Huawei Mate 90 Pro Max: చైనాలో Huawei కొత్త ఫ్లాగ్‌షిప్ సిరీస్‌లో భాగంగా మరో ప్రీమియం 5G స్మార్ట్‌ఫోన్‌ను విడుదల చేసింది. Huawei Mate 90 Pro Max పేరుతో వచ్చిన ఈ ఫోన్‌ను ముఖ్యంగా ఫోటోగ్రఫీ, కెమెరా ఫీచర్లను ఇష్టపడే వినియోగదారులను దృష్టిలో పెట్టుకుని రూపొందించినట్లు కంపెనీ తెలిపింది. ఈ ఫోన్‌లో 200MP RYYB పెరిస్కోప్ టెలిఫోటో కెమెరా, 6.9 అంగుళాల డ్యూయల్-లేయర్ OLED డిస్‌ప్లే, 6,800mAh భారీ బ్యాటరీ వంటి ప్రత్యేక ఫీచర్లు ఉన్నాయి. అంతేకాకుండా Collector’s Editionతో ప్రత్యేకమైన మాడ్యులర్ కెమెరా సిస్టమ్‌ను కూడా అందిస్తున్నారు.
6.9 అంగుళాల డ్యూయల్-లేయర్ OLED డిస్‌ప్లే
Huawei Mate 90 Pro Maxలో 6.9 అంగుళాల డ్యూయల్-లేయర్ OLED డిస్‌ప్లే అందించారు. ఇది 2848×1320 పిక్సెల్స్ రిజల్యూషన్‌ను కలిగి ఉంది. డిస్‌ప్లేలో 1Hz నుంచి 120Hz వరకు LTPO రిఫ్రెష్ రేట్ సపోర్ట్ ఉంది. అలాగే 1440Hz హై-ఫ్రీక్వెన్సీ PWM డిమ్మింగ్, 12,000 నిట్స్ వరకు లోకల్ పీక్ బ్రైట్‌నెస్, BT.2020 కలర్ గ్యామట్ సపోర్ట్ వంటి ఫీచర్లు ఉన్నాయి. స్క్రీన్ రక్షణ కోసం Kunlun Glassను ఉపయోగించారు.
6,800mAh బ్యాటరీ.. 100W ఫాస్ట్ ఛార్జింగ్
ఈ ఫోన్‌లో 6,800mAh బ్యాటరీ ఉంది. ఇది 100W వైర్డ్ ఫాస్ట్ ఛార్జింగ్‌తో పాటు 50W వైర్‌లెస్ ఛార్జింగ్కు కూడా సపోర్ట్ చేస్తుంది. ఫోన్‌లో గరిష్ఠంగా 16GB RAMతో Kirin 9050 Pro చిప్‌సెట్ అందించారు. సాఫ్ట్‌వేర్ పరంగా HarmonyOS 7పై పనిచేస్తుంది. కనెక్టివిటీ విషయానికి వస్తే Wi-Fi 7, Bluetooth 6.0, NFC, eSIM, StarLight E2.0 వంటి ఫీచర్లు ఉన్నాయి. ఫోన్‌కు IP68/IP69 రేటింగ్ కూడా అందించారు.
200MP RYYB పెరిస్కోప్ కెమెరా
Huawei Mate 90 Pro Maxలో కెమెరా సెటప్ ప్రత్యేక ఆకర్షణగా నిలుస్తోంది. వెనుక భాగంలో ట్రిపుల్ కెమెరా సిస్టమ్ ఉంది.
50MP ప్రైమరీ కెమెరా
40MP అల్ట్రావైడ్ కెమెరా
200MP పెరిస్కోప్ టెలిఫోటో కెమెరా
50MP మెయిన్ కెమెరాలో 1/1.28-అంగుళాల సెన్సార్, RYYB టెక్నాలజీ, OIS ఉన్నాయి. అలాగే f/1.4 నుంచి f/4.0 వరకు వేరియబుల్ అపర్చర్ అందించారు. ఫోన్‌లోని 200MP పెరిస్కోప్ టెలిఫోటో కెమెరాలో కూడా 1/1.28-అంగుళాల సెన్సార్, RYYB టెక్నాలజీ, OIS ఉన్నాయి. ఈ కెమెరా 4x ఆప్టికల్ జూమ్, 8x ఆప్టికల్-క్వాలిటీ జూమ్, 100x డిజిటల్ జూమ్ కు సపోర్ట్ చేస్తుంది. మెరుగైన కలర్ రీప్రొడక్షన్ కోసం 3rd Gen Red Maple ప్రైమరీ-కలర్ కెమెరాను కూడా ఇందులో అందించారు.
Collector’s Editionలో ప్రత్యేక మాడ్యులర్ కెమెరా
Huawei Mate 90 Pro Max Collector’s Editionలో మరింత ప్రత్యేకమైన కెమెరా సిస్టమ్‌ను ఉపయోగించవచ్చు. ఇందులో Huawei Ruiying Z10 మాడ్యులర్ కెమెరాను ఫోన్‌కు అమర్చుకునే అవకాశం ఉంది. ఈ మాడ్యులర్ కెమెరాలో 1-అంగుళాల RYYB సెన్సార్, 10x నిరంతర ఆప్టికల్ జూమ్, 24-240mm ఫోకల్ రేంజ్, f/2.0-f/4.5 అపర్చర్, 4K వీడియో రికార్డింగ్ వంటి ఫీచర్లు ఉన్నాయి. సెల్ఫీల కోసం 13MP ఆటోఫోకస్ అల్ట్రావైడ్ కెమెరాను అందించారు.
Huawei Mate 90 Pro Max ధర ఎంత?
చైనాలో Huawei Mate 90 Pro Max ప్రారంభ ధర CNY 9,499, అంటే సుమారు రూ.1.42 లక్షలుగా ఉంది. ఫోన్‌ను Rose Gold, Jade Green, Crystal White, Obsidian Black కలర్ ఆప్షన్లలో విడుదల చేశారు. Ruiying Z10 మాడ్యులర్ కెమెరా ధర CNY 5,999 కాగా, పూర్తి Pro Max కెమెరా కిట్ ధర CNY 19,499గా ఉంది.