బాగ్పత్ (యూపీ): ఉత్తరప్రదేశ్లోని బాగ్పత్ జిల్లాలో ఘోర ప్రమాదం జరిగింది. ప్రయాణికులతో వెళ్తున్న ఒక పికప్ వాహనం అదుపుతప్పి రోడ్డు డివైడర్ను ఢీకొట్టి బోల్తా పడటంతో 12 మంది ప్రాణాలు కోల్పోయారు. ఈ ఘటనలో మరో డజను మందికి పైగా తీవ్రంగా గాయపడ్డారు. పోలీసుల వివరాల ప్రకారం.. సోమవారం అర్ధరాత్రి 12:30 గంటల సమయంలో రాజస్తాన్ నుంచి ప్రయాణికులతో పికప్ వాహనం ఉత్తరప్రదేశ్లోని బుడాన్ వైపు వెళ్తోంది. కేఖ్రా పోలీసు స్టేషన్ పరిధిలోకి రాగానే వాహనం డివైడర్ను ఢీకొట్టి బోల్తా పడింది.
ఆ సమయంలో వాహనంలో మొత్తం 32 మంది ప్రయాణికులు ఉన్నారు. సమాచారం అందుకున్న వెంటనే రంగంలోకి దిగిన పోలీసులు, సహాయక సిబ్బంది తక్షణమే సహాయక చర్యలు చేపట్టారు. డయల్112 కి చెందిన అంబులెన్స్లు హుటాహుటిన ఘటనా స్థలానికి చేరుకున్నాయి. గాయపడిన వారిని కేఖ్రా, బాగ్పత్ హెల్త్ సెంటర్లతో పాటు జిల్లా ఆస్పత్రికి తరలించారు. తీవ్రంగా గాయపడిన వారిని మెరుగైన వైద్యం కోసం పెద్ద ఆస్పత్రులకు రిఫర్ చేసినట్లు అధికారులు తెలిపారు.