మహబూబాబాద్ జిల్లాలో భారీ దోపిడి వెలుగులోకి వచ్చింది. ఒకటి కాదు రెండు కాదు ఏకంగా 58 కోట్ల రూపాయల స్కామ్ కు పాల్పడ్డారు. బయ్యారం మండలంలోనే జరిగిన ఈ ఫేక్ సర్టిఫికెట్ల దోపిడీ బాగోతం అధికారులను షాకింగ్ కు గురిచేస్తోంది.
బయ్యారం మండలంలో మూడు గ్రామ పంచాయతీల డిజిటల్ మిస్సింగ్ లో భారీ కుంభకోణం జరిగింది. జనన, మరణ నకిలీ ధృవీకరణ పత్రాలతో భారీ అక్రమాలకు తెరలేపారు కొందరు అధికారులు. నామలపాడు – 159, ఇర్సులాపురం – 96, కొత్తగూడెం – 9 , మొత్తం 264 నకిలీ సర్టిఫికెట్లు జారీ చేశారు.
విచారణలో నలుగురిని అరెస్టు చేసి రిమాండ్ కు తరలించారు. ప్రధాన సూత్రధారిగా మీ సేవ కేంద్రం నిర్వాహకుడు (ఐ.డి – RFMH013) ని గుర్తించారు. నకిలీ ధృవీకరణ పత్రాలతో ఇతర రాష్ట్రాలల్లో ఇన్యురెన్స్ డబ్బులు తీసుకున్నారు. ఈ కుంభకోణంపై విచారణ కొనసాగుతోంది.