మరో రెండు రోజుల్లో మోస్ట్ అవైటెడ్ మూవీ ‘ది ప్యారడైజ్’ థియేటర్లలోకి రాబోతోంది. రిలీజ్కు ముందు సినిమాపై అంచనాలు భారీగా పెరుగుతున్న వేళ.. సోషల్ మీడియాలో కొన్ని పోస్టులు, కామెంట్ల రూపంలో నెగెటివ్ ప్రచారం జరుగుతోందంటూ నిర్మాతలు కోర్టును ఆశ్రయించారు. తమ సినిమాకు నష్టం కలిగించేలా allegedly false, defamatory కంటెంట్ ప్రచారం చేస్తున్నారని నిర్మాతలు పేర్కొనడంతో.. బెంగళూరు కోర్టు దీనిపై స్పందించి కీలక మధ్యంతర ఉత్తర్వులు జారీ చేసింది. దీంతో ‘ది ప్యారడైజ్’ రిలీజ్కు ముందు ఈ కోర్టు ఆర్డర్ ఇప్పుడు టాక్ ఆఫ్ ది టౌన్గా మారింది.
నెగటివ్ ప్రచారం.. కోర్టు ఆంక్షలు
ఆగస్టు 6న టీజర్ రిలీజ్ అయినప్పటి నుంచి కొందరు కావాలనే సోషల్ మీడియాలో నెగెటివ్ కంటెంట్ ప్రచారం చేస్తున్నారని నిర్మాతలు గుర్తించారు. అలా సినిమాపై సోషల్ మీడియాలో వైరల్ అవుతున్న కొన్ని పోస్టులు, కామెంట్లు, యూఆర్ఎల్స్పై నిర్మాత సుధాకర్ చెరుకూరి బెంగళూరులోని సిటీ సివిల్ అండ్ సెషన్స్ కోర్టులో పిటిషన్ దాఖలు చేశారు.
సినిమాలో పెట్టుబడులు, ప్రమోషన్స్, డిస్ట్రిబ్యూషన్పై ప్రభావం పడేలా కొన్ని కంటెంట్లు ఉన్నాయని నిర్మాతలు కోర్టు దృష్టికి తీసుకెళ్లారు. సెప్టెంబర్ 19న అదనపు సిటీ సివిల్ అండ్ సెషన్స్ జడ్జి ఈ పిటిషన్పై మధ్యంతర ఉత్తర్వులు జారీ చేశారు. గుర్తించిన కొన్ని కంటెంట్లు, యూఆర్ఎల్స్ను హోస్ట్ చేయడం, ప్రచురించడం, ట్రాన్స్మిట్ చేయడం లేదా మళ్లీ అందుబాటులోకి తీసుకురావడంపై కోర్టు ఆంక్షలు విధించింది.
అయితే ఇది ‘ది ప్యారడైజ్’పై వచ్చే ప్రతి రివ్యూ లేదా విమర్శను ఆపే ఆర్డర్ కాదు. నిర్మాతలు కేసులో ప్రత్యేకంగా పేర్కొన్న కంటెంట్కే ఈ ఇంజంక్షన్ వర్తిస్తుంది. అలాగే ఈ మధ్యంతర ఉత్తర్వులు సినిమా రిలీజ్ వరకే కాకుండా తదుపరి విచారణ వరకు మాత్రమే అమల్లో ఉంటాయి. తదుపరి విచారణ అక్టోబర్ 28న జరగనుంది.
#TheParadise Court Order:
• Court has granted a temporary injunction against identified DEFAMATORY CONTENT circulating online.
• Genuine reviews, opinions and criticism are not covered by the order.
• The restrictions apply specifically to the identified DEFAMATORY CONTENT,… pic.twitter.com/Kg4w5EeFaG
— Movies4u Official (@Movies4u_Officl) September 21, 2026
‘టాక్సిక్’ తర్వాత.. ఇప్పుడు ‘ది ప్యారడైజ్’!
బెంగళూరు కోర్టులో ఇలాంటి పరిణామం ఎదుర్కొంటున్న మరో భారీ సినిమా ‘టాక్సిక్’. యష్ నటించిన ఆ సినిమాకు కూడా విడుదలకు ముందు allegedly defamatory కంటెంట్పై కోర్టు నుంచి ఇంజంక్షన్ లభించింది. ఇప్పుడు అదే తరహాలో నాని ‘ది ప్యారడైజ్’ విషయంలోనూ కోర్టు జోక్యం చేసుకోవడం ఇండస్ట్రీలో చర్చనీయాంశంగా మారింది.
బాక్సాఫీస్పై మాత్రం భారీ హైప్!
కోర్టు వ్యవహారం ఒకవైపు సాగుతుండగా.. ‘ది ప్యారడైజ్’ అడ్వాన్స్ బుకింగ్స్ మాత్రం ట్రెండింగ్లోకి వచ్చాయి. ప్రముఖ నివేదికల ప్రకారం, విడుదలకు ముందే మొదటి నాలుగు రోజులకు కలిపి అడ్వాన్స్ సేల్స్ రూ.7 కోట్ల మార్క్ను దాటాయి. సుమారు 72 వేల టికెట్లు ఇప్పటికే అమ్ముడైనట్లు ఇండస్ట్రీ ట్రాకింగ్ డేటా వెల్లడించింది.
సాక్నిల్క్ ట్రాకింగ్ ప్రకారం సెప్టెంబర్ 22 నాటికి మొదటి రోజు అడ్వాన్స్ బుకింగ్స్లోనే భారీ స్పందన కనిపిస్తోంది. బ్లాక్ సీట్లు మినహాయిస్తే డే-1లో 58 వేలకుపైగా టికెట్లు అమ్ముడై, రూ.1.25 కోట్లకు పైగా గ్రాస్ నమోదైనట్లు ట్రాకింగ్ డేటా చెబుతోంది. బ్లాక్ సీట్లతో కలిపి మొదటి నాలుగు రోజుల ప్రీ-సేల్స్ రూ.7.82 కోట్లకు చేరినట్లు మరో తాజా అప్డేట్ పేర్కొంది.
హైదరాబాద్లోనే బుకింగ్స్ జోరు
‘ది ప్యారడైజ్’ అడ్వాన్స్ బుకింగ్స్లో హైదరాబాద్ కీలకంగా కనిపిస్తోంది. సాక్నిల్క్ డేటా ప్రకారం డే-1 బుకింగ్స్లో హైదరాబాద్ నుంచి భారీ ప్రీ-సేల్స్ నమోదయ్యాయి. దీంతో నాని కెరీర్లోనే ఇది మరో బిగ్ ఓపెనింగ్గా నిలుస్తుందా అనే ఆసక్తి పెరుగుతోంది. అమెరికాలోనూ సినిమా అడ్వాన్స్ బుకింగ్స్ మంచి వేగంతో సాగుతున్నాయి. బుకింగ్స్ ఓపెన్ అయిన కొద్ది గంటల్లోనే నార్త్ అమెరికాలో $100K ప్రీ-సేల్స్ దాటినట్లు టాక్.
రూ.50 కోట్ల ఓపెనింగ్పై అంచనాలు
‘ది ప్యారడైజ్’కు అడ్వాన్స్ బుకింగ్స్ ఇస్తున్న బజ్ నేపథ్యంలో తొలి రోజు ప్రపంచవ్యాప్తంగా సుమారు రూ.50 కోట్ల ఓపెనింగ్ లక్ష్యంగా కనిపిస్తోందని సినీ వర్గాలు వెల్లడించాయి. అయితే ఇది అధికారిక బాక్సాఫీస్ కలెక్షన్ కాదు.. ప్రస్తుత బుకింగ్స్, మార్కెట్ ట్రెండ్ ఆధారంగా వస్తున్న అంచనా మాత్రమే.
‘దసరా’ తర్వాత నాని–శ్రీకాంత్ ఓదెల కాంబినేషన్పై ఉన్న క్రేజ్, భారీ యాక్షన్ డ్రామా, అనిరుధ్ రవిచందర్ సంగీతం, వరుస ప్రమోషన్స్తో ‘ది ప్యారడైజ్’పై హైప్ పీక్స్కు చేరింది. ఇప్పుడు ఈ హైప్ థియేటర్లలో ఎలాంటి ఓపెనింగ్గా మారుతుందన్నదే ఆసక్తికరంగా మారింది.