ఐకాన్ స్టార్ అల్లు అర్జున్ పేరు చెప్పగానే ముందుగా గుర్తొచ్చేది స్టైలిష్ యాక్టింగ్, మాస్ క్రేజ్, ‘పుష్ప’ మ్యానరిజమ్స్. కానీ ఇప్పుడు బన్నీ మరో కొత్త దిశగా అడుగులు వేస్తున్నాడు. హీరోగా తనకంటూ ఓ ప్రత్యేక సామ్రాజ్యాన్ని నిర్మించుకున్న అల్లు అర్జున్.. ఇక సినిమాలకు మాత్రమే పరిమితం కాకుండా బిజినెస్, ఎంటర్‌టైన్‌మెంట్ రంగాల్లోనూ తన మార్క్ చూపించేందుకు సిద్ధమవుతున్నట్లు కనిపిస్తోంది.
అక్టోబర్ 1న తన తాత, లెజెండరీ నటుడు అల్లు రామలింగయ్య జయంతి సందర్భంగా అల్లు అర్జున్ సోషల్ మీడియాలో ఓ ఆసక్తికరమైన ప్రకటన చేశాడు. కుటుంబ సభ్యులతో కలిసి కొత్త ఆఫీస్‌లో దిగిన ఫొటోను షేర్ చేస్తూ.. “ICONZA. కొత్త ఆఫీస్. కొత్త ప్రారంభం. మా తాతయ్య అల్లు రామలింగయ్య గారి జయంతి వేళ ఒక నయా చాప్టర్ మొదలైంది” అని పోస్ట్ చేశారు.
ప్రస్తుతం ఈ పోస్ట్ సోషల్ మీడియాలో వైరల్ అవుతోంది. ఇండస్ట్రీలో అసలు చర్చ మొదలైంది. ICONZA అంటే ఏంటి? దీని వెనుక బన్నీ ప్లాన్ ఏమిటి? ప్రొడక్షన్‌నా? బ్రాండింగ్‌నా? ఎంటర్‌టైన్‌మెంట్ బిజినెస్‌నా? లేక భవిష్యత్‌లో మరిన్ని కొత్త రంగాల్లోకి అడుగుపెట్టే వేదికనా? అనే ఆసక్తి అభిమానుల్లో పెరిగిపోయింది. అయితే ICONZA కార్యకలాపాలపై అల్లు అర్జున్ ఇప్పటివరకు పూర్తి వివరాలు వెల్లడించలేదు. దీంతో ఈ కొత్త ఆఫీస్ చుట్టూ ఊహాగానాలు మరింత ఆసక్తిని పెంచుతున్నాయి.
ఇప్పటికే అల్లు సినిమాస్ (AAA Cinemas) వంటి బిజినెస్ వెంచర్లతో వ్యాపారవేత్తగానూ దూసుకుపోతున్న బన్నీ.. ఈ కొత్త ICONZA ద్వారా ఏం ప్లాన్ చేస్తున్నారనేది ప్రస్తుతం ఫిలింనగర్‌లో హాట్ టాపిక్‌గా మారింది. మరోవైపు ఇది అల్లు కుటుంబ వారసత్వానికి కూడా ప్రత్యేకమైన సందర్భం. తాత అల్లు రామలింగయ్య నటుడిగా, తండ్రి అల్లు అరవింద్ నిర్మాతగా తెలుగు సినీ పరిశ్రమలో చెరగని ముద్ర వేశారు. ఇప్పుడు అల్లు అర్జున్ తనదైన స్టైల్‌లో ఆ వారసత్వాన్ని మరింత విస్తరించే ప్రయత్నం చేస్తున్నాడని చర్చ నడుస్తోంది.
ICONZA
A new office. A new beginning.
On the birth anniversary of my grandfather, Allu Ramalingaiah garu.The start of a new chapter. 🖤#ICONZA #ARG pic.twitter.com/vK9KyvVrso
— Allu Arjun (@alluarjun) October 1, 2026