తాజాగా మెగాస్టార్ ఫాన్స్ తో జరిగిన ఓ సమావేశంలో చిరంజీవి ఎమోషనల్ అయ్యి, ఎమోషనల్ కామెంట్స్ చేశారు. నా విషయానికి వస్తే, నాకు అవమానాలు లేకుండా ఉన్నాయి అనుకుంటున్నారా? ఇదే బ్లడ్ కి సంబంధించిన మాట వస్తే, “బ్లడ్ అమ్ముకున్నాడు” అనుకుంటారు. మీరు చెప్పండి, నాకు వచ్చే రెమ్యునరేషన్ తో పోల్చుకుంటే, ఎన్ని కోట్ల ప్యాకెట్లు అమ్మితే నాకు ఆ డబ్బుతో సమానం? చెప్పండి. అది ఎంత ఫూలిష్నెస్! వాళ్ళు అనే మాట… ఎక్కడా బయట చేయి చాచి, ఎక్కడా డొనేషన్స్ తీసుకోకుండా, నా కష్టార్జితం తోటి నేను ఈరోజు బ్లడ్ బ్యాంక్ నడుపుతున్నాను. దాని వెనకాల నేను పెట్టేది కొంత, కానీ మీరు సహకరించేది ఎంతో! వీటిని వెలకట్టగలమా మనం? అందుకని అలాంటి వాటిల్ని పట్టించుకోకూడదు, నేను పట్టించుకోను అని అన్నారు. అది అదృష్టం అని కొంతమందికి కుదురుతుంది, కొంతమందికి లేదనేది లేదు. అదృష్టం అని పక్కన పెట్టాల్సిందే, అదృష్టం అని నేనైతే నమ్మను. నేను కష్టాన్ని నమ్ముకుంటాను, కష్టమే తీసుకెళ్తుంది. ఈ కష్టంలో ఉన్నప్పుడు మనం కొంచెం కామన్ సెన్స్ తోటి, ప్రెసెన్స్ ఆఫ్ మైండ్ తో ఉండాలి. అవకాశాలు వస్తూ ఉంటాయి, వచ్చిన అవకాశాన్ని మనం ఎంబ్రేస్ చేసుకోవాలి. దాన్ని ఆలింగనం చేసుకొని, దాన్ని సద్వినియోగపరుచుకుంటూ ముందుకు వెళ్లగలగాలి అని అన్నారు.
ఈరోజున వరల్డ్ లో అత్యున్నతమైనటువంటి సంస్థల్లో సీఈఓ (CEO) లుగా ఉన్నవాళ్ళు ఎంతో మంది. అది మన అదృష్టం, మనం గర్వంగా చెప్పుకోవాలి, మన ఇండియన్స్ ఎక్కువ ఉన్నారు. ఇందులో వరల్డ్ బ్యాంక్ నుంచి అయితేనేమి, గూగుల్ అయితేనేమి.. ఏదైనా సరే.. సత్య నాదెళ్ల, వీళ్ళందరూ.. సో, వీళ్ళందరూ మనలో ఉన్నవాళ్లే! మన ఊరి దగ్గర ఉన్నవాళ్లే, మన చుట్టుపక్కల ఉన్న రాష్ట్రాల నుంచి వెళ్ళిన వాళ్లే. అది ఎవరికో దక్కుతుంది, కొంతమందికే దక్కుతుంది, కొంతమంది అదృష్టవంతులకు మాత్రమే వస్తుంది అనుకోవడం చాలా పొరపాటు అని చిరు అన్నారు. నేను ఎవరినండీ? ఎక్కడో ఒక చిన్న పల్లెటూర్లో ఉన్నాను. సాదాసీదా లోయర్ మిడిల్ క్లాస్ ఫ్యామిలీ నుంచి వచ్చాను. బట్ ఎందుకంటే, నా ఎయిమ్, నా ఇంట్రెస్ట్ ఇది అని గ్రహించగలిగాను. చిన్నప్పుడే ఆ ఇంట్రెస్ట్ మీద నేను డెవలప్ చేసుకుంటూ వెళ్ళగలిగాను. ఆ తర్వాత ఆలోచన వచ్చినప్పుడు, “వై నాట్? నేను ఎందుకు చేయకూడదు? నేను ఎందుకు అవ్వకూడదు?” అనుకున్నాను. నా మీద నాకు నమ్మకం నేను ఏర్పరచుకున్నానని ఆయన అన్నారు.
అప్పుడప్పుడు కొంచెం నమ్మకం సడలినప్పుడు, అద్దంలో చూసుకుంటూ ఉంటా.. ‘ఏయ్, గ్రేట్ రా!’ అనిపిస్తుంటాను. నన్ను నేను పెప్ అప్ చేసుకుంటాను. ఇలాంటివి జరుగుతుంటాయి. చుట్టుపక్కల ఎవరూ లేకుండా చూసి అద్దంలో చూసుకుంటాను.. “నన్ను మించినవాడు ఎవడున్నాడురా? శభాష్!” [నవ్వు] అని అనుకుంటూంటాను. అది ఎందుకంటే, నువ్వు ఎప్పుడైనా నీరసించిపోయినప్పుడు అది నిన్ను పెప్ అప్ చేస్తది. దానికి ఆధారంగానే ఏంటంటే.. ప్రకృతి అనేది ఎవరికైనా సరే, ఎప్పుడు నువ్వు ఏది కోరుకుంటే, దానికి ఏది ఇస్తే.. దానికి పదింతలు నీకు తిరిగి వెనక్కి ఇస్తూ ఉంటుంది. ఇది ‘ది సీక్రెట్’. సో, లా ఆఫ్ అట్రాక్షన్ (Law of attraction).. నువ్వు దేన్ని ఆకర్షించాలని కోరుకుంటావో, అదే నిన్ను ఆకర్షిస్తుంది తిరిగి అని చిరంజీవి పేర్కొన్నారు.