Meta Layoff: ఫేస్బుక్, ఇన్స్టాగ్రామ్ మాతృసంస్థ ‘‘మెటా’’ మరోసారి భారీ స్థాయిలో లేఆఫ్స్కు సిద్ధమవుతున్నట్లు తెలుస్తోంది. ఆర్టిఫిషియల్ ఇంటెలిజెన్స్ (AI)పై భారీగా పెట్టుబడులు పెట్టడానికి, సంస్థలో పని చేస్తున్న సుమారు 10 శాతం ఉద్యోగుల్ని తొలగించనున్నట్లు ప్రకటించింది. ఈ నిర్ణయంతో దాదాపుగా 8000 మంది ఉద్యోగాలు కోల్పోతారు. ఉద్యోగాల కోతలు మే 20 నుంచి అమలులోకి వస్తాయని కంపెనీ ఉద్యోగులకు పంపిన మెమోల్లో పేర్కొంది.
Read Also: PSL 2026: పాకిస్థాన్కు బంగ్లాదేశ్ గట్టి దెబ్బ.. లీగ్ మధ్యలోనే ముస్తఫిజుర్ రెహమాన్ తొలగింపు
ఇదిలా ఉంటే, ఈ లేఆఫ్స్ మాత్రమే కాకుండా కొత్తగా భర్తీ చేయాలని భావించిన సుమారు 6000 ఖాళీలను కూడా భర్తీ చేయకుండా నిలిపేసింది. ఒక్క మెటా మాత్రమే కాదు, అన్ని దిగ్గజ టెక్ కంపెనీలు ఏఐపై పెద్ద ఎత్తున పెట్టుబడులు పెడుతుండటంతో, ఖర్చులను తగ్గించుకునే ఉద్దేశంతో ఉద్యోగులకు ఉద్వాసన పలుకుతున్నాయి. మెటా సీఈఓ మార్క్ జుకర్బర్గ్ ఏఐ టెక్నాలజీపై భారీ స్థాయిలో ఖర్చు చేస్తున్న నేపథ్యంలో ఈ కోతల నిర్ణయం తీసుకున్నట్లు తెలుస్తోంది. లార్జ్ లాంగ్వేజ్ మోడల్స్(ఎల్ఎల్ఎం), చాట్బాట్స్ వంటి ఏఐ ఫీచర్ల డెవలప్మెంట్ కోసం కంపెనీ ఖర్చు చేస్తోంది. మరోవైపు, ఉద్యోగులు కోడ రాయడంలో ఏఐ టూల్స్ ఉపయోగించాలని ఇప్పటికే కంపెనీ సూచించింది.