Bigg Boss 10 Telugu : బిగ్ బాస్లో జబర్దస్త్ క్రేజీ బ్యూటీ.. ఆఫర్ రావడంపై స్పందించిన గ్లామరస్ క్వీన్.. ఏమన్నారంటే..
జబర్దస్త్ షో ద్వారా తెలుగు ప్రేక్షకులకు దగ్గరైన నటి సత్యశ్రీ, ప్రస్తుతం వెండితెరపై తనదైన ముద్ర వేసుకుంటూ బిజీగా ఉన్నారు. ఈ నేపథ్యంలో, ఆమె ఓ ఇంటర్వ్యూలో తన కెరీర్, వ్యక్తిగత జీవితానికి సంబంధించిన పలు ఆసక్తికర విషయాలను వెల్లడించారు. సత్యశ్రీ గత మూడేళ్లుగా సినీ రంగంలోనే ఎక్కువగా కనిపిస్తున్నారని, టెలివిజన్కు దూరమయ్యారని అడగ్గా… దీనిపై సత్యశ్రీ స్పందిస్తూ, జబర్దస్త్ తర్వాత పలు సినిమాల్లో అవకాశాలు వస్తున్నాయని, అందుకే టెలివిజన్కు తక్కువగా కనిపిస్తున్నానని తెలిపారు. తన కెరీర్ ప్రారంభంలో వచ్చిన ప్రతి అవకాశాన్ని అందిపుచ్చుకున్నానని, అయితే ప్రస్తుతం ఒక నిర్దిష్ట దశలో ఉన్నందున, తన రెప్యూటేషన్, స్వీయ గౌరవాన్ని దృష్టిలో ఉంచుకుని చాలా సెలెక్టివ్గా పాత్రలను ఎంచుకుంటున్నానని ఆమె వివరించారు. “ఈ గ్లామర్ ఉన్నంత వరకే ఏదైనా. ఈ గ్లామర్ ఉన్నంత వరకు కొంచెం చూస్ చేద్దాము అనేది ఉంది” అని ఆమె పేర్కొన్నారు.
రీసెంట్గా విడుదలైన అనగనగా ఒక రాజు చిత్రంలో సత్యశ్రీ మంచి పాత్రలో నటించి ప్రశంసలు అందుకున్నారు. ఈ సందర్భంగా నవీన్ పొలిశెట్టితో స్క్రీన్ షేర్ చేసుకోవడంపై ఆమె తన అభిప్రాయాన్ని పంచుకున్నారు. “నవీన్ పొలిశెట్టి సెట్స్లో కూడా ఫుల్ ఎనర్జీతో ఉంటారు. ఎప్పుడూ పని, పని, పని అనే ధోరణిలో ఉంటారు. 24/7 వర్క్కే ప్రాధాన్యత ఇస్తారు. ప్రతి షాట్ తర్వాత తర్వాతి పనిపైనే దృష్టి సారిస్తారు. ఆయనతో మాట్లాడింది తక్కువ, పనిలో నిమగ్నమై ఉన్నది ఎక్కువ” అని సత్యశ్రీ వివరించారు. నవీన్ శెట్టి పోలిశెట్టి (జాతిరత్నాలు) సినిమాలో తాను ఒక చిన్న పాత్ర చేశానని, అప్పుడే నవీన్ “మీరు కచ్చితంగా ఇంకొక మూవీలో చేద్దురు గానీ” అని చెప్పారని గుర్తు చేసుకున్నారు. ఆయన తన మాటను నిలబెట్టుకుని అనగనగా ఒక రాజులో అవకాశం ఇచ్చినందుకు చాలా సంతోషంగా ఉందని, నవీన్కు ధన్యవాదాలు తెలిపారు.
సత్యశ్రీకి బిగ్బాస్ సీజన్ 10 నుండి ఆఫర్ వచ్చిందని, అయితే ఆమె వెళ్లడం లేదని వస్తున్న వార్తలపై యాంకర్ ప్రశ్నించగా, ఆమె దాన్ని ధృవీకరించారు. “నాకు బిగ్బాస్ నుండి వచ్చిన మాట నిజమే. కానీ, నా కుటుంబ బాధ్యతలన్నీ నేనే చూసుకుంటున్నాను. నా తల్లిదండ్రులను వదిలి అంతకాలం ఇంట్లో ఉండలేను. వారు ఇబ్బంది పడతారనే ఉద్దేశంతోనే ఆ ఆఫర్ను తిరస్కరించాను” అని సత్యశ్రీ స్పష్టం చేశారు. ప్రతి ఒక్కరికీ కుటుంబం ఉంటుందని, అయితే వారిని చూసుకోవడానికి ఇంకొకరు ఉంటారని, కానీ తనకు ఆ పరిస్థితి లేదని ఆమె వివరించారు.
సత్య శ్రీ పోస్ట్..
ఎక్కువ మంది చదివినవి : ఎక్కువ మంది చదివినవి : Srikanth: ఆ సినిమా తర్వాత నా గ్రాఫ్ మొత్తం పడిపోయింది.. చాలా దెబ్బ పడింది.. హీరో శ్రీకాంత్..
