T20 Finals: క్రికెట్ ప్రపంచంలో కొందరి ఆటగాళ్లకు అదృష్టం ఎప్పుడూ వారి వెంటే ఉంటుంది. అలాంటి అరుదైన జాబితాలో టీమిండియా స్టార్ పేసర్ జస్ప్రీత్ బుమ్రా అలాగే ఆల్ రౌండర్ శివమ్ దూబే ఉంటారు. ఈ ఇద్దరు ఆటగాళ్లు తమ టీ20 కెరీర్‌లో ఇప్పటివరకు ఏ ఒక్క ఫైనల్ మ్యాచ్‌లోనూ ఓటమి చవిచూడలేదు. భారత్ తరఫున ఆడినా, ఐపీఎల్ టోర్నీ అయినా, లేదా దేశీయ క్రికెట్ మ్యాచ్ అయినా వారు ఆడిన ప్రతి టీ20 ఫైనల్‌‌లోనూ విజయం సాధించడం విశేషం. తాజాగా పాకిస్థాన్‌తో జరిగిన ఏషియన్ గేమ్స్ గోల్డ్ మెడల్ మ్యాచ్‌లో కూడా భారత్ విజయం సాధించడంతో వీరిద్దరి ఈ అజేయ రికార్డు మరోసారి చర్చనీయాంశంగా మారింది.
రోహిత్ శర్మ అగ్రస్థానంలో నిలిచినా..
భారత ఆటగాళ్లలో అత్యధిక టీ20 ఫైనల్స్ గెలిచిన రికార్డు కెప్టెన్ రోహిత్ శర్మ పేరిట ఉంది. రోహిత్ తన కెరీర్‌లో 12 టీ20 ఫైనల్స్ ఆడి 11 విజయాలు సాధించి ఒకే ఒక ఫైనల్‌లో ఓడిపోయాడు. ఆ జాబితాలో రోహిత్ తర్వాతి స్థానంలో నిలిచిన జస్ప్రీత్ బుమ్రా ఇప్పటివరకు 9 ఫైనల్స్ ఆడి అన్నింట్లోనూ విజయం సాధించి ఎంఎస్ ధోనీ, హార్దిక్ పాండ్యా వంటి దిగ్గజాల రికార్డులను సమం చేశాడు. అలాగే శివమ్ దూబే కూడా తాను ఆడిన అన్ని ఫైనల్స్ గెలుపొంది రవీంద్ర జడేజా సరసన నిలిచాడు. ధోనీ అత్యధికంగా 16 ఫైనల్స్ ఆడినప్పటికీ 7 సార్లు ఓడిపోవాల్సి వచ్చింది. కానీ బుమ్రా, దూబే మాత్రం ఇప్పటివరకు ఒక్క ఫైనల్ మ్యాచ్‌లో కూడా పరాజయం చవిచూడలేదు.
ఇది కూడా చదవండి: IND Vs WI: భారత్ వెస్టిండీస్ వన్డే సిరీస్‌లో రికార్డుల మోత.. పదేళ్ల తర్వాత మళ్లీ అదే సీన్
పాకిస్థాన్‌పై అద్భుత ప్రదర్శన
పాకిస్థాన్‌తో జరిగిన గోల్డ్ మెడల్ మ్యాచ్‌లో భారత జట్టు ముందుగా బ్యాటింగ్ చేసి 212 పరుగుల భారీ లక్ష్యాన్ని ఉంచింది. ఈ లక్ష్యాన్ని ఛేదించే క్రమంలో పాకిస్థాన్ జట్టు నిర్ణీత 20 ఓవర్లలో 192 పరుగులు మాత్రమే చేయగలిగింది. దీంతో భారత్ 19 పరుగుల తేడాతో విజయం సాధించి వరుసగా రెండోసారి బంగారు పతకాన్ని కైవసం చేసుకుంది. ఈ కీలక మ్యాచ్‌లో జస్ప్రీత్ బుమ్రా 15వ ఓవర్ సహా 19వ ఓవర్‌లో అద్భుతంగా బౌలింగ్ చేసి పాక్ బ్యాటర్లను కట్టడి చేశాడు. అలాగే శివమ్ దూబే బ్యాటింగ్‌లో 15 బంతుల్లో 27 పరుగులు చేసి హాఫ్ సెంచరీ పార్టనర్ షిప్ తో కీలక పాత్ర పోషించడమే కాకుండా, బౌలింగ్‌లో 2 వికెట్లు తీసి జట్టు విజయంలో ముఖ్యమైన పాత్ర పోషించాడు.
ఎక్కువమంది చదివినది: 351 పరుగులు చేసినా ఓటమి.. ఆ నిర్ణయమే టీమిండియా కొంపముంచిదా..?
మరిన్ని క్రీడా వార్తల కోసం ఇక్కడ క్లిక్ చేయండి..