Rahul Gandhi: ‘ప్రభుత్వాన్ని తొలగించండి’ అని పోలీసులు నా చెవిలో చెప్పారు: రాహుల్ గాంధీ

Rahul Gandhi: కాంగ్రెస్ నేత, ప్రతిపక్ష నాయకుడు రాహుల్ గాంధీ ప్రధాని నరేంద్రమోడీ నివాసం ముందు నిరసన సమయంలో జరిగిన ఘటనల గురించి వివరించారు. తనను అక్కడి నుంచి తీసుకెళ్తున్న పోలీసులు, ఈ ప్రభుత్వాన్ని తొలగించాలని తన చెవిలో గుసగుసలాడారని ఆయన అన్నారు. నాతో ప్రవర్తించిన తీరు గురించి నేను ఆందోళన చెందడం లేదని, ప్రభుత్వం నాతో ప్రవర్తించిన దాని కన్నా ఐదు రెట్లు దారుణంగా ప్రవర్తించవచ్చని, కానీ విద్యార్థులపై దృష్టి ఉంచాలని, విద్యార్థుల వ్యవస్థలో మార్పును కోరుతున్నారని అన్నారు. నిన్న నిరసనలో నా నోటి నుంచి రక్తం కారింది. కానీ మేము విద్యార్థుల డిమాండ్లకు అండగా నిలబడ్డామని చెప్పారు.

పోలీసులు తనను కొద్దిగా ఈడ్చుకెళ్లిన మాట నిజమేనని, అయితే వారు తన చెవిలో ఈ ప్రభుత్వాన్ని తొలగించాలని గుసగుసలాడారని ఆయన అన్నారు. పోలీసులు నిజంగానే తనతో ఇలా అన్నారని, రాజస్థాన్, హర్యానాకు చెందిన పోలీసులు తనతో ఇలా అన్నారని, తాము కేవలం యూనిఫాం మాత్రమే ధరించామని చెప్పారని వెల్లడించారు. పోలీసుల మధ్య కూడా ఇలాంటి వాతావరణమే ఉందని అన్నారు. విద్యార్థులపై జరిగే ఘటనలతో పోలీసుల సంతోషంగా లేరని రాహుల్ గాంధీ అన్నారు. విద్యార్థుల్లో పోలీసులు తమ సొంత పిల్లల్ని చూసుకుంటున్నారని అన్నారు.