Aditya Dhar: నేషనల్ అవార్డ్స్లో ప్రియమణి మూవీ ప్రభంజనం.. ధురంధర్ డైరెక్టర్ ఆదిత్య ధర్ ఎమోషనల్ పోస్ట్
ప్రతిష్ఠాత్మక 72వ జాతీయ చలనచిత్ర అవార్డుల్లో (National Film Awards) బాలీవుడ్ పొలిటికల్ యాక్షన్ థ్రిల్లర్ ‘ఆర్టికల్ 370’ క్లీన్ స్వీప్ చేసింది. నిన్న శనివారం (జూలై 18, 2026న) ప్రకటించిన ఈ అవార్డుల్లో ఈ చిత్రం ఏకంగా 3 కీలక కేటగిరీల్లో నేషనల్ అవార్డ్స్ కొల్లగొట్టి సోషల్ మీడియాలో ట్రెండింగ్గా నిలిచింది. ఈ ఆర్టికల్ 370 మూవీలో ప్రదర్శించిన అద్భుత నటనకు గాను యామీ గౌతమ్ ఈ ప్రతిష్ఠాత్మక అవార్డును దక్కించుకున్నారు. ఈ సందర్భంగా యామీ గౌతమ్ భర్త ధురంధర్ డైరెక్టర్ ఆదిత్య ధర్ ఇంట్రెస్టింగ్ ట్వీట్ చేశారు.
ఎమోషనల్ అయిన ఆదిత్య ధర్
ఈ బిగ్ విక్టరీపై సినిమా ప్రొడ్యూసర్, యామీ గౌతమ్ భర్త ఆదిత్య ధర్ స్పందిస్తూ ఎమోషనల్ అయ్యారు.‘‘మేము అవార్డుల కోసం ఈ సినిమా తీయలేదు. దేశ చరిత్రలోని ఒక మైలురాయి లాంటి ఘట్టాన్ని పూర్తి నిజాయతీతో స్క్రీన్పైకి తేవాలనుకున్నాం. ఈ 3 జాతీయ అవార్డులు రావడం మా బాధ్యతను మరింత పెంచింది’’అని అన్నారు.
మరోవైపు, ఈ క్రేజీ థ్రిల్లర్ను హ్యాండిల్ చేసిన డైరెక్టర్ ఆదిత్య సుహాస్ జాంభలేకు ఇది కెరీర్లో 3వ జాతీయ అవార్డు కావడం విశేషం. మన దేశ చరిత్రలో నిలిచిపోయే ఒక అధ్యాయాన్ని పర్ఫెక్ట్ సినిమాటిక్ ఎక్స్పీరియన్స్తో అందించినందుకు గర్వంగా ఉందంటూ జాంభలే హర్షం వ్యక్తం చేశారు.
జియో స్టూడియోస్ ప్రెసిడెంట్ జ్యోతి దేశ్పాండే, కో-ప్రొడ్యూసర్ లోకేష్ ధర్ ఈ సక్సెస్ను ఎంజాయ్ చేస్తున్నారు. అరుణ్ గోవిల్, కిరణ్ కర్మార్కర్ వంటి సీనియర్ కాస్టింగ్తో వచ్చిన ఈ చిత్రం ఇప్పుడు నేషనల్ వైడ్గా టాక్ ఆఫ్ ది టౌన్గా మారింది.
‘ఆర్టికల్ 370’ ఖాతాలో పడిన అవార్డులు ఇవే:
- ఉత్తమ ఫీచర్ ఫిల్మ్ (Best Feature Film)
- ఉత్తమ నటి (Best Actress) – యామీ గౌతమ్
- ఉత్తమ సంగీత దర్శకుడు (Best Music Director) – శాశ్వత్ సచ్దేవ్
బాక్సాఫీస్ తర్వాత.. ఇప్పుడు నేషనల్ లెవెల్ రికార్డ్!
జమ్మూ కాశ్మీర్ ప్రత్యేక హోదా రద్దు నేపథ్యంలో జరిగిన యథార్థ సంఘటనల ఆధారంగా వచ్చిన ఈ సినిమా, థియేటర్లలోనే కాకుండా ఇప్పుడు అవార్డుల రేసులోనూ దుమ్మురేపింది. టాలీవుడ్ సీనియర్ హీరోయిన్ ప్రియమణి ఇందులో పవర్ఫుల్ గవర్నమెంట్ ఆఫీసర్ రోల్ ప్లే చేయడంతో సౌత్లోనూ ఈ సినిమాకు విపరీతమైన క్రేజ్ వచ్చింది.
‘ఆర్టికల్ 370’ సినిమా కథ:
ఈ చిత్రం 2019లో భారత ప్రభుత్వం జమ్మూ కాశ్మీర్కు ఉన్న ప్రత్యేక హోదాను (ఆర్టికల్ 370) రద్దు చేసిన యథార్థ రాజకీయ, సామాజిక సంఘటనల ఆధారంగా తెరకెక్కిన పొలిటికల్ యాక్షన్ థ్రిల్లర్.
కశ్మీర్లో ఉగ్రవాదం, స్థానిక రాజకీయ నాయకుల అవినీతి, పక్క దేశాల నుంచి వచ్చే నిధుల వల్ల అక్కడ శాంతిభద్రతలు పూర్తిగా క్షీణిస్తాయి. ఈ పరిస్థితులను అణచివేయడానికి ఇంటెలిజెన్స్ ఆఫీసర్ జూనీ (యామీ గౌతమ్) తీవ్రంగా శ్రమిస్తుంది. కానీ ఒక ఎన్కౌంటర్ వివాదాస్పదం కావడంతో ఆమెను ఢిల్లీకి బదిలీ చేస్తారు.
పీఎంఓ ప్లాన్: కశ్మీర్ సమస్యకు శాశ్వత పరిష్కారం చూపాలని ప్రధానమంత్రి కార్యాలయం (PMO) భావిస్తుంది. పీఎంఓ జాయింట్ సెక్రటరీ రాజేశ్వరి సచ్దేవ్ (ప్రియమణి) ఈ బాధ్యతను తీసుకుంటుంది. కశ్మీర్లో లోకల్ నెట్వర్క్, అక్కడి పరిస్థితులపై పూర్తి అవగాహన ఉన్న జూనీ (యామీ గౌతమ్)ను రాజేశ్వరి మళ్లీ ఎంపిక చేసి, కశ్మీర్లో ఒక రహస్య విభాగానికి హెడ్గా నియమిస్తుంది.
మిషన్ ‘ఆర్టికల్ 370’: ఆర్టికల్ 370ని రద్దు చేయడం అంత సులువు కాదు. దానికి చట్టపరమైన చిక్కులు, స్థానిక నాయకుల నుండి తీవ్ర వ్యతిరేకత, పెద్ద ఎత్తున రక్తపాతం జరిగే ప్రమాదం ఉంటుంది. ఈ నేపథ్యంలో, ఎలాంటి అల్లర్లు జరగకుండా స్థానిక అవినీతి నాయకులను, ఉగ్రవాదులకు ఫండింగ్ చేసే నెట్వర్క్ను జూనిీ అండ్ టీమ్ ఎలా గుట్టుచప్పుడు కాకుండా అదుపులోకి తీసుకుంది?
క్లైమాక్స్: మరోవైపు ఢిల్లీలో రాజేశ్వరి సచ్దేవ్ (ప్రియమణి) అత్యంత చాకచక్యంగా చట్టపరమైన వ్యూహాలు రచిస్తూ, పార్లమెంట్లో ఈ బిల్లును ఎలా పాస్ చేయించారు? చివరకు ఎలాంటి హింసకు తావులేకుండా ఆర్టికల్ 370ని ఎలా రద్దు చేశారు? అనేదే ఈ సినిమా పూర్తి కథ.
ఓవరాల్గా చెప్పాలంటే: దేశ భద్రత కోసం ఒక ఇంటెలిజెన్స్ ఆఫీసర్ (యామీ గౌతమ్) గ్రౌండ్ లెవెల్లో చేసిన పోరాటం, ఒక ఐఏఎస్ ఆఫీసర్ (ప్రియమణి) ఢిల్లీ స్థాయిలో నడిపిన మైండ్ గేమ్ల సమాహారమే ఈ ‘ఆర్టికల్ 370’.
