వృషభం: ఈ రాశికి అత్యంత శుభులైన రవి, బుధులు ఈ రాశిలోనే కలవడం వల్ల ఉద్యోగంలో ఉన్నత పదవులు లభించే అవకాశం ఉంది. వృత్తి, వ్యాపారాల్లో యాక్టివిటీ బాగా పెరుగుతుంది. ఆర్థికాభివృద్ధికి సమయం బాగా అనుకూలంగా ఉంటుంది. ఏ ప్రయత్నం తలపెట్టినా బాగా కలిసి వస్తుంది. షేర్లు, స్పెక్యులేషన్లు బాగా లాభిస్తాయి. నైపుణ్యాలను పెంచుకుంటారు. విదేశాల్లో చదువులు, ఉద్యోగాల్లో ఉన్నవారి జీవితాలు ఒక వెలుగు వెలుగుతాయి. ఆదాయం బాగా వృద్ధి చెందుతుంది.
కర్కాటకం: ఈ రాశికి లాభ స్థానంలో బుధాదిత్య యోగం ఏర్పడడం వల్ల వ్యక్తిగత జీవితంలో అనేక శుభ పరిణామాలు చోటు చేసుకుంటాయి. వృత్తి, ఉద్యోగ, వ్యాపారాలు బాగా కలిసి వస్తాయి. ఇబ్బడి ముబ్బడిగా ఆదాయం పెరుగుతుంది. తప్పకుండా అధికార యోగం పడుతుంది. ఉద్యోగపరంగానే కాక, సామాజికంగా కూడా గుర్తింపు లభిస్తుంది. ప్రభుత్వ పరంగా ఎటువంటి సమస్యలున్నా తొలగిపోతాయి. వ్యక్తిగత సమస్యలు పరిష్కారం అవుతాయి. షేర్లు, స్పెక్యులేషన్లు బాగా లాభిస్తాయి.
సింహం: ఈ రాశికి దశమ స్థానంలో రాశినాథుడైన రవితో బుధుడు కలవడం వల్ల ఈ రాశివారికి వృత్తి, ఉద్యోగాలపరంగా ప్రాభవం, ప్రాధాన్యం బాగా పెరుగుతాయి. ఉన్నత పదవులు లభిస్తాయి. విదేశాల్లో ఉద్యోగాలు చేస్తున్నవారికి స్థిరత్వం లభిస్తుంది. ఆర్థిక, వ్యక్తిగత సమస్యలు పూర్తిగా పరిష్కారమవుతాయి. ఇతరుల సమస్యలను కూడా మధ్యవర్తిత్వంతో, కౌన్సెలింగ్ తో పరిష్కరించడం జరుగుతుంది. ఆదాయం బాగా వృద్ధి చెందుతుంది. ఆదాయ ప్రయత్నాలన్నీ సఫలమవుతాయి.
కన్య: ఈ రాశినాథుడైన బుధుడు భాగ్య స్థానంలో రవి గ్రహంతో కలవడం వల్ల ఈ రాశివారికి వృత్తి, ఉద్యోగాల్లో తప్పకుండా అధికారయోగం పడుతుంది. ఉద్యోగులకు, నిరుద్యోగులకు విదేశీ ఆఫర్లు అందుతాయి. ఆదాయం బాగా పెరుగుతుంది. ప్రముఖులతో పరిచయాలు ఏర్పడతాయి. సొంత ఇంటి ప్రయత్నాలు సక్సెస్ అవుతాయి. ఆస్తి వివాదాలు పరిష్కారం అవుతాయి. కుటుంబంలో సుఖ సంతోషాలు వెల్లి విరుస్తాయి. వ్యక్తిగత, కుటుంబ సమస్యలు చాలావరకు తగ్గుముఖం పడతాయి.
మకరం: ఈ రాశికి పంచమ స్థానంలో బుధాదిత్య యోగం ఏర్పడడం వల్ల ఆర్థిక సమస్యలు క్రమంగా పరిష్కారం కావడమే కాకుండా, ఆదాయ వృద్ధికి కూడా అవకాశం ఉంది. ఆర్థికంగా ఎటువంటి ప్రయత్నం తలపెట్టినా తప్పకుండా విజయవంతం అవుతుంది. షేర్లు, మదుపులు, ఆర్థిక లావాదేవీలు బాగా లాభిస్తాయి. మాటకు, చేతకు విలువ పెరుగుతుంది. కుటుంబ సమస్యల నుంచి బయటపడతారు. వృత్తి, ఉద్యోగాల్లో వీరి సలహాలు, సూచనలు అధికారులకు బాగా ఉపకరిస్తాయి.
కుంభం: ఈ రాశికి చతుర్థ స్థానంలో బుధాదిత్య యోగం ఏర్పడుతున్నందువల్ల ఈ రాశివారికి తప్పకుండా అధికార యోగం పడుతుంది. మేనేజ్మెంట్ లో భాగం కావడం జరుగుతుంది. ఎలాంటి సమస్య అయినా తేలికగా పరిష్కారమవుతుంది. అనేక విధాలుగా ఆదాయం పెరుగుతుంది. వృత్తి, వ్యాపా రాల్లోనే కాక, సామాజికంగా కూడా హోదా, స్థాయి పెరుగుతాయి. ప్రముఖులతో పరిచయాలు విస్తరిస్తాయి. ఆస్తి వివాదం అనుకూలంగా పరిష్కారమవుతుంది. ఆశించిన శుభవార్తలు వింటారు.