IND-W vs AUS-W: మహిళల టీ20 ప్రపంచ కప్ సెమీఫైనల్ బెర్తే లక్ష్యంగా, ఖచ్చితంగా గెలిచి తీరాల్సిన మ్యాచ్లో బరిలోకి దిగిన టీమిండియా ఘోర పరాజయాన్ని మూటగట్టుకుంది. లార్డ్స్ వేదికగా జరిగిన ఈ హై-వోల్టేజ్ పోరులో ఆస్ట్రేలియా జట్టు 6 వికెట్ల తేడాతో భారత్పై ఘన విజయం సాధించింది. ఈ ఓటమితో టీమిండియా ఉమెన్స్ టీమ్ వరల్డ్ కప్ రేసు నుంచి అధికారికంగా నిష్క్రమించగా, ఆస్ట్రేలియా సెమీస్ కి దూసుకెళ్లింది.
టాస్ గెలిచి మొదట బ్యాటింగ్కు దిగిన భారత్.. కెప్టెన్ హర్మన్ప్రీత్ కౌర్ (25 బంతుల్లో హాఫ్ సెంచరీ) విధ్వంసకర ఇన్నింగ్స్ తో పాటు ఓపెనర్ల భాగస్వామ్యంతో నిర్ణీత 20 ఓవర్లలో 4 వికెట్ల నష్టానికి 170 పరుగుల భారీ స్కోరును బోర్డుపై పెట్టింది. లార్డ్స్ పిచ్పై ఆసీస్ను నిలువరించడానికి ఈ స్కోరు సరిపోతుందని భావించినప్పటికీ.. భారత బౌలర్లు దాన్ని కాపాడుకోవడంలో పూర్తిగా విఫలమయ్యారు. ఆస్ట్రేలియా బ్యాటర్లు ఎల్లీస్ పెర్రీ హాఫ్ సెంచరీతో చెలరేగగా.. భారత్ నిర్ధేశించిన లక్ష్యాన్ని ఆసీస్ బ్యాటర్లు ఈజీగా ఛేదించారు.
►ALSO READ | మహిళల టీ20 వరల్డ్కప్లో కోహ్లీ స్పెషల్ అపియరెన్స్.. అనుష్కతో కలిసి మ్యాచ్ చూసిన కింగ్
ఈ గ్రూప్లో సౌతాఫ్రికా జట్టు బంగ్లాదేశ్పై గెలవడంతో రన్ రేట్ సమీకరణాలు ఇప్పటికే మారిపోయాయి. ఆస్ట్రేలియాపై భారత్ గెలిస్తేనే సెమీస్ ఆశలు సజీవంగా ఉండేవి, కానీ ఈ ఓటమితో టీమిండియా టోర్నీ నుంచి ఎలిమినేట్ అయింది. మరోవైపు ఆస్ట్రేలియా జట్టు గ్రూప్ టాపర్గా సెమీఫైనల్ బెర్తును ఫిక్స్ చేసుకుంది.