వింబుల్డన్‌‌ లో  సినర్‌‌, సబలెంక సాఫీగా ముందడుగు…

లండన్‌‌: వింబుల్డన్‌‌లో టాప్‌‌ సీడ్‌‌ ప్లేయర్లు సాఫీగా ముందడగు వేశారు. బుధవారం జరిగిన మెన్స్‌‌ సింగిల్స్‌‌ రెండో రౌండ్‌‌లో యానిక్‌‌ సినర్ (ఇటలీ) 7–6 (7/4), 7–6 (7/2), 6–4తో నునో బోర్జెస్‌‌ (పోర్చుగల్‌‌)పై గెలిచి మూడో రౌండ్‌‌లోకి ప్రవేశించాడు. ఇతర మ్యాచ్‌‌ల్లో టొమ్మి పాల్‌‌ (అమెరికా) 6–3, 7–6 (7/4), 6–2తో స్నోవు వోన్‌‌ (కొరియా)పై, కోబోలి (ఇటలీ) 1–6, 7–6 (7/5), 6–3, 7–6 (10/8)తో నవోనె (అర్జెంటీనా)పై, మెద్వెదెవ్‌‌ (రష్యా) 3–6, 6–3, 7–5, 6–2తో డానియెల్‌‌ మెరిడా (స్పెయిన్‌‌)పై, తియాఫో (అమెరికా) 7–6 (8/6), 6–1, 4–6, –4తో టెరెన్స్‌‌ అట్మానె (ఫ్రాన్స్‌‌)పై గెలిచారు. 

విమెన్స్‌‌ సింగిల్స్‌‌లో టాప్‌‌సీడ్‌‌ అరీనా సబలెంక (బెలారస్‌‌) 6–1, 7–6 (11/9)తో మెకార్తీ కెస్లర్‌‌ (అమెరికా)పై నెగ్గింది. ఇతర మ్యాచ్‌‌ల్లో నవోమి ఒసాక (జపాన్‌‌) 6–3, 6–2తో గసనోవా (రష్యా)పై, కోకో గాఫ్‌‌ (అమెరికా) 6–3, 3–6, 7–6 (10/7)తో సియెరా (అర్జెంటీనా)పై, ముచోవా (చెక్‌‌) 6–3, 6–2తో జాంగ్‌‌ (చైనా)పై నెగ్గి తదుపరి రౌండ్‌‌లోకి ప్రవేశించారు. 

మరోవైపు 44 ఏళ్ల వయసులో వింబుల్డన్‌‌లో రీ ఎంట్రీ ఇచ్చిన అమెరికా వెటరన్‌‌ సెరెనా విలియమ్స్‌‌ తొలి రౌండ్‌‌లోనే ఇంటిముఖం పట్టింది. 3–6, 7–6 (8/6), 3–6తో మాయా జాయింట్‌‌ (ఆస్ట్రేలియా) చేతిలో పోరాడి ఓడింది. పరాజయంపాలైనప్పటికీ గ్యాలరీలో ఉన్న ఇద్దరు కుమార్తెల సాక్షిగా సెరెనా సాగించిన పోరాటం అభిమానులను విశేషంగా ఆకట్టుకుంది.