టీ20 వరల్డ్ కప్ 2026 ఫైనల్లో భారత ఓపెనర్ అభిషేక్ శర్మ అద్భుత ప్రదర్శనతో ప్రేక్షకులను ఉర్రూతలూగించాడు. న్యూజీలాండ్పై జరిగిన కీలక మ్యాచ్లో అతడు కేవలం 18 బంతుల్లోనే అర్ధశతకం సాధించి చరిత్ర సృష్టించాడు. ఈ ఇన్నింగ్స్తో భారత జట్టుకు ప్రారంభంలోనే భారీ ఆధిక్యం తీసుకొచ్చాడు.
అహ్మదాబాద్లో జరిగిన ఈ ఫైనల్ మ్యాచ్లో అభిషేక్ శర్మ దూకుడైన బ్యాటింగ్తో కివీస్ బౌలర్లపై ఒత్తిడి తీసుకొచ్చాడు. అతడు తన ఇన్నింగ్స్లో 6 ఫోర్లు, 3 సిక్సర్లు బాది వేగంగా పరుగులు సాధించాడు.
ఈ అర్ధశతకం టీ20 వరల్డ్ కప్ చరిత్రలో మూడో వేగవంతమైన హాఫ్ సెంచరీలకు సమానంగా నిలిచింది. అంతేకాదు, ఈ టోర్నమెంట్లో నాకౌట్ మ్యాచ్లో నమోదైన అత్యంత వేగవంతమైన హాఫ్ సెంచరీగా రికార్డు సృష్టించింది.
భారత ఆటగాళ్లలో చూస్తే, టీ20 వరల్డ్ కప్లో అభిషేక్ కంటే వేగంగా అర్ధశతకం చేసిన ఆటగాడు ఒక్కరే. 2007 టీ20 వరల్డ్ కప్లో ఇంగ్లాండ్పై యువరాజ్ సింగ్ 12 బంతుల్లో హాఫ్ సెంచరీ సాధించి ప్రపంచ రికార్డు నెలకొల్పాడు.
అద్భుతంగా ఆడుతున్న అభిషేక్ శర్మ చివరకు 52 పరుగుల వద్ద రచిన్ రవీంద్ర బౌలింగ్లో ఔటయ్యాడు. అయినప్పటికీ అతని వేగవంతమైన ఇన్నింగ్స్ ఫైనల్ మ్యాచ్లో భారత్కు బలమైన ప్రారంభాన్ని అందించింది.
టీ20 వరల్డ్ కప్లో అత్యంత వేగవంతమైన హాఫ్ సెంచరీలు
-
యువరాజ్ సింగ్ (భారత్) – 12 బంతులు vs ఇంగ్లాండ్ (2007)
-
స్టీఫెన్ మైబర్గ్ (నెదర్లాండ్స్) – 17 బంతులు vs ఐర్లాండ్ (2014)
-
మార్కస్ స్టోయినిస్ (ఆస్ట్రేలియా) – 17 బంతులు vs శ్రీలంక (2022)
-
గ్లెన్ మ్యాక్స్వెల్ (ఆస్ట్రేలియా) – 18 బంతులు vs పాకిస్థాన్ (2014)
-
కేఎల్ రాహుల్ (భారత్) – 18 బంతులు vs స్కాట్లాండ్ (2021)
-
షోయబ్ మాలిక్ (పాకిస్థాన్) – 18 బంతులు vs స్కాట్లాండ్ (2021)
-
అభిషేక్ శర్మ (భారత్) – 18 బంతులు vs న్యూజీలాండ్ (2026)