మన శరీరంలో కండరాల బలం పెరగడానికి, కణాల మరమ్మతుకు మరియు హార్మోన్ల ఉత్పత్తికి ప్రోటీన్ చాలా అవసరం. సాధారణంగా ప్రోటీన్ అనగానే గుడ్లు, చికెన్, పాలు లేదా పప్పు ధాన్యాలే గుర్తుకొస్తాయి. కానీ, మన రోజువారీ కూరగాయల్లో కూడా మంచి మొత్తంలో ప్రోటీన్ లభిస్తుందని మీకు తెలుసా? వీటిని మన ఆహారంలో భాగం చేసుకోవడం ద్వారా శరీరానికి అవసరమైన ఇతర విటమిన్లు, పోషకాలను కూడా సులభంగా పొందవచ్చు. ఆ కూరగాయలేంటో ఇప్పుడు చూద్దాం..
పచ్చి బఠానీలు: ప్రోటీన్ ఎక్కువగా లభించే కూరగాయల్లో పచ్చి బఠానీలు ముఖ్యమైనవి. వీటిలో ప్రోటీన్తో పాటు ఫైబర్ కూడా పుష్కలంగా ఉంటుంది. ఇక బఠానీలని కూరలు, పులావ్, సూప్ లేదా సలాడ్లలో వేసుకుని తినవచ్చు. దీనిలోని ఫైబర్ వల్ల కడుపు ఎక్కువసేపు నిండినట్లు అనిపించి, బరువు నియంత్రణకు కూడా సహాయపడుతుంది.
పాలకూర:పాలకూరలో ప్రోటీన్తో పాటు ఐరన్, ఫోలేట్, అనేక విటమిన్లు మరియు మినరల్స్ సమృద్ధిగా ఉంటాయి. ఇక పాలకూరను పప్పుతో కలిపి వండుకుని తింటే పప్పులోని ప్రోటీన్, పాలకూరలోని పోషకాలు కలిసి శరీరానికి రెట్టింపు మేలు చేస్తాయి. దీనిని కూరగా లేదా సూప్ రూపంలో కూడా తీసుకోవచ్చు.
బ్రోకలీ:బ్రోకలీలో కూడా మంచి పరిమాణంలో ప్రోటీన్ ఉంటుంది. దీంతో పాటు ఫైబర్, విటమిన్ సీ, విటమిన్ కే వంటి పోషకాలు లభిస్తాయి. ఇక బ్రోకలీని ఎక్కువసేపు ఉడికించకుండా ఆవిరిపై లైట్గా ఉడికించి లేదా తక్కువ నూనెతో ఫ్రై చేసుకుని, సలాడ్లలో ఉపయోగించడం ఆరోగ్యానికి చాలా మంచిది.
మొక్కజొన్న (స్వీట్ కార్న్):మొక్కజొన్నలో ప్రోటీన్తో పాటు కార్బోహైడ్రేట్లు కూడా ఎక్కువగా ఉంటాయి. అందువల్ల దీనిని కేవలం ప్రోటీన్ ఆహారంగానే కాకుండా, సమతుల్య ఆహారంలో భాగంగా తీసుకోవాలి. ఉడికించిన మొక్కజొన్న గింజలను సలాడ్లలో లేదా కూరల్లో కలుపుకుని హాయిగా తినవచ్చు.
శాకాహారులు తమ రోజువారీ ఆహారంలో ఈ కూరగాయలను చేర్చుకోవడం ద్వారా ప్రోటీన్తో పాటు శరీరానికి అవసరమైన ఇతర ముఖ్యమైన విటమిన్లు, మినరల్స్ను సులభంగా పొందవచ్చు.
గమనిక: కూరగాయల్లో ప్రోటీన్ ఉన్నప్పటికీ, ఇవి సోయా, గుడ్లు, పప్పుల కంటే కాస్త తక్కువ పరిమాణంలోనే ఉంటాయి. కాబట్టి వీటిని ప్రధాన ప్రోటీన్ మూలాలతో కలిపి సమతుల్య ఆహారంగా తీసుకోవడం శ్రేయస్కరం.
The post వెజిటేరియన్లకు గుడ్న్యూస్.. ప్రోటీన్ కోసం ఈ కూరగాయలు తింటే చాలు! appeared first on Manalokam – Latest Telugu News & Updates.