- రసమయిపై ఎమ్మెల్యే కవ్వంపల్లి ఫైర్
తిమ్మాపూర్, వెలుగు: ‘నాలాగా డాక్టర్ కాదు కదా నువ్వు. నా దగ్గరకు రావాలంటే రూ.500 ఫీజు ఇవ్వాలి. అటువంటి మనిషిని నేను. నీ బతుకేంది. అడక్కతినుడేనాయే.. గోసి గొంగడి వేసుకొని వచ్చినోడివి. అట్లాంటి నీకు. ఫాం హౌస్లు ఎట్లచ్చినయ్.. కోళ్లఫారాలు ఎట్లచ్చినయ్.. నీ ఉద్యోగం.. బోడి టీచరు ఉద్యోగం.. అక్కడా, చిల్లర చిల్లర పనులు చేస్తే తుక్కుతుక్కు కొట్టి పంపించిన్రు. కాబట్టి మాట్లాడే ముందు ఆధారాలతో మాట్లాడాలి’. అంటూ మానకొండూర్ ఎమ్మెల్యే డా.కవ్వంపల్లి సత్యనారాయణ మాజీ ఎమ్మెల్యే రసమయి బాలకిషన్పై ఫైర్ అయ్యారు. కరీంనగర్ జిల్లా తిమ్మాపూర్ మండలంలోని ఎల్ఎండీ క్యాంప్ ఆఫీస్లో శనివారం జరిగిన ఓ కార్యక్రమంలో రసమయిపై తీవ్ర విమర్శలు చేశారు. కాగా.. ఈ వ్యాఖ్యలను పలువురు ఉపాధ్యాయులు, ఉపాధ్యాయ సంఘాల నేతలు తప్పుబట్టారు.వ్యాఖ్యలను వెనక్కి తీసుకోవాలని డిమాండ్ చేశారు.