ఆపిల్ సంస్థ ఎంతో ఆసక్తిగా ఎదురుచూస్తున్న తన డిజిటల్ పేమెంట్స్ సర్వీస్ ‘ఆపిల్ పే’ని ఎట్టకేలకు భారత్లో లాంచ్ చేసింది. ప్రపంచంలోనే అతిపెద్ద డిజిటల్ పేమెంట్స్ మార్కెట్లలో ఒకటైన భారత్లోకి ఈ సర్వీస్ ప్రవేశించడం డిజిటల్ చెల్లింపుల రంగంలో ఒక ముఖ్యమైన మైలురాయిగా నిలిచింది. భారత్లో డిజిటల్ చెల్లింపులు వేగంగా అభివృద్ధి చెందుతున్న తరుణంలో.. ఈ సర్వీస్ రాకతో వినియోగదారులకు మరింత సులభమైన చెల్లింపుల అనుభూతి లభించనుంది.
ప్రస్తుతం ఈ సర్వీస్ ప్రారంభ దశలో భాగంగా కేవలం యాక్సిస్ బ్యాంక్ జారీ చేసిన వీసా, మాస్టర్కార్డ్ క్రెడిట్ కార్డు యూజర్లకు మాత్రమే ఇది అందుబాటులో ఉంది. అయితే రాబోయే రోజుల్లో మరిన్ని బ్యాంకులను ఇందులో చేర్చడానికి ఆపిల్ సన్నాహాలు చేస్తోంది. ఫుడ్ అండ్ బెవరేజెస్, ట్రావెల్, ఫ్యాషన్, లైఫ్స్టైల్ వంటి వివిధ ప్రముఖ మర్చెంట్స్ వద్ద ఆపిల్ పే ఉపయోగించి పేమెంట్స్ చేసుకోవచ్చని కంపెనీ వెల్లడించింది.
ఈ పేమెంట్ విధానం చాలా సులభంగా, వేగంగా పనిచేస్తుంది. యూజర్లు ఎలాంటి కార్డ్ పిన్, ఓటీపీ ఎంటర్ చేయాల్సిన అవసరం లేదు. స్టోర్లలో మీ ఐఫోన్, ఆపిల్ వాచ్ను ఎన్ఎఫ్సీ టెర్మినల్ దగ్గర ఉంచి.. ఫేస్ ఐడీ, టచ్ ఐడీ, పాస్కోడ్ ఉపయోగించి ఈజీగా పేమెంట్స్ పూర్తి చేయవచ్చు.
ఆపిల్ పే అత్యున్నత భద్రత, గోప్యతా ప్రమాణాలతో వస్తోంది. మీ అసలు కార్డ్ నంబర్లు డివైజ్లో గానీ, ఆపిల్ సర్వర్లలో గానీ స్టోర్ కావు. అలాగే మర్చెంట్స్తో షేర్ చేయబడవు. దీని బదులు ఎన్క్రిప్ట్ చేయబడిన ప్రత్యేకమైన ‘డివైజ్ అకౌంట్ నంబర్’ ఉపయోగపడుతుంది. మాస్టర్కార్డ్ టోకనైజేషన్ టెక్నాలజీ ద్వారా లావాదేవీలు మరింత ఈజీగా మారుతాయి.
ALSO READ : రివర్స్ గేర్ వేసిన గోల్డ్ రేట్లు..
ఈ సేవలను వినియోగించుకోవడానికి కొన్ని నిర్దిష్టమైన ఆపిల్ డివైజులు, సాఫ్ట్వేర్ అవసరం. ఐఫోన్ XR లేదా ఆ తర్వాతి మోడల్స్.. ఆపిల్ వాచ్ సిరీస్ 6 లేదా ఆ తర్వాతి మోడల్స్ ఆపిల్ పే సేవలకు కంప్యాటబుల్. అలాగే ఐప్యాడ్, మాక్ డివైజుల్లో కూడా త్వరలోనే పూర్తి సపోర్ట్ లభించనుంది.