దక్షిణ అమెరికా దేశమైన వెనిజులాలో బంగారం ధర వింటే మీరు షాక్ అవుతారు. భారతదేశంలో మసాలా దోస లేదా కాఫీ కొన్న ధరకే అక్కడ 1 గ్రాము స్వచ్ఛమైన బంగారం దొరుకుతుంది. మార్కెట్ గణాంకాలను పరిశీలిస్తే, భారతదేశంలో 10 గ్రాముల 24 క్యారెట్ల బంగారం ప్రస్తుత ధర దాదాపు రూ.1.43 లక్షలకుపైగా ఉంది. అంటే, మీరు 1 గ్రాము బంగారానికి సుమారు రూ.14 వేలకుపైగా చెల్లించాలి. దీనికి పూర్తి విరుద్ధంగా వెనిజులాలో 1 గ్రాము బంగారం ధర రూ.181.65 మాత్రమే. ఇంత చౌక ధరకు కారణం అక్కడి తీవ్రమైన ఆర్థిక పరిస్థితి. వెనిజులా ప్రస్తుతం భయంకరమైన ఆర్థిక సంక్షోభం, అధిక ద్రవ్యోల్బణాన్ని ఎదుర్కొంటోంది. అక్కడి స్థానిక కరెన్సీ ‘బొలివర్’ విలువ అట్టడుగు స్థాయికి పడిపోయింది.