Homemade Natural Perfume: సువాసనలు అందరికీ ఇష్టమే.. కానీ మార్కెట్లో దొరికే ఇంటర్నేషనల్ బ్రాండ్ పర్ఫ్యూమ్లు చాలా ఖరీదైనవి. అంతేకాకుండా, వాటిలోని రసాయనాలు (Chemicals) కొన్నిసార్లు చర్మంపై దద్దుర్లు లేదా అలర్జీలకు కారణమవుతాయి. అలాంటప్పుడు మీ తోటలో వికసించే పూలతోనే తక్కువ ఖర్చుతో సహజమైన పర్ఫ్యూమ్లను సిద్ధం చేసుకోవచ్చు. ఇవి చర్మానికి సురక్షితం మాత్రమే కాదు, చాలా ఫ్రెష్గా కూడా ఉంటాయి. ఇంట్లోనే పర్ఫ్యూమ్ తయారు చేయడానికి ఉపయోగపడే ఆ మూడు పూలు, వాటి తయారీ విధానం గురించి తెలుసుకుందాం..
ఇది కూడా చదవండి: Lemon Pickle: అమ్మమ్మల కాలం నాటి నిమ్మకాయ నిల్వ పచ్చడి – పక్కా కొలతలతో.. ఇలా పెట్టారంటే ఏడాది పాటు ఫ్రెష్గా..!
1. గులాబీలతో రాయల్ ‘రోజ్ మిస్ట్’:
గులాబీ సువాసన ఎప్పుడూ క్లాసిక్గా, రాయల్గా ఉంటుంది. దీని రేకులతో తయారు చేసిన రోజ్ మిస్ట్ చర్మానికి మంచి సువాసనను ఇవ్వడమే కాకుండా హైడ్రేటెడ్గా ఉంచుతుంది.
తయారీ విధానం: ఒక పెద్ద గిన్నె మధ్యలో ఒక ఖాళీ గాజు గిన్నెను ఉంచండి. ఇప్పుడు ఆ గాజు గిన్నె చుట్టూ తాజా గులాబీ రేకులను వేయండి. రేకులు మునిగేలా నీరు పోయండి (గాజు గిన్నెలోకి నీరు వెళ్లకుండా జాగ్రత్త పడండి). గిన్నెపై బోర్లించిన మూత పెట్టి, ఆ మూత పైన కొన్ని ఐస్ ముక్కలను ఉంచండి. 20–30 నిమిషాల పాటు తక్కువ మంటపై వేడి చేయండి. ఆవిరి ద్వారా తయారైన గులాబీ సారం (Extract) మధ్యలో ఉన్న గాజు గిన్నెలో జమ అవుతుంది. ఇందులో కొంచెం గ్లిజరిన్ కలిపి స్ప్రే బాటిల్లో నింపుకోండి.
2. మల్లెపూలతో (మొగ్రా) ‘అత్తరు స్టైల్’ పర్ఫ్యూమ్:
మల్లెపూల సువాసన చాలా గాఢంగా, ఎక్కువ సేపు ఉంటుంది. అందుకే దీనితో ఆయిల్ బేస్డ్ పర్ఫ్యూమ్ తయారు చేయడం ఉత్తమ పద్ధతి.
* తయారీ విధానం: ఒక గాజు సీసాలో అర కప్పు వాసన లేని కొబ్బరి నూనె లేదా జోజోబా ఆయిల్ తీసుకోండి. అందులో కొన్ని తాజా మల్లెపూలను వేసి మూత పెట్టి, ఒక రోజంతా ఎండలో ఉంచండి. మరుసటి రోజు ఆ పూలను తీసేసి, మళ్ళీ కొత్త పూలను వేయండి. ఇలా 3–4 సార్లు చేస్తే నూనెకు మల్లెపూల గాఢమైన సువాసన వస్తుంది. ఈ సువాసన నూనెను మణికట్టు లేదా మెడ వెనుక రాసుకుంటే రోజంతా సువాసన వెదజల్లుతుంది.
3. లావెండర్తో ఫ్రెష్ ‘కొలోన్ స్ప్రే’:
లావెండర్ సువాసన చాలా తేలికగా, రిఫ్రెషింగ్గా ఉంటుంది. దీనిని స్ప్రే పర్ఫ్యూమ్ రూపంలో తయారు చేయడం చాలా సులభం.
* తయారీ విధానం: ఒక జార్లో ఎండిన లేదా తాజా లావెండర్ పూలను తీసుకోండి. పూలు పూర్తిగా మునిగేలా అందులో వోడ్కా లేదా రబ్బింగ్ ఆల్కహాల్ పోయండి. ఈ జార్ను సుమారు ఒక వారం పాటు చీకటిగా, చల్లగా ఉండే చోట ఉంచండి (రోజూ ఒకసారి జార్ను కదిలించండి). వారం తర్వాత పూలను వడకట్టి, ఆ మిశ్రమంలో రెండు చెంచాల డిస్టిల్డ్ వాటర్ కలపండి. దీనిని స్ప్రే బాటిల్లో నింపుకుంటే వేసవిలో తాజాదనాన్ని ఇచ్చే పర్ఫ్యూమ్ సిద్ధం.
ఈ పద్ధతుల్లో తయారు చేసిన పర్ఫ్యూమ్లు కేవలం తక్కువ ఖర్చుతో కూడుకున్నవి మాత్రమే కాదు, పూర్తిగా సహజమైనవి. రసాయనాల భయం లేకుండా పూల అసలైన సువాసనను మీరు ఆస్వాదించవచ్చు.
LPG Booking: దేశంలో గ్యాస్ బుకింగ్ నిబంధనలు మారాయని మీకు తెలుసా? ఇలా చేస్తే సిలిండర్ అందదు!
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి