తాజాగా ఆ చారిత్రాత్మక జోడీ మళ్ళీ ఒకే చోట ప్రత్యక్షమైంది. సూపర్ స్టార్ రజనీకాంత్ సినీ ప్రస్థానం యాభై ఏళ్ళకు చేరువైన వేళ, ఆ పాత జ్ఞాపకాలను గుర్తు చేస్తూ ‘నరసింహ’ టీమ్ అంతా ఒక్కటైంది. వీరి కలయిక చూస్తుంటే కేవలం పాత విజయాన్ని సెలబ్రేట్ చేసుకోవడమేనా లేక త్వరలోనే పార్ట్-2 తో సర్ప్రైజ్ చేయబోతున్నారా అనే సందేహం అభిమానుల్లో కలుగుతోంది. సోషల్ మీడియాను షేక్ చేస్తున్న ఆ అరుదైన రీ-యూనియన్ విశేషాలు తెలుసుకుందాం..
1999లో కేఎస్ రవికుమార్ దర్శకత్వంలో విడుదలైన ‘నరసింహ’ (తమిళంలో పడయప్పా) రజనీకాంత్ కెరీర్లో ఒక మైలురాయి. ‘నా దారి రహదారి’ అంటూ ఆయన చెప్పిన డైలాగులు, ఆ సిగరెట్ స్టైల్ అప్పట్లో ఊరూవాడా మారుమోగిపోయాయి. ముఖ్యంగా రమ్యకృష్ణ పోషించిన నీలాంబరి పాత్ర ఒక సంచలనం. హీరోయిన్ స్థాయి ఉన్న నటి అంతటి క్రూరమైన విలన్ పాత్రను పోషించి మెప్పించడం సినీ చరిత్రలోనే ఒక అద్భుతం. రజనీకాంత్ సినీ ప్రయాణానికి 50 ఏళ్లు పూర్తైన సందర్భంగా ఈ సినిమాను ఇటీవల రీ-రిలీజ్ చేయగా, ఇప్పటికీ థియేటర్ల వద్ద అదే స్థాయిలో సందడి కనిపించడం విశేషం.
వైరల్ అవుతున్న ఫోటోలు..
రీ-రిలీజ్ కూడా ఘన విజయం సాధించిన నేపథ్యంలో చిత్ర యూనిట్ అంతా ఒకే చోట కలిశారు. సూపర్ స్టార్ రజనీకాంత్, రమ్యకృష్ణ, దర్శకుడు కేఎస్ రవికుమార్ మరియు నిర్మాతలు కలిసి ఉన్న ఫోటోలు ఇప్పుడు ఇంటర్నెట్లో విపరీతంగా వైరల్ అవుతున్నాయి. తమ అభిమాన నటులను ఇలా ఒకే ఫ్రేమ్లో చూసిన ఫ్యాన్స్ ఆనందానికి అవధులు లేవు.
Rajini Ksr & Ramyakrishnan4
26 ఏళ్ళ తర్వాత కూడా ఆ ఇద్దరి మధ్య ఉన్న అదే పవర్ఫుల్ బాండింగ్ ఈ ఫోటోల్లో కనిపిస్తోందని నెటిజన్లు కామెంట్స్ చేస్తున్నారు. ఈ రీ-యూనియన్ కేవలం ఫోటోలకే పరిమితం కాలేదని, ‘నరసింహ 2’ కోసం చర్చలు కూడా జరిగాయని కోలీవుడ్ వర్గాల్లో గట్టిగా ప్రచారం జరుగుతోంది. రజనీకాంత్ 50 ఏళ్ల వేడుకను పురస్కరించుకుని ఈ క్లాసిక్ కథకు కొనసాగింపు తీసుకురావాలని మేకర్స్ యోచిస్తున్నారట. ఒకవేళ సీక్వెల్ పట్టాలెక్కితే, అందులో మళ్ళీ నీలాంబరిగా రమ్యకృష్ణ కనిపిస్తారా లేదా అనే ఆసక్తి అందరిలోనూ నెలకొంది.
Rajini Ksr & Ramyakrishnan2
నీలాంబరి పాత్రకు ఉన్న క్రేజ్ దృష్ట్యా ఆమె లేకుండా పార్ట్-2 ఊహించడం కష్టమే అని విశ్లేషకులు అభిప్రాయపడుతున్నారు. అప్పట్లో ఒక ట్రెండ్ సెట్ చేసిన ఈ జోడీ మళ్ళీ వెండితెరపై మెరిస్తే బాక్సాఫీస్ వద్ద పూనకాలు రావడం ఖాయం. రజనీకాంత్ స్టైల్, రమ్యకృష్ణ పవర్ఫుల్ పర్ఫార్మెన్స్ మళ్ళీ చూడాలని కోరుకోని సినీ ప్రేమికుడు ఉండడు. మరి ఈ అరుదైన కలయిక సీక్వెల్కు దారితీస్తుందో లేదో వేచి చూడాలి.