస్టరీ ఇన్వెస్టిగేషన్ థ్రిల్లర్ ఒయాసిస్ (Oasis) . ఒక యువతి హఠాత్తుగా మాయమవడంతో పోలీసులు ఆ ప్రాంగణాన్ని పూర్తిగా తమ ఆధీనంలోకి తీసుకుని విచారణ ప్రారంభిస్తారు. అక్కడ ఉన్న సందర్శకులను, ఉద్యోగులను బయటకు వెళ్లకుండా లోపలే బంధిస్తారు. ఈ క్రమంలోనే ఒక్కొక్కరి రహస్యాలు బయటపడటం మొదలవుతాయి. ఈ ఉత్కంఠభరితమైన సస్పెన్స్ థ్రిల్లర్ జూన్ 19 నుంచి నెట్ఫ్లిక్స్లో తెలుగులో కూడా అందుబాటులోకి రానుంది.
సో.. సస్పెన్స్, క్రైమ్, లవ్, కామెడీ.. ఇలా మీ టేస్ట్కు తగ్గట్టుగా నచ్చిన కంటెంట్ను సెలెక్ట్ చేసుకొని ఈ వీకెండ్ హోమ్ థియేటర్లలో ఎంజాయ్ చేసేయండి..