దర్శకుడు రామ్ గోపాల్ వర్మ మరోసారి డీప్‌ఫేక్ వీడియోల వివాదంపై తనదైన శైలిలో సంచలన వ్యాఖ్యలు చేశారు. ఆర్జీవీ తాజాగా కృత్రిమ మేధస్సు (AI) ఆధారిత డీప్‌ఫేక్ వీడియోలు, సెలబ్రిటీలను లక్ష్యంగా చేసుకున్న మార్ఫింగ్ కంటెంట్ పై జరుగుతున్న చర్చలో పాల్గొన్నారు. ఈ వ్యవహారంలో ఆయన సెలబ్రిటీలనే తప్పుబట్టడం గమనార్హం.అభ్యంతరకరమైన డీప్‌ఫేక్ వీడియోల లింకులను సెలబ్రిటీలు స్వయంగా ప్రచారం చేయడం వల్లే అవి ఎక్కువ మందికి చేరాయని, అందరూ చూసేలా చేశారని రామ్ గోపాల్ వర్మ వ్యాఖ్యానించారు. వీడియోలు సృష్టించిన వారిని గుర్తించి, వారిని పట్టుకోవడం ఎంత ముఖ్యమో, ఆ విషయాన్ని ప్రజల్లోకి తీసుకెళ్లి నేరస్థుల్లో భయం కలిగించడం కూడా అంతే అవసరం అని ఆయన సూచించారు.డీప్‌ఫేక్ వీడియోలను తయారుచేసిన వ్యక్తిని పట్టుకున్న విషయాన్ని బహిర్గతం చేయడం ద్వారా ఇటువంటి చర్యలకు పాల్పడే వారికి గట్టి హెచ్చరిక ఇచ్చినట్లు అవుతుందని ఆర్జీవీ అభిప్రాయపడ్డారు. అంతేకాకుండా, అభ్యంతరకరమైన కంటెంట్‌ను ప్రచారం చేయడం కూడా చట్టరీత్యా నేరమే అనే విషయాన్ని మనమంతా గుర్తుంచుకోవాలని ఆయన నొక్కి చెప్పారు. ఈ వ్యాఖ్యలు సోషల్ మీడియాలో మరోసారి తీవ్ర చర్చకు దారితీశాయి.
మరిన్ని వీడియోల కోసం :
ఒకే నెలలో రెండు సినిమాలతో సందడి చేస్తున్న సాయి పల్లవి
కన్‌ఫ్యూజన్‌లో కన్నడ హీరోలు..ఎందుకంటే?
బాలీవుడ్‌లో సినిమా తీయటం అంత ఈజీ కాదన్న అజయ్‌ దేవగన్‌
ఆకతాయిలకు జూనియర్ వార్నింగ్‌… ఎవ్వరినీ వదిలిపెట్టనన్న ఎన్టీఆర్‌..