New Mahindra Thar OG Launch: మహీంద్రా భారత్లో కొత్త 2026 Thar OGను విడుదల చేసింది. ఈ మూడు డోర్ల SUV ప్రారంభ ఎక్స్షోరూమ్ ధర రూ.10.32 లక్షలుగా నిర్ణయించింది. కొత్త థార్లో ఇంజిన్ ఆప్షన్లతో పాటు డిజైన్, ఇంటీరియర్, సస్పెన్షన్, స్టీరింగ్, ఆఫ్-రోడ్ సామర్థ్యం, సేఫ్టీ ఫీచర్లలో పలు మార్పులు చేసింది. కొత్త మోడల్లో ముఖ్యంగా 2.2 లీటర్ mHawk డీజిల్ ఇంజిన్తో RWD ఆటోమేటిక్ వేరియంట్ ను తీసుకురావడం ప్రత్యేక ఆకర్షణగా నిలిచింది. ప్రస్తుతం Thar OG లైనప్లో AXT, LXT, ZXT ట్రిమ్లు ఉన్నాయి.
కొత్త వేరియంట్లు, ఫీచర్లు
కొత్త థార్లో 2.2 లీటర్ mHawk డీజిల్ ఇంజిన్తో రియర్-వీల్ డ్రైవ్ (RWD), ఆటోమేటిక్ గేర్బాక్స్ కలిగిన కొత్త వేరియంట్ను మహీంద్రా పరిచయం చేసింది. దీంతో ఫోర్-వీల్ డ్రైవ్ అవసరం లేని వినియోగదారులకు పెద్ద డీజిల్ ఇంజిన్తో ఆటోమేటిక్ థార్ను ఎంచుకునే అవకాశం లభించింది. కొత్త వేరియంట్లతో పాటు ఆఫ్-రోడ్, సేఫ్టీ ఫీచర్లను కూడా సంస్థ పెంచింది.
మూడు ఇంజిన్ ఆప్షన్లు
ఎంట్రీ లెవల్ AXT వేరియంట్లో 1.5 లీటర్ D117 CRDe డీజిల్ ఇంజిన్ ను 6-స్పీడ్ మాన్యువల్ గేర్బాక్స్తో అందిస్తున్నారు. ఇదే ఇంజిన్ LXT, ZXT ట్రిమ్లలో కూడా లభిస్తుంది. ఈ ఇంజిన్.. పవర్: 87.2kW (సుమారు 116.9bhp), టార్క్.. 300Nm ప్రొడ్యూస్ చేస్తుంది. ఇక LXT, ZXT ట్రిమ్లలో పెద్ద 2.2 లీటర్ mHawk డీజిల్, 2.0 లీటర్ mStallion టర్బో పెట్రోల్ ఇంజిన్ ఆప్షన్లు ఉన్నాయి.
2.2 లీటర్ డీజిల్:
పవర్: 150.1bhp
టార్క్: 330Nm
2.0 లీటర్ టర్బో పెట్రోల్:
పవర్: 159.6bhp
టార్క్: 330Nm
RWD ఆటోమేటిక్ వేరియంట్
2.2 లీటర్ mHawk డీజిల్ ఇంజిన్తో RWD ఆటోమేటిక్ వేరియంట్ను తీసుకురావడం కొత్త Tharలో ప్రధాన మార్పుల్లో ఒకటి. దీంతో నగరాల్లో రోజువారీ వినియోగానికి ఆటోమేటిక్ థార్ కోరుకునే వారికి మరో ఆప్షన్ అందుబాటులోకి వచ్చింది. ఫోర్-వీల్ డ్రైవ్ వేరియంట్లతో పాటు పెద్ద డీజిల్ ఇంజిన్, ఆటోమేటిక్ ట్రాన్స్మిషన్, రియర్-వీల్ డ్రైవ్ కలయికను కూడా కస్టమర్లు ఎంచుకోవచ్చు.
కొత్త ప్లాట్ఫామ్, సస్పెన్షన్
2026 Thar OGలో M_GLYDE 4G ప్లాట్ఫామ్ ను ఉపయోగించారు. ఇందులో Watts Linkతో కూడిన Pentalink రియర్ సస్పెన్షన్ ఉంది. రైడ్ కంఫర్ట్, బాడీ కంట్రోల్ను మెరుగుపరచడానికి Frequency-Dependent Dampingతో కూడిన DaVinci Damping టెక్నాలజీని కూడా అందించారు. అదనంగా ఎలక్ట్రిక్ పవర్ స్టీరింగ్ అందుబాటులో ఉంది. దీని వల్ల స్టీరింగ్ను తిప్పడానికి తక్కువ శ్రమ అవసరమవుతుందని, నేరుగా డ్రైవింగ్ చేస్తున్నప్పుడు మెరుగైన స్పందన లభిస్తుందని మహీంద్రా చెబుతోంది.
రియర్ ఎలక్ట్రానిక్ లాకింగ్ డిఫరెన్షియల్
ఆఫ్-రోడింగ్ కోసం కొత్త Tharలో రియర్ ఎలక్ట్రానిక్ లాకింగ్ డిఫరెన్షియల్ ను కూడా అందించారు. బటన్ నొక్కడం ద్వారా దీన్ని యాక్టివేట్ చేయవచ్చు. రెండు వెనుక చక్రాలను లాక్ చేయడం ద్వారా వాటి మధ్య గ్రిప్లో తేడా ఉన్న పరిస్థితుల్లో వాహనం ముందుకు కదలడానికి ఇది సహాయపడుతుంది. అలాగే Sand, Snow, Mud డ్రైవ్ మోడ్లు ఉన్నాయి. ఇవి ట్రాక్షన్ కంట్రోల్, స్టీరింగ్ అసిస్టెన్స్, యాక్సిలరేటర్ స్పందనను పరిస్థితులకు అనుగుణంగా మార్చుతాయి. ఆటోమేటిక్ వేరియంట్లలో ఈ మోడ్లు గేర్షిఫ్ట్ విధానాన్ని కూడా ప్రభావితం చేస్తాయి.
6 ఎయిర్బ్యాగ్లు.. నాలుగు చక్రాలకు డిస్క్ బ్రేక్లు
సేఫ్టీ విషయంలోనూ మహీంద్రా పలు మార్పులు చేసింది. హార్డ్-టాప్ మోడళ్లలో 6 ఎయిర్బ్యాగ్లు అందిస్తున్నారు. ఇందులో ఫ్రంట్ ఎయిర్బ్యాగ్లతో పాటు నాలుగు HTPS ఎయిర్బ్యాగ్లు ఉన్నాయి. ఇవి రెండు వరుసల్లో కూర్చున్న ప్రయాణికుల తల, నడుము, ఛాతీ, భుజాలకు రక్షణ అందించేలా రూపొందించారు. ఇవే కాకుండా నాలుగు చక్రాలకు డిస్క్ బ్రేక్లు, ఫ్రంట్ పార్కింగ్ సెన్సర్లు, స్టాండర్డ్ ESP 9.3 సూట్, వెహికల్ డైనమిక్స్ కంట్రోల్, ట్రాక్షన్ కంట్రోల్, రోల్ఓవర్ మిటిగేషన్, హిల్-హోల్డ్ కంట్రోల్, హిల్-డిసెంట్ కంట్రోల్ వంటి ఫీచర్లు ఉన్నాయి.
కొత్త ఎక్స్టీరియర్ డిజైన్
కొత్త Thar OGలో ఐదు-స్లాట్ గ్రిల్, Thar బ్యాడ్జింగ్, LED హెడ్ల్యాంప్లు, C-షేప్ LED DRLలు ఉన్నాయి. ముందు భాగంలో LED ఐస్-క్యూబ్ ఫాగ్ ల్యాంప్లు, కార్నరింగ్ ల్యాంప్లను కూడా అందించారు. కొత్త ఫ్రంట్, రియర్ బంపర్లు, LED టెయిల్ ల్యాంప్లు, కొత్త డిజైన్ 19-ఇంచ్ అల్లాయ్ వీల్స్ వాహనం లుక్ను మరింత మార్చాయి.
ఇంటీరియర్లోనూ మార్పులు
క్యాబిన్లో ట్రఫుల్స్ బ్రౌన్ లెదరెట్ సీట్లు, సాఫ్ట్-టచ్ డోర్ ప్యానెల్స్, స్టిచ్డ్ ట్రిమ్ వంటి మార్పులు చేశారు. ముందు ఆర్మ్రెస్ట్లు, వైర్లెస్ ఛార్జింగ్ వంటి సౌకర్యాలు కూడా ఉన్నాయి. డ్యాష్బోర్డ్ లేఅవుట్ను పెద్దగా మార్చకుండా క్యాబిన్ మెటీరియల్స్, ఫినిష్, కంఫర్ట్పై దృష్టి పెట్టారు. టాప్-ఎండ్ ZXT ట్రిమ్లో 15 అదనపు ఫీచర్లు అందుబాటులో ఉన్నాయి.
Mahindra Thar OG ధరలు
AXT 1.5D RWD MT రూ.10.32 లక్షలు
LXT 1.5D RWD MT రూ.12.99 లక్షలు
LXT 2.2D RWD AT రూ.16.49 లక్షలు
LXT 2.2D 4WD MT రూ.16.43 లక్షలు
LXT 2.2D 4WD AT రూ.18.00 లక్షలు
LXT 2.0T RWD AT రూ.14.77 లక్షలు
LXT 2.0T 4WD MT రూ.15.60 లక్షలు
LXT 2.0T 4WD AT రూ.17.23 లక్షలు
ZXT 1.5D RWD MT రూ.13.99 లక్షలు
ZXT 2.2D RWD AT రూ.17.49 లక్షలు
ZXT 2.2D 4WD MT రూ.17.49 లక్షలు
ZXT 2.2D 4WD AT రూ.18.99 లక్షలు
ZXT 2.0T RWD AT రూ.16.09 లక్షలు
ZXT 2.0T 4WD MT రూ.16.60 లక్షలు
ZXT 2.0T 4WD AT రూ.17.75 లక్షలు