ఎన్టీఆర్, త్రివిక్రమ్ కాంబినేషన్లో మరో సినిమా రాబోతోన్న విషయం తెలిసిందే. ‘అరవింద సమేత’ చిత్రం తర్వాత నిర్మాత నాగవంశీ బ్యానర్లో ఈ మూవీ తెరకెక్కనుంది. మైథలాజికల్ బ్యాక్డ్రాప్లో తెరకెక్కనున్న ఈ భారీ చిత్రానికి ప్రస్తుతం ‘God of War’ అనే వర్కింగ్ టైటిల్ ప్రచారంలో ఉంది. అయితే ఇప్పటివరకు మూవీపై అధికారిక ప్రకటన మాత్రం వెలువడలేదు. అయితే, చాలా సార్లు నాగవంశీ హింట్స్ ఇస్తూనే వస్తున్నారు. ఈ నేపథ్యంలోనే తాజాగా ఫైనల్లీ వచ్చేస్తోంది అని పోస్ట్ పెట్టి తారక్ ఫ్యాన్స్కు బిగ్ అప్డేట్ ఇచ్చారు.
నిర్మాత నాగవంశీ X వేదికగా “మోస్ట్ అవైటెడ్ డే వచ్చేసింది.. ఇవాళ సాయంత్రం 5:04 నిమిషాలకు బిగ్ అప్డేట్” అంటూ క్రిప్టిక్ పోస్ట్ చేశారు. పోస్ట్లో నెమలి ఎమోజీ ఉపయోగించడం ఆసక్తిని పెంచింది. మరి ముఖ్యంగా నెమలి ఎమోజీ పెట్టడంతో ఎన్టీఆర్-త్రివిక్రమ్ కాంబోలో వస్తున్న మైథలాజికల్ ప్రాజెక్ట్ అనౌన్స్మెంట్కు సంకేతమని అభిమానులు భావిస్తున్నారు.
Stay tuned to @tarak9999 anna at 5:04PM, today.
— Naga Vamsi (@vamsi84) June 29, 2026
అలాగే, ఈ పోస్ట్పై మ్యూజిక్ డైరెక్టర్ థమన్ కూడా నెమలి ఎమోజీతో స్పందిస్తూ కొత్త ప్రారంభానికి మొదలు అంటూ సంకేతాలు ఇచ్చారు. ఈ క్రమంలోనే తాజా పోస్టులు సోషల్ మీడియాను షేక్ చేస్తున్నాయి. దీంతో ఎన్నాళ్లుగానో వార్తల్లో ఉన్న ఎన్టీఆర్-త్రివిక్రమ్ కాంబినేషన్ మూవీ గురించేనని అభిమానులు ఫిక్స్ అయిపోయారు. ఇక క్లారిటీ రావాలంటే సాయంత్రం వరకు వేయికళ్లతో ఎదురుచూడాల్సిందే!
🦚🙌🏿✨ !! https://t.co/PT8XTHH37z
— thaman S (@MusicThaman) June 28, 2026
కుమారస్వామిగా ఎన్టీఆర్?
నాగవంశీ చాలా సందర్భాల్లో హింట్స్ ఇస్తూ వచ్చారు. గతేడాది కూడా ‘అత్యంత శక్తివంతమైన దేవుళ్లలో ఒకడిగా నా ఫేవరెట్ బ్రదర్’ అంటూ సుబ్రహ్మణ్య స్వామికి సంబంధించిన ఓ శ్లోకాన్ని షేర్ చేశారు. పురాణాల్లో హిందూ యుద్ధ దేవుడుగా కీర్తించే సుబ్రహ్మణ్యస్వామి ఇతివృత్తంతో ఈ మైథలాజికల్ మూవీ తెరకెక్కబోతోందని ఇన్ డైరెక్ట్ గా చెప్పుకొచ్చారు. ఇపుడు తాజాగా నెమలి వాహనంస్వామి కుమారస్వామికు ప్రతీకగా భావించే నెమలి ఎమోజీని పెట్టడం విశేషంగా మారింది. ఈ చిత్రం స్వామి కార్తికేయుడు లేదా సుబ్రహ్మణ్యస్వామి ఆధారంగా రూపొందుతున్న మైథలాజికల్ డ్రామానేనని అంచనా వేస్తున్నారు.
గత ఏడాది ముంబై విమానాశ్రయంలో ఎన్టీఆర్ చేతిలో Muruga – The Lord of War, The God of Wisdom పుస్తకం కనిపించడం మరిన్ని ఊహాగానాలకు దారితీసింది. దీంతో ఈ సినిమా కోసం ఆయన అప్పుడే సిద్ధమవుతున్నారనే ప్రచారం మొదలైంది. ఈ ప్రాజెక్ట్లో కార్తికేయుడు లేదా సుబ్రహ్మణ్యస్వామి పాత్రలో ఎన్టీఆర్ కనిపించే అవకాశం ఉందన్న వార్తలు అభిమానుల్లో మరింత ఆసక్తిని రేకెత్తిస్తున్నాయి.