IND vs AFG: ఆసియా క్రీడలు 2026 (Asian Games 2026) పురుషుల క్రికెట్ పోటీల్లో డిఫెండింగ్ ఛాంపియన్ అయిన టీమిండియా (Team India) తన క్యాంపెయిన్ను ప్రారంభించేందుకు సర్వం సిద్ధం చేసుకుంది. ఈరోజు (సెప్టెంబర్ 28, సోమవారం) నిస్షిన్ (Nisshin) వేదికగా ఆఫ్ఘనిస్తాన్ (Afghanistan)తో జరగనున్న కీలకమైన క్వార్టర్ ఫైనల్ (Quarter-final) మ్యాచ్పై సర్వత్రా ఉత్కంఠ నెలకొంది. కానీ, ఈ మ్యాచ్కు భారీ వర్షం ముప్పు పొంచి ఉండటం క్రికెట్ వర్గాలను ఆందోళనకు గురిచేస్తోంది.
వర్షం ముప్పు.. పిచ్పై అంతుచిక్కని రహస్యం:
కొరోగి స్పోర్ట్స్ పార్క్ (Korogi Sports Park) వేదికగా జరగనున్న ఈ పోరుకు వాతావరణం పెద్ద సవాలుగా మారింది. ఇప్పటికే ఇదే వేదికగా పాకిస్థాన్ (Pakistan) – వర్సెస్ హాంకాంగ్ (Hong Kong) మధ్య జరగాల్సిన మొదటి క్వార్టర్ ఫైనల్ మ్యాచ్ వర్షం కారణంగా ఒక్క బంతి కూడా పడకుండానే రద్దయింది. దీంతో భారత్, ఆఫ్ఘనిస్తాన్- మ్యాచ్పై కూడా అదే నీలినీడలు కమ్ముకున్నాయి. మరోవైపు, ఈ పిచ్ స్వభావం ఎలా ఉంటుందనే దానిపై కూడా క్లారిటీ లేదు.
జపాన్ మ్యాచ్ అనుభవంతో.. శ్రేయస్ సేన సిద్ధం:
ఇటీవల సానో (Sano) వేదికగా జపాన్ (Japan)తో జరిగిన ఏకైక మ్యాచ్లో ఆతిథ్య జట్టు టర్నింగ్ ట్రాక్పై (Turning track) భారత జట్టును తీవ్రంగా ఇబ్బంది పెట్టింది. ఆ మ్యాచ్లో ఇబ్బందిపడిన అనుభవాన్ని దృష్టిలో పెట్టుకుని, శ్రేయస్ అయ్యర్ (Shreyas Iyer) నేతృత్వంలోని మెన్ ఇన్ బ్లూ జట్టు ఈసారి మరింత పకడ్బందీ వ్యూహాలతో బరిలోకి దిగనుంది. వర్షం అడ్డంకులు సృష్టించకుండా మ్యాచ్ సజావుగా కొనసాగితే, యువ ఆటగాళ్లు చెలరేగి భారత్కు ఘన విజయం అందించాలని అభిమానులు కోరుకుంటున్నారు.