Zaheer Khan: ఐపీఎల్ 2027 (IPL 2027) కోసం చెన్నై సూపర్ కింగ్స్ (CSK) హెడ్ కోచ్గా భారత మాజీ పేసర్ జహీర్ ఖాన్ ఎంపిక కావడం క్రికెట్ వర్గాల్లో ఇప్పుడు తీవ్ర కలకలం రేపుతోంది. ఈరోజు ( సోమవారం, సెప్టెంబర్ 21) సాయంత్రం 6:11 గంటలకు సీఎస్కే యాజమాన్యం తమ అధికారిక సోషల్ మీడియా వేదికగా ఈ ప్రకటన చేసిన కొద్ది సేపటికే సోషల్ మీడియా షేక్ అయింది. 18 ఏళ్ల స్టీఫెన్ ఫ్లెమింగ్ శకానికి ముగింపు పలికి జహీర్కు బాధ్యతలు అప్పగించడంపై ఫ్యాన్స్ నుంచి భిన్నమైన స్పందనలు వ్యక్తమవుతున్నాయి.
ఇంతకీ సీఎస్కేలో ఏం జరుగుతోంది:
* పేలవ ప్రదర్శనలు: ఐపీఎల్ 2025లో 10వ స్థానంతో సరిపెట్టుకున్న చెన్నై సూపర్ కింగ్స్, ఐపీఎల్ 2026లో కూడా కేవలం 8వ స్థానంలో నిలిచి పాయింట్ల పట్టికలో అడుగున నిలిచింది.
* విదేశీ కోచ్లను పక్కనపెట్టి: ఈ దారుణ ఫలితాల నుంచి బయటపడటానికి ఇయాన్ మోర్గాన్, బ్రెండన్ మెక్కలమ్, ఆల్బీ మోర్కెల్, మైక్ హస్సీ లాంటి విదేశీ కోచ్ల పేర్లను పరిశీలిస్తున్నట్లు వార్తలు వచ్చాయి. కానీ, అనూహ్యంగా జహీర్ ఖాన్ (Zaheer Khan) పేరును ప్రకటించడంతో అభిమానులు షాక్కు గురయ్యారు.
దీని వెనుక ధోనీ హ్యాండ్.. నెటిజన్ల ట్రోలింగ్:
జహీర్ ఖాన్ను కోచ్గా నియమించడంపై సోషల్ మీడియాలో మీమ్స్, ట్రోల్స్ ఏరులై పారుతోంది. మహేంద్ర సింగ్ ధోనీకి ఐపీఎల్ 2027 ఆఖరి సీజన్ అయ్యే అవకాశం ఉండటంతో.. ప్లేయర్ల వేలం, వేలం వ్యూహాలు, కోచింగ్ స్టాఫ్ ఎంపికలో ధోనీదే కీలక పాత్ర అని విశ్లేషణలు వస్తున్నాయి. ధోనీ సూచన మేరకే జహీర్ను తీసుకొచ్చారనే టాక్ నడుస్తోంది. ఫ్లెమింగ్ స్థానాన్ని జహీర్ భర్తీ చేయలేరని, వరుసగా రెండేళ్లు ప్లేఆఫ్స్ చేరని సీఎస్కేను జహీర్ ఎలా గట్టెక్కిస్తారంటూ ఫ్యాన్స్ (CSK fans ) ఎక్స్ (ట్విట్టర్) వేదికగా ఫైర్ అవుతున్నారు.
Out of the BOX pic.twitter.com/ulKeLXu2jW
— JK 👊 (@JK_x_AK) September 21, 2026
కోచ్గా జహీర్ ఖాన్.. అనుభవం తక్కువేం కాదు:
* భారత జట్టు (2017): రవిశాస్త్రి హెడ్ కోచ్గా ఉన్న సమయంలో టీమిండియా బౌలింగ్ కన్సల్టెంట్గా జహీర్ ఖాన్ వ్యవహరించాడు.
* ముంబై ఇండియన్స్ (2018–2022): డైరెక్టర్ ఆఫ్ క్రికెట్గా పని చేసి, ముంబై జట్టు వ్యూహాలు, యువ బౌలర్ల నెట్వర్క్ పెంపొందించడంలో కీలక పాత్ర పోషించాడు.
* ముంబై ఇండియన్స్ గ్లోబల్ హెడ్ (2022–2024): SA20, ILT20 లాంటి లీగ్లలో ముంబై ఇండియన్స్ గ్లోబల్ క్రికెట్ డెవలప్మెంట్ హెడ్గా సేవలు అందించాడు.
* లక్నో సూపర్ జెయింట్స్ (2024–2025): ఆగస్టు 2024 నుంచి లక్నో మెంటార్గా, ప్రైమరీ బౌలింగ్ కోచ్గా పని చేసి సెప్టెంబర్ 2025లో తప్పుకున్నాడు.
* బీసీసీఐ నిపుణుడు (మార్చి 2026): బీసీసీఐ సెంటర్ ఆఫ్ ఎక్సలెన్స్లో ఇండియా-ఎ, అండర్-19 ప్రాస్పెక్ట్లకు పేస్ బౌలింగ్ క్యాంప్లను నిర్వహించాడు.
* చెన్నై సూపర్ కింగ్స్ బ్రాండ్, ఐదు ట్రోఫీల ఒత్తిడిని జహీర్ ఖాన్ తన కోచింగ్ స్ట్రాటజీతో ఎలా అధిగమిస్తాడో, సోషల్ మీడియా ట్రోలర్లకు ఎలాంటి సమాధానం ఇస్తాడో అనేది వేచి చూడాల్సిందే.
What!!! pic.twitter.com/K7HcOdQAYv
— Surya (@Suryakillerr) September 21, 2026
Expected flintoff 😕 Fine 🤙 pic.twitter.com/Eymn9gLAzp
— PureOffSide (@GurunadhUp94466) September 21, 2026
CSK fans watching Zaheer Khan as their Head Coach
From Eoin Morgan to Zaheer Khan
This is peak 🤣🤣🤣🤣 https://t.co/isSBp7JWje pic.twitter.com/VVBcWDn9Rg— 𝔸🅖︎𝕄 (@AGM9089) September 21, 2026