మైగ్రేన్ బాధితులు పడే బాధ అంతాఇంతా కాదు. ఒకసారి ఈ తలనొప్పి మొదలైతే గంటల నుంచి రోజుల తరబడి వదలకుండా వేధిస్తూనే ఉంటుంది. తీవ్రమైన నొప్పి, వికారం, వెలుతురు లేదా శబ్దాలను భరించలేకపోవడం వంటి లక్షణాలు రోజువారీ జీవితాన్ని తీవ్రంగా ప్రభావితం చేస్తాయి. మందులు వాడినా ఇది తాత్కాలిక శ ఉపశమనాన్ని మాత్రమే ఇస్తుంది. అయితే, క్రమం తప్పకుండా కొన్ని సులభమైన యోగాసనాలు సాధన చేయడం ద్వారా మైగ్రేన్ సమస్యను అదుపులో ఉంచుకోవచ్చు. ఆ ఆసనాలేంటో ఇప్పుడు చూద్దాం..
బాలసనం (చైల్డ్ పోజ్): బాలసనం మెడ, భుజాలు, వెన్నెముకపై ఉండే ఒత్తిడిని తగ్గించి శరీరానికి, మనసుకు ప్రశాంతతను ఇస్తుంది. మోకాళ్లపై కూర్చుని రెండు చేతులను ముందుకు చాచి నేలకు ఆనిస్తూ ముందుకు వంగాలి. ఇక బోర్లా పడుకున్న స్థితిలో 1 నుండి 3 నిమిషాల పాటు ఉంటూ లోతుగా శ్వాస తీసుకోవడం వల్ల మైగ్రేన్ నొప్పి నుంచి మంచి ఉపశమనం లభిస్తుంది.
అధో ముఖ స్వనాసన: ఈ ఆసనం మెదడుకు రక్త ప్రసరణను పెంచడంలో ఎంతో సహాయపడుతుంది. మెడ, కాళ్లు, చేతుల కండరాలను సాగదీయడం ద్వారా మైగ్రేన్కు కారణమయ్యే సైనస్ నొప్పి తగ్గుతుంది.ఇక నిటారుగా నిలబడి ముందుకు వంగి, శరీరం రివర్స్ ‘V’ ఆకారంలో ఉండేలా చేతులను నేలకు ఆనించి 5 నుండి 10 సార్లు నిలకడగా శ్వాస తీసుకోవాలి.
విపరీత కరణి: విపరీత కరణి ఆసనం నాడీ వ్యవస్థను ప్రశాంతపరిచి, తలకు రక్త ప్రసరణను వేగవంతం చేస్తుంది. దీనివల్ల తలనొప్పి నుంచి తక్షణ ఉపశమనం దక్కడంతో పాటు నడుము, కాళ్లలో ఉన్న అలసట పోతుంది. ఇక వీపుపై పడుకుని రెండు కాళ్లను గోడకు ఆనించి రోజూ 5 నుండి 15 నిమిషాల పాటు ఈ భంగిమలో ఉంటే మంచి ఫలితం ఉంటుంది.
మైగ్రేన్ తలనొప్పికి యోగాసనాలు ఒక సహజమైన, అద్భుతమైన నివారణ మార్గం. రోజువారీ జీవితంలో కొద్ది సమయాన్ని కేటాయించి ఈ ఆసనాలను సాధన చేయడం ద్వారా ఒత్తిడిని తగ్గించుకుని, ప్రశాంతమైన ఆరోగ్యకరమైన జీవితాన్ని గడపవచ్చు.
గమనిక: పైన ఇచ్చిన సమాచారం కేవలం అవగాహన కోసం మాత్రమే అందించబడింది. మైగ్రేన్ తీవ్రత ఎక్కువగా ఉన్నవారు లేదా ఇతర ఆరోగ్య సమస్యలు ఉన్నవారు ప్రారంభంలో నిపుణులైన యోగా శిక్షకుల పర్యవేక్షణలో మాత్రమే ఈ ఆసనాలను సాధన చేయడం మంచిది.
The post తరచూ తలనొప్పి వస్తోందా? ఈ సింపుల్ యోగా ఆసనాలతో రిలీఫ్ పొందండి! appeared first on Manalokam – Latest Telugu News & Updates.