152 సార్లు నీట్ పేపర్ లీకైతే ఇప్పటి వరకు ఎవరికీ శిక్ష పడలేదని ప్రతిపక్ష నేత రాహుల్ గాంధీ అన్నారు. నీట్ పేపర్ లీకేజ్పై రాహుల్ గాంధీ మీడియా సమావేశం నిర్వహించారు. ఈ సందర్భంగా ఢిల్లీ నిరసనలు వీడియో రూపంలో ప్రదర్శించారు. ఒకప్పుడు ప్రపంచంలోనే అత్యుత్తమమైనదిగా పరిగణించబడిన మన విద్యా వ్యవస్థ, ఇప్పుడు ఒక మోసపూరిత వ్యవస్థగా మారిందన్నారు. గత 10 ఏళ్లలో దేశంలో 152 ప్రశ్నపత్రాలు లీక్ అయ్యాయని.. లెక్క వేస్తే దాదాపు ప్రతి నెలా ఒక లీక్ జరుగుతోందని తెలిపారు. 7.5 కోట్ల మంది విద్యార్థులు, వారి కుటుంబాలు దీనివల్ల ప్రభావితమయ్యాయన్నారు. వీరంతా మధ్యతరగతి, పేద కుటుంబాలకు చెందినవారని తెలిపారు. ఈ పరీక్షల ఖర్చు భరించలేనిదన్నారు. ‘‘ప్రతి సంవత్సరం నీట్ కోసం 1.32 లక్షల కోట్ల రూపాయలు ఖర్చు చేస్తున్నారు. మరోవైపు భారత ప్రభుత్వ విద్యా బడ్జెట్ 1.4 లక్షల కోట్ల రూపాయలు. ప్రభుత్వం తన మొత్తం విద్యా బడ్జెట్పై ఖర్చు చేసేంత మొత్తాన్ని ఒక కుటుంబం ఒక్క పరీక్షపై ఖర్చు చేస్తుంది.’’ అని వెల్లడించారు.
విద్యార్థులకు కేవలం మూడు డిమాండ్లు ఉన్నాయి
విద్యార్థులు కేవలం మూడు డిమాండ్లు మాత్రమే చేస్తున్నారని, అవి పూర్తిగా చట్టబద్ధమైనవని, ప్రభుత్వం వాటిని అంగీకరించాలని రాహుల్ గాంధీ డిమాండ్ చేశారు. మేము ఈ డిమాండ్లకు పూర్తి మద్దతు ఇస్తున్నట్లు తెలిపారు.
1. ధర్మేంద్ర ప్రధాన్ రాజీనామా చేయాలి.
2. విద్యార్థులపై జరిగిన దాడిలో పాల్గొన్న ప్రతి ఒక్కరినీ జవాబుదారీగా చేయాలి.
3. ప్రధానమంత్రి విద్యార్థులకు క్షమాపణ చెప్పాలి.