Sleeping Less Than 5 Hours?: పరిచయం నుంచి ముగింపు వరకు శరీర ఆరోగ్యానికి సమతుల ఆహారం, క్రమం తప్పకుండా వ్యాయామం ఎంత ముఖ్యమో అందరికీ తెలిసిందే. అయితే, వీటితో పాటు మంచి నిద్ర కూడా అంతే కీలకమని వైద్య నిపుణులు చెబుతున్నారు.. నిద్రను విలాసంగా కాకుండా శరీరానికి అత్యవసరమైన అవసరంగా భావించాలని ఆయన సూచించారు. కేవలం వారం రోజుల పాటు రోజుకు ఐదు గంటల కంటే తక్కువ నిద్రపోయినా శరీరంలో అనేక ప్రతికూల మార్పులు చోటుచేసుకునే అవకాశం ఉందని ఆయన హెచ్చరించారు.
వైద్యుల వివరాల ప్రకారం, తగినంత నిద్ర లేకపోతే పురుషుల్లో టెస్టోస్టెరాన్ హార్మోన్ స్థాయులు తగ్గే ప్రమాదం ఉంది. ఈ హార్మోన్ శరీర బలం, శక్తి, కండరాల అభివృద్ధిలో కీలక పాత్ర పోషిస్తుంది. టెస్టోస్టెరాన్ తగ్గడం వల్ల శారీరక పనితీరు కూడా ప్రభావితమయ్యే అవకాశం ఉందన్నారు. అంతేకాకుండా, తక్కువ నిద్ర వల్ల వ్యాయామం చేసిన తర్వాత కండరాలు తిరిగి బలపడే ప్రక్రియ మందగిస్తుందని చెప్పారు. ఎంత కష్టపడి జిమ్లో వ్యాయామం చేసినా, సరైన నిద్ర లేకుంటే ఆశించిన ఫలితాలు రావడం కష్టమని వివరించారు. శరీర కణాల పునరుద్ధరణ ప్రక్రియ ప్రధానంగా నిద్రలోనే జరుగుతుందని పేర్కొన్నారు.
ఇంకా, నిద్రలేమి వల్ల ఇన్సులిన్ సెన్సిటివిటీ తగ్గుతుందని చెబుతున్నారు వైద్యులు.. దీంతో తిన్న ఆహారంలోని గ్లూకోజ్ను శరీరం సరిగా వినియోగించుకోలేక రక్తంలో చక్కెర స్థాయులు ఎక్కువసేపు ఉండే అవకాశం ఉంటుంది. దీర్ఘకాలంలో ఇది మధుమేహం వంటి సమస్యలకు దారితీయవచ్చని నిపుణులు హెచ్చరిస్తున్నారు. నిద్ర సరిగా లేకపోతే ఆకలి కూడా పెరుగుతుందని వెల్లడించారు. ముఖ్యంగా కార్బోహైడ్రేట్లు, అధిక క్యాలరీలు ఉన్న ఆహారాలపై ఎక్కువగా ఆసక్తి పెరుగుతుందని చెప్పారు. ఫలితంగా రోజుకు సాధారణం కంటే అదనంగా 300 నుంచి 400 క్యాలరీలు ఎక్కువగా తీసుకునే అవకాశం ఉంటుందని, కానీ వాటిని ఖర్చు చేసేంత శారీరక శ్రమ మాత్రం పెరగదని వివరించారు. ఇది బరువు పెరగడానికి ప్రధాన కారణాల్లో ఒకటిగా మారవచ్చన్నారు.
చివరగా, మంచి నిద్ర అనేది శరీరం మొత్తం మరమ్మతులు చేసుకునే సమయమని వైద్య నిపుణులు చెబుతున్నారు.. ఆరోగ్యకరమైన ఆహారం తీసుకోవడం, ప్రతిరోజూ వ్యాయామం చేయడం ఎంత అవసరమో, నాణ్యమైన నిద్ర కూడా అంతే ముఖ్యమని ఆయన స్పష్టం చేశారు. “నిద్ర సరిగా లేకపోతే దాని తర్వాత జరిగే ప్రతి శారీరక ప్రక్రియపై ప్రతికూల ప్రభావం పడుతుంది” అని ఆయన హెచ్చరిస్తూ, రోజుకు కనీసం 7 నుంచి 8 గంటల నాణ్యమైన నిద్రకు ప్రాధాన్యం ఇవ్వాలని సూచించారు. మంచి నిద్ర ఆరోగ్యకరమైన జీవితానికి బలమైన పునాది అని నిపుణులు చెబుతున్నారు.