కళ్లముందు ఒక మూగజీవి ప్రాణాపాయంలో ఉంటే.. తమ ప్రాణాలను సైతం లెక్కచేయకుండా గ్రామస్థులు చేసిన సాహసం ములుగు జిల్లాలో అందరి ప్రశంసలు అందుకుంటోంది. ప్రమాదవశాత్తు బావిలో పడిపోయిన మేకను గ్రామస్థులు అత్యంత చాకచక్యంగా రక్షించి తమ మానవత్వాన్ని చాటుకున్నారు. ములుగు జిల్లా వెంకటాపురం మండలం ఉప్పేడు వీరాపురం గ్రామంలో ఈ ఆసక్తికర సంఘటన చోటుచేసుకుంది. గ్రామానికి చెందిన ఓ మేక మేత కోసం తిరుగుతూ, ప్రమాదవశాత్తు అక్కడ ఉన్న ఒక లోతైన చేదబావిలో పడిపోయింది. బావిలో పడి ప్రాణాల కోసం కొట్టుమిట్టాడుతున్న ఆ మూగజీవి అరుపులు విన్న స్థానికులు వెంటనే అక్కడికి చేరుకున్నారు. మేకను ఎలాగైనా కాపాడాలని భావించిన యువకులు, గ్రామస్థులు ఏమాత్రం ఆలస్యం చేయకుండా తాళ్ల సహాయంతో ప్రాణాలకు తెగించి బావిలోకి దిగారు. ఎంతో శ్రమించి ఆ మేకను క్షేమంగా పైకి తీసుకువచ్చారు. మేకకు ఎలాంటి గాయాలు కాకుండా సురక్షితంగా బయటకు తీయడంతో అందరూ ఊపిరి పీల్చుకున్నారు. ఈ ఘటనకు సంబంధించిన వీడియోలు ప్రస్తుతం సోషల్ మీడియాలో వైరల్ అవుతున్నాయి.
మరిన్ని వీడియోల కోసం ఇక్కడ క్లిక్ చేయండి
Also Watch:
Kailash-Manasarovar Yatra: కైలాస-మానస సరోవర్ యాత్రికులకు కేంద్రం హెచ్చరిక
Health Alert: న్యూస్ పేపర్లో ఫుడ్ పార్సిల్ ఎంత డేంజరో తెలుసా?
కూలీని వరించిన అదృష్టం.. గనిలో దొరికిన రూ.40 లక్షల విలువైన వజ్రం
స్టోర్ రూంలో వింత శబ్దాలు వెళ్లి చూసిన ఇంటి యజమాని గుండె గుభేల్!
Bullet Train: హైదరాబాద్ – బెంగళూరు బుల్లెట్ ట్రైన్ ప్రాజెక్ట్ పనులు షురూ!