తెలుగువారి కొత్త సంవత్సరం వచ్చేస్తోంది! ఈ ఏడాది మార్చి 19న మనం ఉగాది పండుగను ఎంతో గ్రాండ్గా సెలబ్రేట్ చేసుకోబోతున్నాం. కేవలం పచ్చడి తినడమే కాదు, ఈ రోజును ఎలా స్టార్ట్ చేయాలి పూజకు ఏ సమయం బెస్ట్, అసలు ఏ పనులు చేయకూడదు అనే విషయాలపై చాలా మందికి డౌట్స్ ఉంటాయి. కొత్త ఏడాది అంతా మనకు సక్సెస్ రావాలంటే ఈ పర్వదినాన్ని ఎలా జరుపుకోవాలో పండితులు చెబుతున్న ముహూర్తాల వివరాలేంటో ఇప్పుడు క్లియర్ గా తెలుసుకుందాం.
బ్రాహ్మీ ముహూర్తంలో నిద్రలేవడం:ఉగాది రోజున సక్సెస్ మీ వెంటే ఉండాలంటే పొద్దున్నే నిద్రలేవడం చాలా ముఖ్యం. ముఖ్యంగా బ్రాహ్మీ ముహూర్తం అంటే తెల్లవారుజామున 3:45 నుంచి 5:30 గంటల మధ్య నిద్రలేచి కాలకృత్యాలు ముగించుకోవాలి. ఆ తర్వాత నువ్వుల నూనెతో అభ్యంగన స్నానం చేయడం మన సంప్రదాయం. ఇలా చేయడం వల్ల బాడీకి కొత్త ఎనర్జీ రావడమే కాకుండా, పండుగ వైబ్స్ స్టార్ట్ అవుతాయి.
పూజ ముహూర్తం ఎప్పుడు?: స్నానం అయ్యాక కొత్త బట్టలు ధరించి దేవుడిని ప్రార్థించాలి. ఈ ఏడాది పూజ చేయడానికి ఉదయం 6 గంటల నుంచి 10 గంటల మధ్య సమయం చాలా శ్రేష్టమైనదని పండితులు చెబుతున్నారు. ఈ టైమ్లో పూజ గదిని, ఇంటిని మామిడి తోరణాలు, ముగ్గులతో అలంకరించి పూజ చేస్తే ఇంట్లో పాజిటివ్ ఎనర్జీ పెరుగుతుంది. కొత్త పనులు లేదా బిజినెస్ స్టార్ట్ చేయాలనుకునే వారు ఈ ముహూర్తాన్ని వాడుకోవచ్చు.
చేయాల్సిన ముఖ్యమైన పనులు: పూజ తర్వాత షడ్రుచుల ఉగాది పచ్చడిని ప్రసాదంగా తీసుకోవడం అత్యంత ముఖ్యం. అలాగే ఈ రోజున పంచాంగ శ్రవణం కచ్చితంగా వినాలి. దీనివల్ల వచ్చే ఏడాది మన రాశి ఫలితాలు ఎలా ఉన్నాయి, గ్రహాల ప్రభావం ఎలా ఉందో మనకు ఒక క్లారిటీ వస్తుంది. అంతేకాదు, ఈ రోజున పేదలకు దానధర్మాలు చేయడం వల్ల ఏడాదంతా పుణ్య కార్యాలు చేసిన ఫలం దక్కుతుందని పెద్దలు చెబుతారు.
పొరపాటున కూడా ఇవి చేయకండి: ఉగాది రోజున కొన్ని పనులకు దూరంగా ఉండాలి. ముఖ్యంగా ఆ రోజున నాన్-వెజ్, గుడ్లు, చేపలు అస్సలు తినకూడదు. పూర్తిగా శాకాహారం మరియు పండ్లు మాత్రమే తీసుకోవాలి. అలాగే ఇంట్లో గొడవలు పడటం, ఒకరినొకరు దూషించుకోవడం వంటివి చేయకూడదు. మద్యం, ధూమపానం వంటి బ్యాడ్ హ్యాబిట్స్ కి దూరంగా ఉండాలి. ఇల్లు లేదా పూజా మందిరం అపరిశుభ్రంగా లేకుండా చూసుకోవాలి.
ఉగాది అనేది మన కొత్త ఆశలకు, ఆలోచనలకు ఒక బిగినింగ్. ఈ పండుగను భక్తి శ్రద్ధలతో, ఆనందంగా జరుపుకుంటే ఆ సంవత్సరం అంతా ప్రశాంతంగా గడిచిపోతుంది. రేపు మార్చి 19న మీరు కూడా పైన చెప్పిన ఆచారాలను పాటిస్తూ మీ ఫ్యామిలీతో కలిసి హ్యాపీగా కొత్త ఏడాదిని ఆహ్వానించండి.
గమనిక: పైన ఇచ్చిన వివరాలు పంచాంగం మరియు పురాణాలలోని సమాచారం ఆధారంగా అందించబడ్డాయి. మీ ప్రాంతీయ ఆచారాలను బట్టి పూజా విధానాల్లో చిన్న చిన్న మార్పులు ఉండవచ్చు.
The post ఉగాది 2026: తేదీ, పూజ ముహూర్తాలు, ఆచారాలు.. వివరాలు appeared first on Manalokam – Latest Telugu News & Updates.