హైదరాబాద్, మే 8: పేదింటి నిరుద్యోగులకు తెలంగాణ మైనార్టీ సంక్షేమ శాఖ శుభవార్త చెప్పింది. హైదరాబాద్లోని తెలంగాణ మైనార్టీస్ స్టడీ సర్కిల్లో 2026-27 విద్యా సంవత్సరానికిగాను యూపీఎస్సీ విల్ సర్వీసెస్ (UPSC)కు ఉచిత శిక్షణ కోసం ఆసక్తి కలిగిన అభ్యర్ధుల నుంచి దరఖాస్తులు కోరుతూ ప్రకటన విడుదల చేసింది. మైనార్టీ వర్గాలకు చెందిన నిరుపేద విద్యార్థులు మే 31, 2026వ తేదీ వరకు ఆన్లైన్లో దరఖాస్తు చేసుకోవచ్చు. దరఖాస్తు చేసుకున్న వారికి జూన్ 14న స్క్రీనింగ్ టెస్టు నిర్వహించి మెరిట్ ఆధారంగా సీట్లను భర్తీ చేస్తారు.
తెలంగాణ యూపీఎస్సీ సివిల్ సర్వీసెస్ ఉచిత శిక్షణకు 2026 ఇక్కడ నేరుగా దరఖాస్తు చేసుకోండి.
ఏదైనా డిగ్రీ పూర్తి చేసిన ముస్లిం, క్రిస్టియన్, సిక్కు, జైన్, బౌద్ధ, పార్సీ వంటి మైనార్టీ అభ్యర్థులు మాత్రమే ఈ ఉచిత కోచింగ్కు దరఖాస్తు చేసుకోవడానికి అర్హులుగా తన ప్రకటనలో వివరించింది. అలాగే తప్పనిసరిగా అభ్యర్ధుల తల్లిదండ్రుల వార్షికాదాయం రూ. 5 లక్షలలోపు ఉండాలి. మొత్తం 100 సీట్లను ఇందులో భర్తీ చేస్తారు. ఈ సీట్లలో మహిళలకు 33.33 శాతం, దివ్యాంగులకు 5 శాతం సీట్లు కేటాయిస్తారు.
ఆసక్తి కలిగిన అభ్యర్ధులు మే నెలాకరులోపు దరఖాస్తు చేసుకోవల్సి ఉంటుంది. స్క్రీనింగ్ టెస్ట్ జూన్ 14న అన్ని జిల్లాల మైనార్టీ రెసిడెన్షియల్ పాఠశాలల్లో ఆఫ్లైన్ విధానంలో నిర్వహిస్తారు. ఈ పరీక్షలో సాధించిన మెరిట్ ఆధారంగా అభ్యర్థులను ఎంపిక చేస్తారు. మెరిట్లో సీటు పొందిన అభ్యర్ధులకు ఏడాది పాటు యూపీఎస్సీ సివిల్ సర్వీసెస్ ఉచిత శిక్షణ అందిస్తారు. శిక్షణ సమయంలో డిజిటల్ తరగతి గదులు, అనుభవజ్ఞులైన బోధనా సిబ్బంది ద్వారా తరగతులు నిర్వహిస్తారు. ఇంటర్నెట్, వైఫై సదుపాయం ఉంటుంది. అవసరమైన వారికి ఉచిత వసతి, భోజన సదుపాయం కూడా కల్పిస్తారు. మరిన్ని వివరాల కోసం అధికారిక వెబ్సైట్ను సందర్శించవచ్చు. లేదా పని దినాల్లో ఉదయం 10:30 నుంచి సాయంత్రం 5 గంటల వరకు 040-23236112 ఫోన్ నంబర్ను సంప్రదించవచ్చు.
తెలంగాణ యూపీఎస్సీ సివిల్ సర్వీసెస్ ఉచిత శిక్షణకు 2026 ఇక్కడ నేరుగా దరఖాస్తు చేసుకోండి.
మరిన్ని విద్యా, ఉద్యోగ కథనాల కోసం ఇక్కడ క్లిక్ చేయండి.