- రూ. 70 వేల కోట్ల బకాయిలు ఉండడంతో ప్రశ్నార్థకంగా సంస్థ మనుగడ
- నస్పూర్ లో సింగరేణి బకాయిలపై బీజేపీ లడాయి కార్యక్రమం
కోల్బెల్ట్, వెలుగు : సింగరేణి సంస్థను నిర్వీర్యం చేసి, ప్రైవేట్ కు కట్టబెట్టేందుకు ప్రభుత్వం కుట్ర చేస్తోందని బీజేపీ నేతలు ఆరోపించారు. రాష్ట్ర ప్రభుత్వ విద్యుత్ సంస్థల నుంచి సింగరేణికి సుమారు రూ.70 వేల కోట్లు రావాల్సి ఉందన్నారు. ఆ డబ్బులు ఇవ్వకపోవడంతో సింగరేణి జీతాల కోసం బ్యాంకుల నుంచి అప్పులు తీసుకునే పరిస్థితి ఏర్పడిందన్నారు.
సింగరేణి బకాయిలపై బీజేపీ లడాయి ధర్నా కార్యక్రమాన్ని బుధవారం మంచిర్యాల జిల్లా శ్రీరాంపూర్ఏరియా సీసీసీ నస్పూర్కార్నర్వద్ద బీజేపీ రాష్ట్ర ఉపాధ్యక్షుడు రాఘునాథ్వెరబెల్లి ఆధ్వర్యంలో నిర్వహించారు. ధర్నాలో మల్కాజిగిరి ఎంపీ ఈటల రాజేందర్, సిర్పూర్ ఎమ్మెల్యే పాల్వాయి హరీశ్ బాబు, ఎమ్మెల్సీ మల్క కొమురయ్య పాల్గొన్నారు.
ఈ సందర్భంగా బీజేపీ నాయకులు మాట్లాడుతూ కార్మికులకు ఇచ్చిన హామీలను అమలు చేయడంలో గతంలో కేసీఆర్, ఇప్పుడు సీఎం రేవంత్రెడ్డి విఫలం అయ్యారన్నారు. సింగరేణికి బీఆర్ ఎస్ హయాంలో రూ.28 వేల కోట్ల బకాయిలు ఉంటే.. కాంగ్రెస్సర్కార్ రూ.55వేల కోట్లకు పెంచిందన్నారు. అసలు, వడ్డీ కలిపి రూ.70 వేల కోట్లకు చేరడంతో సింగరేణి సంస్థ మనుగడే ప్రశ్నార్థకంగా మారిందన్నారు.
2025-26 ఆర్థిక సంవత్సరంలో సింగరేణి వాస్తవ లాభాలను ప్రకటించి, 40 శాతం వాటాను కార్మికులకు చెల్లించాలని డిమాండ్చేశారు. ప్రతి నెల మెడికల్ బోర్డు నిర్వహించాలని, సొంతింటి పథకంలో భాగంగా రెండు గుంటల జాగ, బ్యాంక్లోన్ ఇప్పించాలని, కార్మికులకు నాణ్యమైన పనిముట్లు, సేఫ్టీ పరికరాలను ఇవ్వాలని కోరారు.
ధర్నాలో మాజీ ఎమ్మెల్యేలు శ్రీదేవి, బోడిగె శోభ, అందుగుల శ్రీనివాస్, హేమాజీ, సంధ్యారాణి, నారాయణరెడ్డి, బీజేపీ జిల్లా అధ్యక్షుడు వెంకటేశ్వర్గౌడ్, ముఖేశ్గౌడ్, గోమాస శ్రీనివాస్, బీఎంఎస్ స్టేట్ప్రెసిడెంట్అప్పాని శ్రీనివాస్ పాల్గొన్నారు.