ప్రపంచవ్యాప్తంగా అధిక బరువు, స్థూలకాయం ఒక సాధారణ ఆరోగ్య సమస్యగా మారిపోయింది. అనేకమంది బరువు తగ్గించుకోవడానికి వివిధ పద్ధతులను ప్రయత్నిస్తూ విఫలమవుతున్నారు. ఈ సమస్యకు ఆయుర్వేద డాక్టర్ ఒకరు ఒక సులువైన, సహజమైన పరిష్కారాన్ని సూచిస్తున్నారు. ఆయన ప్రకారం, ఉలవలు కొవ్వును కరిగించే అద్భుతమైన ఔషధ గుణాలను కలిగి ఉన్నాయి. కేవలం మూడు పదార్థాలతో ఈ ఔషధాన్ని తయారు చేసుకోవచ్చునన్నారు. ఉలవలు, ఆల్బకరా పళ్ళు, స్వచ్ఛమైన తేనె. ఉలవలను వేయించి పొడి చేసి, 200 మిల్లీలీటర్ల నీటిలో అర టీస్పూన్ ఉలవపిండి, నాలుగు ఆల్బకరా పళ్ళు వేసి పది నిమిషాలు నానబెట్టాలి.
తర్వాత సన్నని మంటపై మరిగించి, గోరువెచ్చగా ఉన్నప్పుడు వడగట్టి, ఒకటి లేదా రెండు టీస్పూన్ల తేనె కలిపి రోజుకు ఒకసారి తాగాలి. షుగర్ వ్యాధిగ్రస్తులు తేనెను మానుకోవాలి. ఈ కషాయం శరీరంలోని కొవ్వును క్రమంగా తగ్గించడంలో సహాయపడుతుంది. అయితే సదరు డాక్టర్ కేవలం ఈ ఔషధాన్ని తీసుకోవడమే కాకుండా, రోజుకు కనీసం 45 నిమిషాల వ్యాయామం(జాగింగ్, రన్నింగ్, సైక్లింగ్ వంటివి), బేకరీ ఫుడ్స్, ఫాస్ట్ ఫుడ్స్, అధిక పిండి పదార్థాలను నివారించడం లాంటి ఆరోగ్యకరమైన ఆహారపు అలవాట్లను పాటించడం చాలా ముఖ్యం.
ముఖ్య విషయాలు..
ఈ ఔషధంతో పాటు పాటించాల్సిన కొన్ని ముఖ్యమైన విషయాలను ఆయన వివరించారు. కేవలం ఈ కషాయం తీసుకోవడమే కాకుండా, ఆరోగ్యకరమైన జీవనశైలిని అలవర్చుకోవడం అత్యవసరం.
వ్యాయామం: రోజుకు కనీసం 45 నిమిషాల పాటు వ్యాయామం చేయాలి. జాగింగ్, రన్నింగ్, స్కిప్పింగ్, సైక్లింగ్, స్విమ్మింగ్ వంటివి ఏదైనా ఎంచుకోవచ్చు. వారంలో ఐదు రోజులు ఈ వ్యాయామాన్ని కొనసాగించాలి.
ఆహార నియంత్రణ: బేకరీ ఫుడ్స్, అధిక పిండి పదార్థాలు ఉన్న ఆహారాలు, పీచు లేని పదార్థాలు, జంక్ ఫుడ్స్, ఫాస్ట్ ఫుడ్స్, ఐస్ క్రీమ్స్, పిజ్జాలు, బర్గర్లు లాంటివి ఎంత వీలైతే అంత మానుకోవాలి. ఈ ఆహార నియంత్రణ ఆరోగ్యకరమైన భవిష్యత్తుకు చాలా అవసరం.
ఈ చౌకైన ఇంటి వైద్యాన్ని, వ్యాయామం, ఆహార నియంత్రణతో కలిపి పాటించినట్లయితే, అతి త్వరలోనే అధిక బరువు లేదా స్థూలకాయం సమస్య నుంచి బయటపడవచ్చునన్నారు.
ఇది చదవండి: ప్రామిసరీ నోటు మీద ఈ ఒక్కటి రాస్తే.. అప్పు ఇచ్చినవాడు చనిపోయినా మీ డబ్బు వెనక్కి