శ్రీవారి దర్శనానికి తిరుమల వెళ్తే భక్తులకు టీటీడీ కీలక సూచనలు జారీ చేసింది. ఆన్‌లైన్ సర్వీస్ ద్వారా బుక్ చేసుకునే కమర్షియల్ ద్విచక్రవాహనాలకు ఘాట్ రోడ్డులోకి ఎంట్రీ లేదని స్పష్టం చేసింది. ముఖ్యంగా ఓలా, ర్యాపిడో, ఊబర్ వంటి యాప్‌ల ద్వారా బుక్ చేసుకున్న ద్విచక్ర వాహనాలను ఘాట్ రోడ్డు మీదుగా తిరుమలకు వెళ్లేందుకు అనుమతించేది లేదని.. ఈ మేరకు అలిపిరి చెక్‌పోస్ట్‌ వద్ద భక్తుల అవగాహన నిమిత్తం ప్రత్యేక ఫ్లెక్సీలను కూడా ఏర్పాటు చేసింది టీటీడీ.
అలాగే.. ఈ సేవలు అందించే ఆయా సంస్థలు తమ మొబైల్ యాప్ మ్యాపింగ్‌ల నుంచి తిరుమల రైడ్ ఆప్షన్‌ను కూడా వెంటనే తొలగించాలని ఆదేశాలు జారీ చేసింది. భక్తుల భద్రతను దృష్టిలో ఉంచుకొని రాబోయే రోజుల్లో ఈ నిబంధనలను మరింత కఠినతరం చేస్తామని టీటీడీ పేర్కొంది. అదే సమయంలో ఆర్టీసీ బస్సులు లేదా సొంతవాహనాల్లో మాత్రమే ఘాట్ రోడ్డు గుండా తిరుమలకు వెళ్లేందుకు అనుమతి ఉందని టీటీడీ స్పష్టం చేసింది. శ్రీవారి దర్శనానికి వచ్చే భక్తులు ఈ విషయాన్ని గమనించి సహకరించాలని టీటీడీ కోరింది.
వీడియో చూడండి..
మరిన్ని ఆంద్రప్రదేశ్ వార్తల కోసం ఇక్కడ క్లిక్ చేయండి.