Gabbar Singh Actor Ramesh: ‘గబ్బర్ సింగ్’ ఫేమ్ రమేష్కు బ్రెయిన్ స్ట్రోక్.. ఆరోగ్య పరిస్థితి విషమం!
టాలీవుడ్ నటుడు, ‘గబ్బర్ సింగ్’ ఫేమ్ రమేష్ తీవ్ర అస్వస్థతకు గురయ్యారు. ఆయనకు హఠాత్తుగా బ్రెయిన్ స్ట్రోక్ రావడంతో కుటుంబ సభ్యులు వెంటనే హైదరాబాద్లోని అపోలో ఆసుపత్రికి తరలించారు. ప్రస్తుతం రమేష్కు ICUలో నిపుణులైన వైద్యుల పర్యవేక్షణలో చికిత్స కొనసాగుతోంది.
ఆసుపత్రి వర్గాలు ఏమన్నాయంటే?
అపోలో ఆసుపత్రి వర్గాల సమాచారం ప్రకారం, రమేష్ ఆరోగ్య పరిస్థితి ప్రస్తుతం విషమంగానే (క్రిటికల్) ఉందని తెలిపారు. న్యూరాలజిస్టులు సహా ప్రత్యేక వైద్య బృందం ఆయనకు నిరంతరం చికిత్స అందిస్తోందని వెల్లడించారు. అలాగే, ఆయన ఆరోగ్య పరిస్థితిని ఎప్పటికప్పుడు పర్యవేక్షిస్తూ, శరీర స్పందనలను బట్టి తదుపరి చికిత్స అందిస్తున్నట్లు వైద్యులు పేర్కొన్నారు. రమేష్ త్వరగా కోలుకోవాలని ఆయన అభిమానులు, సినీ పరిశ్రమకు చెందిన ప్రముఖులు ప్రార్థిస్తున్నారు.
‘గబ్బర్ సింగ్’తో గుర్తింపు..
పవన్ కళ్యాణ్ నటించిన బ్లాక్బస్టర్ చిత్రం ‘గబ్బర్ సింగ్’ (2012) ద్వారా రమేష్ ప్రేక్షకులకు సుపరిచితుడయ్యారు. ‘గబ్బర్ సింగ్’లో ‘‘గబ్బర్ సింగ్ గ్యాంగ్’’ సభ్యుడిగా కనిపించిన ఆయన, ముఖ్యంగా పోలీస్ స్టేషన్లో వచ్చే అంత్యాక్షరి కామెడీ ఎపిసోడ్ ద్వారా మంచి గుర్తింపు సంపాదించారు. ఆ సినిమాలోని గ్యాంగ్ సభ్యులందరూ ప్రేక్షకులను నవ్వించడంతో ప్రత్యేకమైన అభిమాన వర్గాన్ని ఏర్పరచుకున్నారు.
►ALSO READ | Balakrishna: బాలకృష్ణ హెల్త్ అప్డేట్.. AIG వైద్యులు హెల్త్ బులెటిన్ విడుదల
రమేష్ నటించిన సినిమాలు..
గబ్బర్ సింగ్ గ్యాంగ్ సభ్యుడిగా గుర్తింపుతో, రమేష్ వరుస అవకాశాలు సంపాదించారు. ఆ తర్వాత సర్దార్ గబ్బర్ సింగ్ మూవీలో పవన్ కళ్యాణ్తో మరోసారి స్క్రీన్ షేర్ చేసుకున్నారు. అనంతరం అత్తారింటికి దారేది సినిమాలో కూడా కాసేపు కనిపించారు. వీటితో పాటు టాలీవుడ్లో పలు చిన్న, మధ్యతరహా చిత్రాల్లో క్యారెక్టర్ ఆర్టిస్ట్గా, కామెడీ పాత్రల్లో నటించారు.
