Road Accident: కర్నూలు జిల్లా ఓర్వకల్లు మండలం సోమయాజులపల్లి వద్ద ఘోర రోడ్డు ప్రమాదం జరిగింది. యూటర్న్ తీసుకుంటున్న లారీని వీరా ప్రైవేట్ ట్రావెల్స్ బస్సు ఢీకొనడంతో లారీ బోల్తా పడింది. ఈ ప్రమాదంలో బస్సులో ప్రయాణిస్తున్న నలుగురికి తీవ్ర గాయాలయ్యాయి. వారిలో ఒకరి పరిస్థితి విషమంగా ఉన్నట్లు సమాచారం.
హైదరాబాద్ నుంచి ప్రొద్దుటూరు వెళ్తున్న వీరా ప్రైవేట్ ట్రావెల్స్ బస్సు యూటర్న్ తీసుకుంటున్న లారీని ఢీకొట్టింది. ఢీకొన్న వేగానికి లారీ బోల్తా పడింది. బస్సు డ్రైవర్ నిద్రలో ఉన్నట్లు తెలుస్తోంది. ప్రమాద సమయంలో బస్సులో మొత్తం 30 మంది ప్రయాణికులు ఉన్నట్లు సమాచారం. నిద్రమత్తులో ఉండడంతోనే బస్సు డ్రైవర్ లారీని ఢీకొట్టినట్లు తెలుస్తోంది. మరిన్ని వివరాలు తెలియాల్సి ఉంది.