Who Is T.T.V. Namboori: ఆసియా క్రీడల్లో భాగంగా భారత్, శ్రీలంక జట్ల మధ్య జరిగిన కీలకమైన సెమీఫైనల్ మ్యాచ్‌‌తో పాటు మరో ఆసక్తికర అంశం తెరపైకి వచ్చింది. మైదానంలో ఆటగాళ్ల ప్రదర్శన కంటే బ్రాడ్‌కాస్టర్ చూపించిన స్కోర్‌బోర్డ్ గ్రాఫిక్స్ అందరి దృష్టిని ఆకర్షించాయి. సాధారణంగా క్రికెట్ ప్రపంచంలో సుపరిచితమైన షార్ట్ నేమ్స్‌‌తో కనిపించే ఆటగాళ్లు, ఈ టోర్నమెంట్‌లో మాత్రం పూర్తిగా కొత్త పేర్లతో దర్శనమిచ్చారు.
ఎవరు ఈ టీటీవీ నంబూరి?
భారత యువ బ్యాటర్ తిలక్ వర్మ పేరు స్క్రీన్ పై T.T.V Namboori అని కనిపించడంతో అభిమానులు ఒక్కసారిగా కన్ఫ్యూజన్‌కు గురయ్యారు. అసలు ఈ కొత్త ఆటగాడు ఎవరంటూ సోషల్ మీడియా వేదికగా నెటిజన్లు రకరకాల ప్రశ్నలు లేవనెత్తారు. తిలక్ వర్మ పూర్తి పేరు నంబూరి ఠాకూర్ తిలక్ వర్మ కాగా, ఆసియా క్రీడల నిబంధనల ప్రకారం పాస్‌పోర్ట్ లేదా అధికారిక రిజిస్ట్రేషన్ పేర్లను ప్రదర్శించడంతో ఈ గందరగోళం తలెత్తింది.
మరికొంత మంది ఆటగాళ్ల పేర్లలో మార్పులు
కేవలం తిలక్ వర్మ మాత్రమే కాకుండా మరికొందరు భారతీయ ఆటగాళ్ల పేర్లు కూడా ఇలాగే భిన్నంగా ప్రదర్శించబడ్డాయి. వికెట్ కీపర్ బ్యాటర్ సంజు శాంసన్ పేరు ఎస్ విశ్వనాథ్ తరహాలో అధికారిక డాక్యుమెంట్ల పేర్లతో స్కోర్‌బోర్డ్‌లో కనిపించాడు. ఒలింపిక్స్, ఆసియా క్రీడలు అలాగే కామన్వెల్త్ గేమ్స్ వంటి మల్టీ-స్పోర్ట్స్ ఈవెంట్లలో అంతర్జాతీయ ఒలింపిక్ కమిటీ నిబంధనల ప్రకారం అథ్లెట్ల పూర్తి అధికారిక పేర్లనే వాడాల్సి ఉంటుంది.
Very unique name format at Asian Games!
Guess who is S. Vishwanadh & T.T.V Namboori?
pic.twitter.com/nlLbdix2ft
— The Khel India (@TheKhelIndia) October 1, 2026
సోషల్ మీడియాలో వైరల్ అవుతున్న మీమ్స్
మైదానంలో ఆటగాళ్ల మెరుపు ఇన్నింగ్స్‌ల కంటే సోషల్ మీడియాలో ఈ పేర్ల మార్పు గురించే ఎక్కువగా చర్చ జరుగుతోంది. అభిమానులు ఈ విచిత్రమైన పేర్లను స్క్రీన్‌షాట్లు తీసి ఫన్నీ కామెంట్లు, మీమ్స్‌తో తెగ ట్రెండ్ చేస్తున్నారు. ఏది ఏమైనప్పటికీ, ఈ టోర్నమెంట్‌లో భారత్ ఫైనల్ పోరుకు దూసుకుపోతున్న వేళ ఈ కొత్త నామకరణం మాత్రం నెట్టింట నవ్వులు పూయిస్తోంది.
మరిన్ని క్రికెట్ వార్తల కోసం ఇక్కడ క్లిక్ చేయండి..