Lakshya Raichandani Century: ఆస్ట్రేలియా అండర్-19 (Australia U19)తో రాజ్కోట్లో జరుగుతున్న యూత్ టెస్టులో భారత అండర్-19 జట్టు (India U19) తొలి ఇన్నింగ్స్లో ఆధిక్యం సాధించే దిశగా సాగుతోంది. ఈ ఆధిక్యంలో 17 ఏళ్ల లక్ష్య్ రాయ్చందానీ (Lakshya Raichandani) సెంచరీ కీలక పాత్ర పోషించింది. ఆస్ట్రేలియా యువ జట్టు తొలి ఇన్నింగ్స్ 217 పరుగుల వద్ద ముగియగా, భారత్ బ్యాటింగ్లో లక్ష్య్ మరోసారి తన ఫామ్ను చాటాడు. 141 బంతులు ఎదుర్కొని సెంచరీ పూర్తి చేశాడు. ఈ క్రమంలో 12 ఫోర్లు, 2 సిక్సర్లు బాదాడు. అండర్-19 టెస్టు కెరీర్లో అతడికి ఇది మూడో శతకం కావడం గమనార్హం. గత నాలుగు ఇన్నింగ్స్లను లెక్కిస్తే మూడో సెంచరీ కావడం విశేషం. ఇప్పటికే శ్రీలంక పర్యటనలో రెండు శతకాలు సాధించిన లక్ష్య్, ఇప్పుడు ఆస్ట్రేలియాపై కూడా అదే జోరును కొనసాగించాడు. భారత్ తొలి ఇన్నింగ్స్లో 300కుపైగా పరుగులు చేసే స్థితిలో కనిపిస్తోంది. దీంతో మ్యాచ్పై భారత జట్టు పట్టు మరింత బలపడింది.
లక్ష్య్కు ఇది భారత్ గడ్డపై అండర్-19 టెస్టుల్లో తొలి శతకం. ఆస్ట్రేలియాతో జరిగిన ఈ మ్యాచ్లోనే అతడు ఈ ఘనత అందుకున్నాడు. అతడి మూడు టెస్టు సెంచరీల్లో ఒకటి డబుల్ సెంచరీ కావడం మరో ప్రత్యేకత.
ఈ ఏడాది జులైలో శ్రీలంక పర్యటనకు వెళ్లిన భారత అండర్-19 జట్టులో లక్ష్య్ కీలక ఇన్నింగ్స్లు ఆడాడు. అక్కడ జరిగిన యూత్ టెస్టుల్లో మూడు ఇన్నింగ్స్లు ఆడిన అతడు రెండింటిలో సెంచరీలు నమోదు చేశాడు. ఇప్పుడు ఆస్ట్రేలియా అండర్-19తో తన తొలి యూత్ టెస్టులోనూ శతకం సాధించాడు.
మరోవైపు మ్యాచ్ పరిస్థితిని చూస్తే ఆస్ట్రేలియా తొలి ఇన్నింగ్స్లో 217 పరుగులకే పరిమితమైంది. భారత బ్యాటింగ్ దానికి బలమైన సమాధానంగా మారింది. లక్ష్య్ శతకంతో స్కోరు 300కు చేరువ కావడంతో తొలి ఇన్నింగ్స్ ఆధిక్యం భారత్ చేతికి వచ్చింది.
ఎక్కువమంది చదివినది: టాస్ కూడా పడకుండానే ముగిసిన మ్యాచ్.. నేరుగా సెమీస్లోకి భారత్
సెప్టెంబర్ 27న మొదలైన ఈ నాలుగు రోజుల యూత్ టెస్టుకు సెప్టెంబర్ 30తో ముగింపు పలకనున్నారు. ప్రస్తుతం రెండో రోజు ఆట కొనసాగుతోంది. తొలి ఇన్నింగ్స్లో ఆధిక్యం సాధించిన భారత యువ జట్టు ఈ స్థితిని మ్యాచ్ విజయంగా మలుస్తుందా అనేది మిగిలిన ఆటలో చూడాలి.
మరిన్ని క్రీడా వార్తల కోసం ఇక్కడ క్లిక్ చేయండి..!