Digital Gold vs Physical Gold: బంగారం కొనుగోలు అనేది కేవలం అలంకారం కోసం మాత్రమే కాదు, ఒక సురక్షితమైన పెట్టుబడిగా కూడా భారతీయులు భావిస్తారు. అయితే, మారుతున్న కాలంతో పాటు బంగారం కొనే పద్ధతులు కూడా మారాయి. ప్రస్తుతం చాలామంది మొబైల్ యాప్ల ద్వారా ‘డిజిటల్ గోల్డ్’ కొనుగోలు చేస్తున్నారు. మరి సంప్రదాయ పద్ధతిలో ఫిజికల్ గోల్డ్ (నగలు, నాణేలు) కొనడం మేలా? లేక డిజిటల్ గోల్డ్ మేలా? ఏది ఎక్కువ సురక్షితం? అనేది తెలుసుకుందాం..
బంగారంపై పెట్టుబడి పెట్టాలనుకునే వారికి ఇప్పుడు రెండు ప్రధాన మార్గాలు ఉన్నాయి. ఒకటి నేరుగా షాపుకి వెళ్లి నగలు లేదా నాణేలు కొనడం, రెండోది ఆన్లైన్లో డిజిటల్ బంగారం కొనడం. ఈ రెండింటిలో ఉన్న సానుకూలతలు, సవాళ్లు ఇవే.
ఇది కూడా చదవండి: Fuel Prices: లీటర్ పెట్రోల్ రూ. 82, డీజిల్ రూ. 78.05 మాత్రమే.. ఎక్కడో తెలుసా..? మన దేశంలోనే..
డిజిటల్ గోల్డ్ (Digital Gold): తక్కువ ఖర్చు – ఎక్కువ సౌకర్యం: డిజిటల్ గోల్డ్ అనేది మొబైల్ యాప్ల ద్వారా ఆన్లైన్లో కొనుగోలు చేసే బంగారం. దీనివల్ల కలిగే ప్రధాన ప్రయోజనాలు.
- తక్కువ పెట్టుబడి: మీరు కేవలం రూ. 10 లేదా రూ.100లతో కూడా బంగారం కొనడం ప్రారంభించవచ్చు.ఈ బంగారాన్ని మీరు ఇంట్లో దాచుకోవాల్సిన పని లేదు. కంపెనీలే సురక్షితమైన వాల్ట్లలో (Vaults) భద్రపరుస్తాయి. అందుకే దొంగతనం భయం ఉండదు.
- నాణ్యత: డిజిటల్ గోల్డ్ సాధారణంగా 24 క్యారెట్ల (99.9% స్వచ్ఛత) బంగారంగా ఉంటుంది. నాణ్యత విషయంలో రాజీ ఉండదు. సులభంగా నగదుగా మార్చుకోవచ్చు కూడా. అవసరమైనప్పుడు ఒక క్లిక్ ద్వారా ఆన్లైన్లోనే అమ్మి, డబ్బును నేరుగా మీ బ్యాంక్ ఖాతాకు పొందే వీలుంది.
- డిజిటల్ గోల్డ్ లో ఉన్న సవాళ్లు: మన దేశంలో మ్యూచువల్ ఫండ్స్ లేదా బ్యాంకుల మాదిరిగా డిజిటల్ గోల్డ్ను పర్యవేక్షించడానికి ఇంకా బలమైన నియంత్రణ సంస్థ లేదు. ఇది పూర్తిగా ఆయా సంస్థల నమ్మకంపై ఆధారపడి ఉంటుంది. ఒకవేళ ఆ యాప్ లేదా సంస్థ ఏదైనా సాంకేతిక లేదా చట్టపరమైన సమస్యల్లో చిక్కుకుంటే, మీ బంగారాన్ని యాక్సెస్ చేయడం కొంత ఇబ్బందిగా మారవచ్చు.
- ఫిజికల్ గోల్డ్ (Physical Gold): నేరుగా నగల దుకాణంలో కొనే బంగారంపై మనకు పూర్తి నియంత్రణ ఉంటుంది. బంగారం మీ చేతుల్లోనే ఉంటుంది. ఎవరిపైనా ఆధారపడాల్సిన అవసరం లేదు. అలాగే నగలుగా చేయించుకుంటే శుభకార్యాలకు ధరించవచ్చు.
- ఖర్చులు: నగలు కొన్నప్పుడు మేకింగ్ ఛార్జీలు, జీఎస్టీ కారణంగా పెట్టుబడి విలువ కొంత తగ్గుతుంది. అమ్మేటప్పుడు కూడా షాపు వారు కొంత మొత్తాన్ని కోత విధిస్తారు. ఇంట్లో ఉంచితే దొంగతనం భయం ఉంటుంది. బ్యాంక్ లాకర్లో పెడితే ఏటా అద్దె చెల్లించాల్సి ఉంటుంది.
ఇది కూడా చదవండి: Gold Price: మహిళలకు గుడ్న్యూస్.. భారీగా తగ్గిన బంగారం ధరలు.. వెండిపై ఎంతంటే..!
ఏది ఎంచుకోవాలి?
మీ ప్రాధాన్యతలను బట్టి నిర్ణయం తీసుకోవాలి. చిన్న మొత్తంలో ఆదా చేయాలనుకుంటే మీకు నెలకు కొంత మొత్తమే పొదుపు చేసే అలవాటు ఉంటే, దొంగతనం భయం లేకుండా ఉండాలనుకుంటే డిజిటల్ గోల్డ్ ఉత్తమ ఎంపిక.
అవసరానికి నగలు కావాలనుకుంటే:
పెళ్లిళ్లు లేదా ఇతర వేడుకల కోసం కొంటున్నట్లయితే బంగారంపై పూర్తి నియంత్రణ ఉండాలనుకుంటే ఫిజికల్ గోల్డ్ ఎంచుకోవడం మంచిది.
ముఖ్య గమనిక: మీరు డిజిటల్ పద్ధతిలో కొన్నా లేదా నేరుగా షాపులో కొన్నా.. ఎల్లప్పుడూ హాల్మార్క్ ఉన్న, సర్టిఫైడ్ సంస్థల నుండే కొనుగోలు చేయడం సురక్షితం.
మరిన్ని బిజినెస్ వార్తల కోసం ఇక్కడ క్లిక్ చేయండి