మన జేబులో ఉండే ఫోన్ మనల్ని పరుగులు పెట్టిస్తుంది, ఏం తినాలో చెబుతుంది, చివరికి ఎంతసేపు నిద్రపోవాలో కూడా నిర్ణయిస్తుంది. మనం సోమరితనంతో ఉన్నప్పుడు, రోజువారీ నడక టార్గెట్ ఇంకా పూర్తి కాలేదంటూ హెచ్చరించే మెంటార్గా ఇది పనిచేస్తుంది. పెద్ద పెద్ద జిమ్లలో మెంబర్షిప్ లేకపోయినా, పర్సనల్ ట్రైనర్ లేకపోయినా మన స్మార్ట్ఫోన్ ఉంటే చాలు, అది మనల్ని స్మార్ట్ కోచ్లా నడిపిస్తుందని రీసెర్చ్ గేట్ అధ్యయనం పేర్కొంది.
స్మార్ట్ఫోన్ అందించే కీలక ఫీచర్లు
- ఫోన్లోని ‘యాక్సిలరోమీటర్’ అనే సెన్సార్ సహాయంతో మనం నడవడం, పరిగెత్తడం, మెట్లు ఎక్కడం వంటి పనులను గుర్తించి, క్యాలరీల ఖర్చు మరియు యాక్టివ్ టైమ్ వంటి డేటాను అందిస్తుంది.
- మన శరీర తత్వం, బరువు, ఎత్తుకు అనుగుణంగా మనకు సరిపోయే వ్యాయామాలను ఇది రూపొందిస్తుంది. మన సామర్థ్యాన్ని బట్టి వ్యాయామాల తీవ్రతను పెంచుతూ లేదా తగ్గిస్తూ మనల్ని గైడ్ చేస్తుంది.
- మనం రోజూ తీసుకునే ఆహారంలోని క్యాలరీలను, పోషకాలను ఇది లెక్కిస్తుంది. జంక్ ఫుడ్ తింటున్నప్పుడు అది మన ఆరోగ్యాన్ని ఎలా దెబ్బతీస్తుందో హెచ్చరిస్తూ ‘మైండ్ఫుల్ ఈటింగ్’ అలవాటు చేస్తుంది.
- రాత్రి పడుకున్నప్పటి నుంచి ఉదయం వరకు నిద్ర ఎంత గాఢంగా ఉంది, మధ్యలో ఎన్నిసార్లు మెలకువ వచ్చింది వంటి వివరాలను విశ్లేషిస్తుంది.
- వ్యాయామాలు మొదలుపెట్టిన తొలి రోజు నుంచి నేటి వరకు మన శరీర సామర్థ్యంలో వచ్చిన మార్పులను బీఎంఐ (BMI), వీక్లీ మరియు మంత్లీ సమ్మరీల రూపంలో నివేదికగా అందిస్తుంది.
స్మార్ట్ఫోన్ను కేవలం మెసేజ్ల కోసం కాకుండా ఒక ఆరోగ్య మార్గదర్శిగా చూస్తే, మనల్ని మనం ఒక క్రమశిక్షణ గల ఫిట్నెస్ ప్రయాణం వైపు నడిపించుకోవచ్చు.