Medha Shankr Wedding: కమెడియన్తో 12th ఫెయిల్ హీరోయిన్ పెళ్లి.. క్లారిటీ ఇచ్చిన జంట

‘12th Fail’ ఫేమ్ నటి మేధా శంకర్, బాలీవుడ్ స్టాండప్ కమెడియన్ సమయ్ రైనా పెళ్లి చేసుకోబోతున్నారంటూ సోషల్ మీడియాలో వార్తలు వైరల్ అవుతున్నాయి. డిసెంబర్ 2026లో వీరిద్దరి పెళ్లి జరగనుందనే ప్రచారం నెట్టింట హల్‌చల్ చేస్తోంది. తాజాగా ఈ రూమర్స్‌పై సమయ్ రైనా, మేధా శంకర్ స్పందించడంతో టాపిక్ మరింత ట్రెండింగ్‌లోకి వచ్చింది.

డిసెంబర్‌లో పెళ్లి.. సమయ్ రైనా ఫన్నీ రియాక్షన్!

సమయ్ రైనా, మేధా శంకర్ రిలేషన్‌షిప్‌లో ఉన్నారంటూ కొంతకాలంగా సోషల్ మీడియాలో చర్చ నడుస్తోంది. అయితే వీరిద్దరూ తమ డేటింగ్ విషయాన్ని అధికారికంగా ఎప్పుడూ ధృవీకరించలేదు. తాజాగా బాలీవుడ్ కథనాల్లో ఓ పోస్ట్ వైరల్‌గా మారింది. అందులో సమయ్ రైనా, మేధా శంకర్ డిసెంబర్ 2026లో పెళ్లి చేసుకోబోతున్నారంటూ వార్తలు ట్రెండ్ అవుతున్నాయి. దీంతో వీరి పెళ్లి వార్త సోషల్ మీడియాలో హాట్ టాపిక్‌గా మారింది.

ఈ రూమర్‌పై సమయ్ రైనా తనదైన కామెడీతో స్పందించాడు. ‘‘డిసెంబర్‌లో సమయ్ రైనా, మేధా శంకర్ పెళ్లి చేసుకుంటారా?’’ అనే ఇన్‌స్టాగ్రామ్ పోస్ట్‌ను తన స్టోరీలో రీషేర్ చేశాడు. దానికి ‘‘Jhoot Bole Kauwa Kate’’ అనే పాటను జత చేశాడు. అంతేకాదు.. మేధా శంకర్‌ను ట్యాగ్ చేస్తూ.. ‘‘డిసెంబర్‌లో నాకు ఇండియా టూర్ ఉంది @medhashankr. సారీ.. ఆ టూర్‌ను వాయిదా వేయాల్సి వస్తుంది’’ అని ఫన్నీగా రాసుకొచ్చాడు. సమయ్ రైనా చేసిన ఈ పోస్ట్.. పెళ్లి రూమర్స్‌పై అతడి హ్యూమరస్ రియాక్షన్‌గా నిలిచింది.

Medha Shankr And Samay Raina React To The Viral Reports Of Their Alleged Wedding With A Fun And Lighthearted Response. 😂❤️
📸 @maisamayhoon @medhashankr
.
.
.#MedhaShankr #SamayRaina #WeddingRumours #ViralNews #IndiaForums pic.twitter.com/A5khsLQxKs

— India Forums (@indiaforums) September 20, 2026

మేధా శంకర్ కూడా క్లారిటీ.. రూమర్స్‌కు చెక్!

సమయ్ రైనా పోస్ట్‌ను మేధా శంకర్ కూడా తన ఇన్‌స్టాగ్రామ్ స్టోరీలో రీషేర్ చేసింది. అందులో నవ్వుతున్న ఎమోజీలతో స్పందించింది. అంతేకాదు.. పెళ్లి వార్తలపై వచ్చిన మరో పోస్ట్‌ను కూడా షేర్ చేస్తూ, ఈ రూమర్స్‌లో ఎలాంటి నిజం లేదని స్పష్టం చేసింది. దీంతో డిసెంబర్‌లో వీరిద్దరి పెళ్లి జరగనుందనే ప్రచారానికి ఇద్దరూ తమదైన రీతిలో ఫుల్ స్టాప్ పెట్టారు. అయితే సమయ్ రైనా, మేధా శంకర్ డేటింగ్‌లో ఉన్నారనే విషయంపై ఇప్పటివరకు ఎలాంటి అధికారిక ప్రకటన రాలేదు.

 

 

 

 

View this post on Instagram

 

 

 

 

 

 

 

 

 

 

 

A post shared by Face Magazine (@facemag.in)

సమయ్ రైనా షోలో మేధా శంకర్ సందడి..

సమయ్ రైనా హోస్ట్ చేస్తున్న ‘India’s Got Latent’ షోతో మేధా శంకర్‌కు కూడా అనుబంధం ఉంది. ఆమె ఈ షో రెండో సీజన్‌లో పాల్గొనగా, ఆ ఎపిసోడ్ సోషల్ మీడియాలో చర్చనీయాంశంగా మారింది. మొత్తానికి సమయ్ రైనా, మేధా శంకర్ పెళ్లి అంటూ వైరల్ అవుతున్న వార్తలకు ఇద్దరూ స్పందించడంతో ఈ టాపిక్ మరోసారి నెట్టింట ట్రెండ్ అవుతోంది. ప్రస్తుతం డిసెంబర్ 2026 పెళ్లి వార్తలకు ఎలాంటి అధికారిక ధృవీకరణ లేదు.

 

 

 

 

View this post on Instagram

 

 

 

 

 

 

 

 

 

 

 

A post shared by Samay Raina (@maisamayhoon)