South Africa vs Australia Test: దక్షిణాఫ్రికా, ఆస్ట్రేలియా మధ్య డర్బన్‌లోని కింగ్స్‌మీడ్ వేదికగా జరుగుతున్న తొలి టెస్టులో ఆసీస్ దిగువ వరుస బ్యాటర్లు అద్భుత పోరాటం చేశారు. ఒక దశలో 230 పరుగులకే 8 వికెట్లు కోల్పోయిన ఆస్ట్రేలియా ఇబ్బందుల్లో పడింది. అయితే మాట్ రెన్‌షా, నాథన్ లయన్ కలిసి 9వ వికెట్‌కు 134 పరుగుల భారీ భాగస్వామ్యం నెలకొల్పి జట్టును గట్టెక్కించారు. ఈ భాగస్వామ్యంతో ఆస్ట్రేలియా తొలి ఇన్నింగ్స్‌లో 390 పరుగులు సాధించింది.
ఈ క్రమంలో రెన్‌షా, లయన్ జోడీ అరుదైన రికార్డును సొంతం చేసుకుంది. విదేశీ గడ్డపై 9వ వికెట్‌కు ఆస్ట్రేలియా తరఫున నమోదైన అత్యధిక భాగస్వామ్యంగా 134 పరుగుల జోడీ నిలిచింది.
28 ఏళ్ల రికార్డు బద్దలు..
కింగ్స్‌మీడ్ మైదానంలో 1998లో దక్షిణాఫ్రికా ఆటగాళ్లు మార్క్ బౌచర్, ఫానీ డి విలియర్స్ 9వ వికెట్‌కు 86 పరుగులు జోడించారు. ఇప్పుడు రెన్‌షా, లయన్ కలిసి 134 పరుగులు చేయడంతో ఆ రికార్డు 28 ఏళ్ల తర్వాత చెరిగిపోయింది.
ఎక్కువమంది చదివినది: మన వాళ్లంతా దద్దమ్మలే.. టీమిండియా ప్లేయర్లపై అశ్విన్ సంచలన వ్యాఖ్యలు..!
ఆస్ట్రేలియా ఇన్నింగ్స్‌లో మాట్ రెన్‌షా ప్రధాన ఆకర్షణగా నిలిచాడు. ఐదో స్థానంలో బ్యాటింగ్‌కు వచ్చిన ఎడమచేతి వాటం బ్యాటర్ 397 బంతులు ఎదుర్కొని 190 పరుగులు చేశాడు. కింగ్స్‌మీడ్‌లో ఐదో స్థానంలో బ్యాటింగ్ చేసిన ఆటగాడి అత్యధిక వ్యక్తిగత స్కోరుగా ఇది నమోదైంది.
రెన్‌షాకు లయన్ అండ..
మరో ఎండ్‌లో నాథన్ లయన్ కీలక సహకారం అందించాడు. 92 బంతులు ఎదుర్కొన్న లయన్ 27 పరుగులు చేశాడు. మార్‌కో యాన్సెన్ బౌలింగ్‌లో ఎల్బీడబ్ల్యూ కావడంతో అతడి పోరాటం ముగిసింది. అంతకుముందు రెన్‌షాతో కలిసి దక్షిణాఫ్రికా బౌలర్లను చాలాసేపు ఎదుర్కొన్నాడు.
ఆస్ట్రేలియా టెస్టు క్రికెట్ చరిత్రలో 9వ లేదా అంతకంటే దిగువ వికెట్‌కు నమోదైన భాగస్వామ్యాల్లో రెన్‌షా-లయన్ జోడీ సాధించిన 134 పరుగులు మూడో అత్యుత్తమ ప్రదర్శనగా నిలిచాయి.
మూడో రోజుపై ఆసక్తి..
ఆస్ట్రేలియాను 390 పరుగులకు ఆలౌట్ చేసిన తర్వాత దక్షిణాఫ్రికా తొలి ఇన్నింగ్స్ ప్రారంభించింది. రెండో రోజు ఆట ముగిసే సమయానికి ఆతిథ్య జట్టు ఒక వికెట్ కోల్పోయి 27 పరుగులు చేసింది. మందగించిన వెలుతురు కారణంగా ఆటను ముందుగానే ముగించారు. ప్రస్తుతం దక్షిణాఫ్రికా 363 పరుగుల వెనుకంజలో ఉంది.
మరిన్ని క్రీడా వార్తల కోసం ఇక్కడ క్లిక్ చేయండి..