రిలయన్స్ అజియో బ్యూటీ షురూ

న్యూఢిల్లీ: రిలయన్స్ రిటైల్ అజియో బ్యూటీ ప్లాట్‌‌ఫారమ్‌‌ను   ప్రారంభించింది. ఈ ఆన్​లైన్​ ప్లాట్‌‌ఫారమ్ ద్వారా చర్మ సంరక్షణ, మేకప్, హెయిర్‌‌కేర్, సువాసనలు, వ్యక్తిగత సంరక్షణ ఉత్పత్తులు అందుబాటులో ఉంటాయి. అజియో డిజిటల్ నెట్‌‌వర్క్ , రిలయన్స్ ఓమ్నిచానెల్ బ్యూటీ వెంచర్ అయిన టిరా నైపుణ్యాన్ని కలిపి దీనిని రూపొందించారు.

దీనిద్వారా సుమారు 1,500 భారతీయ , అంతర్జాతీయ బ్రాండ్లు వాల్యూ, ప్రీమియం, లగ్జరీ విభాగాలలో లభిస్తాయని కంపెనీ తెలిపింది. దేశవ్యాప్తంగా 19,000 పిన్ కోడ్‌‌లకు డెలివరీ సేవలు అందిస్తారు.  కొన్ని నగరాల్లో అజియో రష్ ద్వారా వేగవంతమైన డెలివరీ సౌకర్యం ఉంటుందని రిలయన్స్​ వెల్లడించింది.

వినియోగదారుల ఆధునిక అవసరాలకు తగినట్లుగా వ్యక్తిగతీకరించిన సిఫార్సులు అందించడం ఈ ప్లాట్‌‌ఫారమ్ ప్రత్యేకత. రిలయన్స్ రిటైల్ వెంచర్ల పరిధిలో దేశవ్యాప్తంగా 20,169 స్టోర్లు పనిచేస్తున్నాయి. గత ఆర్థిక సంవత్సరంలో సంస్థ రూ.3.70 లక్షల కోట్ల స్థూల ఆదాయాన్ని సాధించింది.