Viral Video: బాలుడితో కలిసి కార్టూన్లు చూసిన పాము..? ఒళ్ళు గగుర్పాటుకు గురి చేస్తున్న వీడియో..!
సోషల్ మీడియాలో రోజూ ఎన్నో ఆశ్చర్యకరమైన వీడియోలు వైరల్ అవుతుంటాయి. అయితే తాజాగా వెలుగులోకి వచ్చిన ఒక వీడియో మాత్రం నెటిజన్లను తీవ్ర ఆశ్చర్యానికి గురిచేస్తోంది. ఓ చిన్నారి మంచంపై హాయిగా మొబైల్లో కార్టూన్లు చూస్తుండగా, అతని పక్కనే ఒక పెద్ద పాము ప్రశాంతంగా పడుకుని కనిపించడం ఈ వీడియోలో కనిపిస్తోంది. ఈ దృశ్యం చూసినవారంతా ఒక్కసారిగా ఉలిక్కిపడుతున్నారు.
వైరల్ అవుతున్న వీడియోలో సుమారు 7 నుంచి 8 ఏళ్ల వయస్సు గల బాలుడు తన బెడ్రూమ్లో దిండుకు ఆనుకుని మొబైల్ ఫోన్లో కార్టూన్లు చూస్తున్నాడు. ఆశ్చర్యకరమైన విషయం ఏమిటంటే, అతని పక్కనే ఒక పెద్ద పాము కూడా మంచంపై ఉండి, ఫోన్ వైపు చూస్తున్నట్లుగా కనిపిస్తోంది. వీడియోను చూసిన చాలామంది తొలుత భయాందోళనకు గురయ్యారు. మరింత ఆశ్చర్యపరిచే విషయం ఏమిటంటే, బాలుడి కుటుంబ సభ్యులు ఈ దృశ్యాన్ని చూసి భయపడకుండా వీడియో రికార్డ్ చేస్తున్నారు. వీడియోలో ఎవరూ ఆ పామును అక్కడి నుంచి దూరంగా తీసుకెళ్లడానికి ప్రయత్నించలేదు. దీంతో ఈ వీడియోపై సోషల్ మీడియాలో పెద్ద ఎత్తున చర్చ జరుగుతోంది.
అయితే సోషల్ మీడియాలో వచ్చిన సమాచారం ప్రకారం, వీడియోలో కనిపిస్తున్న పాము విషపూరితమైనది కాదని, పెంపుడు పాముగా భావిస్తున్నారు. అయినప్పటికీ, పాములతో చిన్నారులను ఇంత దగ్గరగా ఉంచడం ప్రమాదకరమేనని పలువురు హెచ్చరిస్తున్నారు. జంతువుల ప్రవర్తన ఎప్పుడు ఎలా మారుతుందో చెప్పలేమని, ఇలాంటి చర్యలను అనుకరించకూడదని నిపుణులు సూచిస్తున్నారు.
ఈ వీడియోను montosh__stories అనే ఇన్స్టాగ్రామ్ ఖాతా షేర్ చేయగా, లక్షలాది మంది వీక్షించారు. వేలాది మంది లైక్ చేయడంతో పాటు వివిధ రకాల కామెంట్లు చేస్తున్నారు. “ఒక్క కాటు చాలు.. జీవితం మొత్తం మారిపోతుంది”, “ఓగ్గీ కార్టూన్ పాములకు కూడా నచ్చినట్టుంది”, “ఇది సరదా కాదు.. చాలా ప్రమాదకరం” అంటూ పలువురు స్పందించారు. అయితే ఈ వీడియో ఎక్కడ, ఎప్పుడు చిత్రీకరించబడిందనే విషయం స్వతంత్రంగా ధృవీకరించలేదు. అలాగే వీడియోలో కనిపిస్తున్న పాము నిజంగా పెంపుడు పామేనా, అది విషపూరిత జాతికి చెందినదా అనే అంశాలపై కూడా అధికారిక సమాచారం లేదు.
ఈ ఘటన మరోసారి సోషల్ మీడియా వైరల్ కంటెంట్ను జాగ్రత్తగా చూడాల్సిన అవసరాన్ని గుర్తు చేస్తోంది. నిపుణుల సూచనల ప్రకారం, పాములు లేదా ఇతర అడవి జంతువులతో పిల్లలను దగ్గరగా ఉంచడం ప్రమాదకరం కావచ్చు. కాబట్టి ఇలాంటి వీడియోలను వినోదంగా కాకుండా, భద్రత పరంగా అప్రమత్తతతో చూడాలని నిపుణులు సూచిస్తున్నారు.
వైరల్ వీడియోను ఇక్కడ చూడండి..
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
