రిటైర్మెంట్ తర్వాత డబ్బుల టెన్షన్ వద్దా?.. నెలనెలా ఆదాయం ఇచ్చే ప్రభుత్వ పథకం

ఉద్యోగ విరమణ చేసిన తర్వాత అందరినీ వేధించే ప్రధాన సమస్య.. నెలనెలా ఖర్చుల కోసం డబ్బులు ఎలా? అని. రిటైర్మెంట్ లైఫ్‌ను టెన్షన్ లేకుండా, ఎవరి మీద ఆధారపడకుండా గడపాలని ప్రతి ఒక్కరూ కోరుకుంటారు. అలాంటి వారి కోసం కేంద్ర ప్రభుత్వం ఒక అద్భుతమైన స్కీమ్‌ను అందుబాటులోకి తెచ్చింది. అదే Senior Citizen Savings Scheme (SCSS). ఇందులో ఇన్వెస్ట్ చేయడం ద్వారా మీరు రిస్క్ లేకుండా ప్రతి నెలా లేదా మూడు నెలలకోసారి స్థిరమైన ఆదాయాన్ని పొందవచ్చు. ఆ వివరాలేంటో ఇప్పుడు చూద్దాం.

ఏమిటీ సీనియర్ సిటిజన్ సేవింగ్స్ స్కీమ్?: ఇది ముఖ్యంగా 60 ఏళ్లు దాటిన వారి కోసం కేంద్ర ప్రభుత్వం రూపొందించిన సేవింగ్స్ స్కీమ్. బ్యాంకుల్లో ఇచ్చే Interest Rates కంటే ఇందులో వడ్డీ రేటు కొంచెం ఎక్కువగా ఉంటుంది. ప్రభుత్వ హామీ ఉంటుంది కాబట్టి మీ డబ్బుకు పూర్తి సెక్యూరిటీ ఉంటుంది. రిటైర్మెంట్ బెనిఫిట్స్ రూపంలో వచ్చిన అమౌంట్‌ను ఇందులో దాచుకుని, హాయిగా పెన్షన్ లాంటి ఆదాయాన్ని పొందవచ్చు.

ఎంత ఇన్వెస్ట్ చేయవచ్చు?: ఈ స్కీమ్‌లో మీరు కనిష్టంగా 1,000 రూపాయల నుండి గరిష్టంగా 30 లక్షల రూపాయల వరకు ఇన్వెస్ట్ చేసే అవకాశం ఉంది. గతంలో ఈ లిమిట్ 15 లక్షలు మాత్రమే ఉండేది, కానీ కేంద్రం దీన్ని ఇప్పుడు పెంచింది. ఈ డబ్బును మీరు 5 ఏళ్ల కాలపరిమితితో డిపాజిట్ చేయాల్సి ఉంటుంది. అవసరమైతే మరో 3 ఏళ్లు పొడిగించుకునే ఛాన్స్ కూడా ఉంది.

ఆకర్షణీయమైన వడ్డీ రేట్లు: ప్రస్తుతం ఈ స్కీమ్ ద్వారా ప్రభుత్వం దాదాపు 8.2% వడ్డీని అందిస్తోంది. ఇతర ఫిక్స్‌డ్ డిపాజిట్ల (FD) తో పోలిస్తే ఇది చాలా బెస్ట్ ఆప్షన్. ఇక మీరు డిపాజిట్ చేసిన సొమ్ముపై వచ్చే వడ్డీని ప్రతి మూడు నెలలకోసారి (Quarterly) మీ ఖాతాలో జమ చేస్తారు. దీనివల్ల మీ రెగ్యులర్ ఖర్చులకు ఎవరినీ అడగాల్సిన పని ఉండదు. ఒకరకంగా ఇది మీకు సెకండ్ ఇన్‌కమ్ లాగా పని చేస్తుంది.

టాక్స్ బెనిఫిట్స్ కూడా ఉన్నాయి: ఈ పథకంలో మరో ప్లస్ పాయింట్ ఏంటంటే.. మీరు ఇన్వెస్ట్ చేసే అమౌంట్‌పై Income Tax Act 80C ప్రకారం పన్ను మినహాయింపు పొందవచ్చు. అంటే అటు సేవింగ్స్, ఇటు వడ్డీతో పాటు పన్ను కూడా ఆదా అవుతుందన్నమాట. పోస్ట్ ఆఫీస్ లేదా ఏదైనా ప్రభుత్వ బ్యాంకులో ఈ అకౌంట్‌ను చాలా ఈజీగా ఓపెన్ చేయవచ్చు.

ముసలితనంలో ఆర్థిక స్వాతంత్రరము ఉండటం చాలా ముఖ్యం. చేతిలో డబ్బు ఉంటే వచ్చే ఆ ధైర్యమే వేరు. అందుకే రిటైర్ అయిన వారు లేదా రిటైర్మెంట్‌కు దగ్గరగా ఉన్నవారు ఈ SCSS స్కీమ్‌ను ఒకసారి పరిశీలించడం మంచిది.ఎప్పటి కప్పుడు కేంద్ర ప్రభుత్వం మారుస్తూ ఉంటుంది. కాబట్టి మీరు ఇన్వెస్ట్ చేసే సమయంలో ఒకసారి లేటెస్ట్ రేట్స్ చెక్ చేసుకోవడం ఉత్తమం. అలాగే బ్యాంక్ లేదా పోస్ట్ ఆఫీస్ నిబంధనలను ఒకసారి క్షుణ్ణంగా చదవండి

The post రిటైర్మెంట్ తర్వాత డబ్బుల టెన్షన్ వద్దా?.. నెలనెలా ఆదాయం ఇచ్చే ప్రభుత్వ పథకం appeared first on Manalokam – Latest Telugu News & Updates.