గండిపేట, వెలుగు: రాజీవ్గాంధీ అంతర్జాతీయ విమానాశ్రయంలో బుల్లెట్లభ్యమైన ఘటన కలకలం రేపింది. మంగళవారం కోల్కతా మీదుగా శంషాబాద్ విమానాశ్రయం నుంచి రియాద్కు వెళ్లేందుకు సిద్ధమైన ఇండిగో విమాన ప్రయాణికుడి లగేజీని జీఎంఆర్ భద్రతా సిబ్బంది తనిఖీ చేశారు. అందులో బుల్లెట్కనిపించడంతో ఎయిర్పోర్ట్ సెక్యూరిటీ అధికారులు స్వాధీనం చేసుకున్నారు. అనంతరం సదరు ప్రయాణికుడిని శంషాబాద్ ఎయిర్పోర్ట్ అవుట్పోస్ట్ పోలీసులకు అప్పగించారు. బుల్లెట్ ప్రయాణికుడి లగేజీలోకి ఎలా వచ్చిందనే కోణంలో కేసు దర్యాప్తు చేస్తున్నట్లు పోలీసులు పేర్కొన్నారు.