టాలీవుడ్ సినీ పరిశ్రమలో ఈ మధ్యకాలంలో కొంతమంది దర్శకులు నటులుగా మారి, తమ సినిమాలతో పాటు తమ స్నేహితుల సినిమాలలో కూడా కనపడుతున్న సంగతి తెలిసిందే. అయితే, ఒకరిద్దరు నిర్మాతలు కూడా అడపా దడపా సినిమాల్లో కనిపిస్తూ వచ్చారు.
అయితే, ఒక టాలీవుడ్ యంగ్ ప్రొడ్యూసర్ మాత్రం ఒక ఆసక్తికరమైన పాత్రతో నటనా రంగ ప్రవేశం చేస్తున్నట్లు తెలుస్తోంది. ఈ మధ్యకాలంలో జరిగిన ఒక ట్రైలర్ లాంచ్ ఈవెంట్లో నిర్మాత బన్నీ వాసు మాట్లాడుతూ… తమ సర్కిల్లో ఒక నిర్మాత రంగ ప్రవేశం చేస్తున్నాడని, దానికోసం ఒక సపరేట్ ఈవెంట్ ప్లాన్ చేస్తామని అంటూ ఆసక్తికరమైన వ్యాఖ్యలు చేశారు. ఆ వ్యాఖ్యల వెనుక ఒక నిగూఢమైన హింటుందని తెలుస్తోంది.
వారి క్యాంప్ కి చెందిన ఒక నిర్మాత టాలీవుడ్ లో ఒక విలన్ పాత్రతో ఎంట్రీ ఇస్తున్నట్లుగా తెలుస్తోంది. ఇప్పటివరకు కేవలం నిర్మాతగా మాత్రమే పరిచయమైన అతను, తనలోని మరో కోణాన్ని ఆవిష్కరించేందుకు సిద్ధమైనట్లుగా తెలుస్తోంది. ఆ సినిమా యూనిట్ నుంచి అందుతున్న సమాచారం మేరకు అతని పాత్ర అదిరిపోయిందని, అతని ఎంట్రీ తో సినిమా ఖచ్చితంగా బ్లాస్ట్ అవుతుందని నమ్ముతున్నారు.
ఒక యంగ్ హీరో ఈ సినిమాలో హీరోగా నటిస్తున్నాడు. అతనితో సై అంటే సై అనే పాత్రలో సదరు నిర్మాత నటిస్తున్నాడని తెలుస్తోంది. అంతేకాక, ఈ సినిమాలో మరో కీలక పాత్రలో ఒక సీనియర్ డైరెక్టర్ కూడా కనిపించబోతున్నాడు. ప్రస్తుతానికి దర్శకత్వానికి బ్రేక్ తీసుకున్న ఆయన, ఈ సినిమాలో ఒక వైవిధ్యమైన పాత్రలో నటిస్తున్నాడని చెబుతున్నారు.